கலக்குது க்ரீன் கபாப் ! - சமையல் குறிப்புகள்

க்ரீன் கபாப்

தேவையானவை: கடலைப்பருப்பு - ஒரு கப், நறுக்கிய கொத்தமல்லி - அரை கப், புதினா இலை - கால் கப், சீரகத்தூள் - கால் டீஸ்பூன், கரம் மசாலாத்தூள் - கால் டீஸ்பூன், மிளகாய்த்தூள் - அரை டீஸ்பூன், சோள மாவு - 2 டீஸ்பூன், பிரெட் தூள் - 2 டீஸ்பூன், இஞ்சி - பூண்டு விழுது - அரை டீஸ்பூன், பச்சைப் பட்டாணி - கால் கப், உப்பு - தேவையான அளவு.

செய்முறை: கடலைப்பருப்பை ஒரு மணி நேரம் ஊற வைத்து... கொத்தமல்லி, புதினா, பச்சைப் பட்டாணி ஆகியவற்றை சேர்த்து தண்ணீர் விட்டு கெட்டியாக அரைத்துக் கொள்ளவும். அரைத்த விழுதுடன் சீரகத்தூள், மிளகாய்த்தூள், கரம் மசாலாத்தூள், பிரெட் தூள், சோள மாவு, இஞ்சி - பூண்டு விழுது, உப்பு சேர்த்துக் கலந்து நீளமான உருளை வடிவத்தில் உருட்டி, ஐஸ்கிரீம் குச்சியால் குத்தி  (இட்லி தட்டில்) ஆவியில் வேக வைக்கவும். 10 நிமிடம் கழித்து எடுத்து, தக்காளி சாஸ் அல்லது தக்காளி சட்னியுடன் பரிமாறவும்.
உருண்டைகளை எண்ணெயிலும் பொரிக்கலாம்.
க்ரீன் கபாப்: சிறிதளவு துருவிய பனீர் சேர்த்தால், சுவை சூப்பராக இருக்கும்.