சம்பள மழை பொழியும் சூப்பர் கோர்ஸ்கள் ! - உபயோகமான தகவல்கள்

டீச்சிங், லெதர், ஆர்க்கிடெக்சர்... சம்பள மழை பொழியும் சூப்பர் கோர்ஸ்கள் ! ப்ளஸ் டூ முடித்தவர்கள்... மேற்படிப்பு...

டீச்சிங், லெதர், ஆர்க்கிடெக்சர்...

சம்பள மழை பொழியும் சூப்பர் கோர்ஸ்கள் !

ப்ளஸ் டூ முடித்தவர்கள்... மேற்படிப்பு குறித்து முக்கிய முடிவெடுக்க வேண்டிய மிகமுக்கியமான காலகட்டம் இது. 'எந்தப் படிப்பை தேர்ந்தெடுப்பது..?', 'எதற்கு எதிர்காலம்..?' என்பது போன்ற ஆயிரத்தெட்டு குழப்பக் கேள்விகளோடு... பெற்றோரும், மாணவர்களும் வலம் வந்து கொண்டிருக்கும் இந்த வேளையில், வழிகாட்ட வருகிறார்... கல்வியாளர் மற்றும் 'இந்தியா காலேஜ் ஃபைண்டர்’ அமைப்பின் நிறுவனர் நெடுஞ்செழியன்!
''பொறியியல் படிப்புகளுக்கு நல்ல எதிர்காலம் உண்டு என்பது மறுப்பதற்கில்லை. ஆனால், மற்ற படிப்புகளுக்கும் ஏராளமான வாய்ப்புகள் கொட்டிக் கிடக்கின்றன. ஆசிரியப் பணிக்குத் தயார்படுத்தும் பி.எஸ்சி, பி.எட் - இன்டக்ரேட்டட் கோர்ஸ், லெதர் டெக்னாலஜி துறையில் நல்லதொரு எதிர்காலம் தரும் பி.எஸ்சி, ஃபுட்வேர் டிசைன், கட்டடத்துறையில் கை நிறைய சம்பளம் அள்ள வைக்கும் பி.ஆர்க், மருத்துவ அறிவியலில் எம்.பி.பி.எஸ் மட்டும் அல்லாமல் ஃபார்மசூட்டிக்கல், ஃபிசியோதெரபி, ஆக்குபேஷனல் தெரபி, பேத்தாலாஜி, சித்தா, ஆயுர்வேதா, ஹோமியோபதி என்று விரிந்திருக்கும் களம்... இவை பற்றி எல்லாம் பேசுவோம் இங்கு. 
மத்திய, மாநில ஆசிரியர் பணி ரெடி!
இன்றைய மாணவர்களின் குறை, தாங்கள் புரிந்துகொள்ளும் வண்ணம் ஆசிரியர்கள் பாடம் நடத்துவதில்லை என்பதுதான். அக்குறையை நிவர்த்தித்து, ஆசிரியப் பணியின் தரத்தைக் கூட்ட மத்திய அரசாங்கத்தால் நான்கு வருட டீச்சர் டிரெயினிங் கோர்ஸ்கள் வழங்கப்படுகின்றன. அதை வழங்கும் 'ரீஜினல் இன்ஸ்டிடியூட் ஆஃப் எஜுகேஷன்’ புவனேஸ்வர், மைசூர், ஷில்லாங், போபால், அஜ்மீர் போன்ற இடங்களில் உள்ளது. நான்கு வருட இன்டக்ரேட்டட் கோர்ஸாக கற்றுத் தரப்படும் இந்த பி.எஸ்சி, பி.எட் படிப்பில் சேர, ப்ளஸ் டூ-வில் பயாலஜி, சயின்ஸ் அல்லது காமர்ஸ் குரூப் எடுத்துப் படித் திருக்க வேண்டும். 50 சதவிகித மதிப்பெண்கள் எடுத்திருக்க வேண்டியதும் முக்கியம்.
எல்லா மாநிலங்களிலும் நடைமுறையில் உள்ள பாடத்திட்ட முறைகள் கற்றுத் தரப்படுவதால், இங்கு படிக்கும் மாணவர்கள் எந்த மாநிலத்திலும் அரசுப் பள்ளி ஆசிரியராகப் பணியாற்றலாம். ஆம்... மத்திய, மாநில அரசுப் பள்ளி ஆசிரியர் பணியிடங்களுக்கு இக்கல்லூரியில் கோர்ஸ் முடித்தவர்களுக்கு முன்னுரிமை கொடுக்கப்படும் என்பதால், 100% வேலைவாய்ப்புக்கு உத்தரவாதமுண்டு. மேலும் விவரங்களுக்கு, கல்லூரி இணையதள முகவரி: புவனேஸ்வர் - http://as.ori.nic.in/riebbs/Courses.html மைசூர் - http://www.riemysore.ac.in/
லெதர் டெக்னாலஜியில் நல்ல வாய்ப்பு!
