ஆரோக்கிய சமையல்! சென்னா ரசம்
தேவையானவை: ஊற வைத்து வேகவைத்த சென்னா - அரை கப், தக்காளி - 2, புளி - நெல்லிக்காய் அளவு, உப்பு - தேவையான அளவு, மஞ்சள்தூள் - ஒரு சிட்டிகை, கறிவ...
https://pettagum.blogspot.com/2011/03/blog-post_9082.html
தேவையானவை: ஊற வைத்து வேகவைத்த சென்னா - அரை கப், தக்காளி - 2, புளி - நெல்லிக்காய் அளவு, உப்பு - தேவையான அளவு, மஞ்சள்தூள் - ஒரு சிட்டிகை, கறிவேப்பிலை, கொத்தமல்லி - சிறிதளவு.
வறுத்துப் பொடிக்க: காய்ந்த மிளகாய் - 2, தனியா - ஒரு டேபிள்ஸ்பூன், கடலைப்பருப்பு - ஒரு டீஸ்பூன், பெருங்காயம் - சிறு துண்டு, மிளகு, சீரகம் - தலா ஒரு டீஸ்பூன்.
தாளிக்க: கடுகு - அரை டீஸ்பூன், வெந்தயம் - கால் டீஸ்பூன், பொடியாக நறுக்கிய பூண்டு (விருப்பப்பட்டால்) - 2 டீஸ்பூன், எண்ணெய் - ஒரு டீஸ்பூன்.
செய்முறை: பொடிக்க கொடுத்துள்ளவற்றை வெறும் கடாயில் சிவக்க வறுத்து, பொடித்து வைக்கவும். தக்காளியை பொடியாக நறுக்கிக் கொள்ளவும். வேக வைத்த சென்னாவை மிக்ஸியில் ஒன்றிரண்டாக அரைக்கவும். 2 கப் தண்ணீரில் புளியை கரைத்து வடிகட்டி, அரைத்த சென்னாவுடன் சேர்க்கவும். மேலும் ஒரு கப் தண்ணீர் சேர்த்து தக்காளி, கொத்தமல்லி, கறிவேப்பிலை, மஞ்சள் தூள், உப்பு போட்டு கலந்து கொள்ளவும்.
எண்ணெயை காயவைத்து தாளிக்கும் பொருட்-களை சேர்த்து தாளித்து, சென்னா கரைசலை அதில் ஊற்றவும். ஒரு கொதி வந்ததும் பொடித்த பொடியை தூவி இறக்கவும்.
இதை வடிகட்டி 'சூப்'பாகவும் குடிக்கலாம்.
சென்னா ரசம்: சாதாரணமாக பருப்பு போட்டு ரசம் செய்வோம். இதில் சென்னா சேர்த்திருப்பதால் புரதச்சத்து நிறைந்து இருக்கிறது.
Post a Comment