முற்றிலும் வித்தியாசமான சுவையில் 'காலி ஃப்ளவர் பிரியாணி' !

காலி ஃப்ளவர் பிரியாணி தேவையானவை: காலி ஃப்ளவர் - 1 கப் (பொடியாக நறுக்கியது), அவல் - 1 கப், குட மிளகாய் - 1 டீஸ்பூன் (பொடியாக வெட்டியது), இஞ்சி, பூண்டு விழுது - 1 டீஸ்பூன், மல்லித் தூள் - 2 டீஸ்பூன், மசாலா பொடி - அரை டீஸ்பூன், சிவப்பு மிளகாய் விழுது - 1 டீஸ்பூன், பெரிய வெங்காயம் - கால் கப் (பொடியாக வெட்டியது), தேங்காய்ப் பால் - 1 கப், உப்பு - தேவையான அளவு, எலுமிச்சை சாறு - சில துளிகள். செய்முறை: வெந்நீரில் எலுமிச்சை சாறு, உப்பு சேர்த்து பத்து நிமிடம் காலி ஃப்ளவரை ஊறவைக்கவும். அவலை தனியாக பத்து நிமிடம் ஊறவைக்கவும். பிறகு வெந்நீரிலிருந்து காலி ஃப்ளவரை நன்றாகப் பிழிந்து எடுக்கவும். காலி ஃப்ளவருடன், அவலையும் பாத்திரமொன்றில் கொட்டி, இதனுடன் குட மிளகாய், சிவப்பு மிளகாய் விழுது, நறுக்கிய வெங்காயம் ஆகியவற்றை சேர்க்கவும். பின்பு இதனுடன் மீதமிருக்கும் இஞ்சி, பூண்டு விழுது, மல்லித்தூள், மசாலா பொடி, உப்பையும் கொட்டி, தேங்காய்ப் பாலையும் ஊற்றி, மொத்தமாகக் கலக்கவும். கலவையை தட்டில் பரப்பினால் முற்றிலும் வித்தியாசமான சுவையில் 'காலி ஃப்ளவர் பிரியாணி' ரெடி. கூடுதல் சிறப்பு: புரதச்சத்து நிறைந்த உணவு இது. நீரிழிவு நோயாளிகளும், பயமின்றி விரும்பிச் சாப்பிடலாம் 'காரத்தை' விரும்புபவர்களுக்கு இது வித்தியாசமான உணவு!