மத்திய வர்த்தகம் மற்றும் தொழில்துறை அமைச்சகத்தின் கீழ் செயல்படுகிறது, உத்தரப்பிரதேசம் நொய்டாவில் உள்ள 'ஃபுட்வேர் டிசைன் அண்ட் டெவலப்மென்ட் இன்ஸ்டிடியூட்'. தோல் பொருட்கள் தயாரிப்புப் பற்றி இங்கு கற்றுத் தரப்படும் மூன்று வருட பி.எஸ்சி-யானது... ஃபுட்வேர் டிசைன், ஃபுட்வேர் டெக்னாலஜி, ஃபுட்வேர் மேனுஃபேக்சரிங், ரீடெய்ல் மேனேஜ்மென்ட் என பல பிரிவுகளில் வழங்கப்படுகிறது. ப்ளஸ் டூ-வில் எந்த குரூப் படித்தவர்களும் இப்படிப்பில் சேரலாம். இதற்காக பிரத்யேக நுழைவுத்தேர்வு எழுத வேண்டும். 'எஃப்.டி.டி.ஐ’ (FDDI-Footwear Design and Development Institute) என்று அழைக்கப்படும் அந்த நுழைவுத் தேர்வுக்கான விண்ணப்பங்களை மே மாத இறுதிக்குள் அனுப்பவேண்டும். தேர்வில் ஆங்கிலம், மேத்ஸ், ஜெனரல் சயின்ஸ், ஜெனரல் அவேர்னஸ் போன்ற பாடங்களில் இருந்து 150 மதிப்பெண்களுக்கு கேள்விகள் கேட்கப்படும். இரண்டரை மணி நேரம் நடக்கும் இந்த நுழைவுத் தேர்வு... ஜூன் மாதம் முதல் வாரத்தில் நடக்கும். தகவல்களுக்கு: http://www.fddiindia.com. இக்கல்லூரியின் கிளை, சென்னை அருகேயுள்ள இருங்காட்டுக்கோட்டையிலும் இருக்கிறது.
படிப்பை முடித்தவுடன், நாடெங்கிலும் உள்ள பிரபல லெதர் கம்பெனிகளில் கை நிறையச் சம்பளம் கியாரன்டி!
கட்டடக்கலை கனவு!
இன்று, மெட்ரோ ரயில் புராஜெக்ட்டில் இருந்து, சர்வதேச விமான நிலையங்கள் கட்டுமானம் வரை அனைத்தும் கட்டட வடிவமைப்பாளர்களின் கைவண்ணம்தான். வீடுகள், மால்கள், அரசாங்க புராஜெக்ட்டுகள் என்று வரும்காலத்தில் இவர்களுக்கான தேவையும் மதிப்பும் அதிகரிக்கும் என்பது சொல்லித் தெரிய வேண்டியதில்லை. அதற்குத் தகுதிப்படுத்தும் நான்கு வருட பி.ஆர்க். படிப்பில் சேர்வதற்கு 'கவுன்சில் ஆஃப் ஆர்க்கிடெக்சர்' (Council of Architecture) அமைப்பு நடத்தும் 'நாட்டா' (NATA - National Aptitude Test in Architecture) என்ற நுழைவுத்தேர்வில் தகுதி மதிப்பெண்களைப் பெற்றாக வேண்டும். பொறியியல் படிப்புக்கான தகுதிப் பாடங்களை ப்ளஸ் டூ-வில் படித்த மாணவர்கள், ரிசல்டுக்குக் கூட காத்திராமல் நுழைவுத் தேர்வுக்கு விண்ணப்பிக்கலாம். பி.ஆர்க். படிப்புகளை நடத்தும் பிரத்யேக ஆர்க்கிடெக்சர் கல்லூரிகளில் இதற்கான மையங்கள் உள்ளன. வசதியான நாளில் இந்தத் தேர்வை எழுதலாம்.
ஆன்லைன் தேர்வுக்கு 100, டிராயிங் தொடர்பான தேர்வுக்கு 100 என மொத்தம் 200 மதிப்பெண்களைக் கொண்ட 3 மணி தேர்வு இது. 80/200 பெறுவது பி.ஆர்க் சேர்வதற்கான தகுதி மதிப்பெண்ணாக வரையறுக்கப்பட்டுள்ளது. சிறப்பான கல்லூரிகளில் இடம் பிடிக்க 120-க்கு மேல் மதிப்பெண் பெறுவது நல்லது. தேர்வு முடிவுகளை நான்கு தினங்களில் பெற முடியும். இந்த நுழைவுத் தேர்வை, மூன்று தடவை எழுதி, ஆவ்ரேஜ் மதிப்பெண்களை தகுதியாகக் கொண்டு, முன்னணி கல்லூரியில் இடம் பிடிப்பவர்களும் உண்டு.
தகவல்களுக்கு: http://www.nata.in/www/default.aspx
நல்ல கல்லூரியில் இடம் பிடித்துவிட்டால், வளமான எதிர்காலம் ரிசர்வ்டு!
வாழ்த்துக்கள்!''

Related

உபயோகமான தகவல்கள் 1830897674643616037

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement


Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item