சமையல் குறிப்புகள்! தேங்காய் அரைத்த குழம்பு

நாகர்கோவிலில் தினப்படி வீடுகளில் வைக்கும் குழம்பு இது. இந்தக் குழம்புக்கு எருவுளி, புளிங்கறி, தாளகம் என்று பல பேர்கள் உண்டு. தயாரிப்பில் கொஞ்சம் கொஞ்சம் மாறுதல் இருக்கும். இதை எப்படிச் செய்வது என்று பார்ப்போமா? தேவையான பொருட்கள் : காய்ந்த மிளகாய்- 6 அல்லது 7 புளி - 1 நெல்லிக்காய் அளவு (ஊற வைக்கவும்). மஞ்சள் பொடி - ½ தேக்கரண்டி, தேங்காய் - ½ மூடி, எண்ணெய்-தேவையான அளவு, உப்பு, வெல்லம் - தேவைக்கேற்ப. செய்முறை: காய்ந்தமிளாகாய், சீரகம், மஞ்சள்பொடி, தேங்காய் ஆகியவற்றை விழுதாக அரைத்துக் கொள்ளவும். வாணலியில் எண்ணெய் காய்ந்ததும் வெங்காயத்தை வதக்கி விழுதுடன் சேர்த்து அரைக்கவும். இத்துடன் புளி கரைசலுடன் உப்பு சேர்த்து கொத்திக்க விடவும். கீழே இறக்கி வைத்து வெந்தயம் அல்லது கறிவேப்பிலை தாளித்துக் கொள்ளவும்.