சமையல் குறிப்புகள்! பலாப்பழபோளி
தேவையானவை: பலாப்பழ துண்டுகள் & இரண்டரை கப், தேங்காய் துருவல் & ஒரு கப், வெல்லம் & 2 கப், மைதா மாவு & இரண்டேகால் கப், எண்ணெ...
https://pettagum.blogspot.com/2011/03/blog-post_7701.html
தேவையானவை: பலாப்பழ துண்டுகள் & இரண்டரை கப், தேங்காய் துருவல் & ஒரு கப், வெல்லம் & 2 கப், மைதா மாவு & இரண்டேகால் கப், எண்ணெய் & ஒரு டேபிள்ஸ்பூன், ஏலக்காய்தூள் & அரை டீஸ்பூன், நெய் & கால் கப்.
செய்முறை: மைதா மாவை சலித்து, போளிக்கு ஏற்ற மாதிரி இளக்கமாக பிசைந்து, அதன் மேல் எண்ணெய் விட்டு ஊறவிடவும். பலாப்பழ துண்டுகளை ஒரு பாத்திரத்தில் போட்டு மூடி, குக்கரில் வைத்து வெயிட் போடாமல் 5 நிமிடம் அடுப்பில் வைத்து இறக்கவும். பிறகு, தேங்காய் துருவல், வேகவைத்த பலாப்பழ துண்டுகள் சேர்த்து கெட்டியாக அரைக்கவும். வெல்லத்தில் ஒரு கரண்டி நீர் விட்டு வெல்லம் கரைந்ததும் வடிகட்டி, மீண்டும் அடுப்பில் வைத்து கெட்டிப் பாகு காய்ச்சவும். இதில் அரைத்த பலாப்பழ விழுதைப் போட்டு கெட்டியாக வரும் வரை கிளறவும். ஏலப்பொடியையும் போடவும். இதுதான் போளிக்கான பூரணம்.இதை நெய் தொட்டு சிறிய உருண்டைகளாக உருட்டவும். மைதா மாவை உருட்டி, கையில் எண்ணெய் தொட்டுப் பரத்தி, பூரண உருண்டையை வைத்து மூடி, வாழையிலையில் வைத்து போளியாக தட்டி தோசைக்கல்லில் போட்டு, சுற்றிலும் நெய் ஊற்றி சிவந்ததும் எடுக்கவும்.
Post a Comment