கோழிக்கறி எஸ்காட்டி--சமையல் குறிப்புகள்

கோழிக்கறி எஸ்காட்டி தேவையான பொருட்கள் முழுக்கோழி - 1 சீரகம் - 1 டீஸ்பூன் வெங்காயம் - 3 மிளகு - 10 ஏலக்காய் - 3 பட்டை சிறு துண்டு, லவங்கம் - 5 ஜாதிக்காய்த் தூள் - 1/4 டீஸ்பூன் வெந்தயம் - 1/2 டீஸ்பூன் சோம்பு - ஒரு டீஸ்பூன் இஞ்சி - சிறு துண்டு கசகசா - 1 டீஸ்பூன் தேங்காய் - 1/2 மூடி (துருவியது) மிளகாய்த் தூள் - 2 டீஸ்பூன் எலுமிச்சைச் சாறு - 1 டீஸ்பூன் உப்பு, எண்ணை - தேவைக்கேற்ப புளி - கோலியளவு செய்முறை * ஒரு கடாயில் எண்ணை ஊற்றி காய்ந்ததும், சீரகம், மிளகு, ஏலக்காய், பட்டை லவங்கம், சோம்பு, இஞ்சி, வெந்தயம் போட்டு பொன்னிறமாக வறுக்கவும். இதை விழுதாக அரைக்கவும். * துண்டுகளாக நறுக்கிய ஒரு வெங்காயத்தை சிறிது எண்ணைவிட்டு வதக்கி, தேங்காய் துருவல், கசகசா சேர்த்து வறுத்து அரைக்கவும். * மீதி தேங்காயில் பால் எடுக்கவும். ஒரு கப் கெட்டியான பால் எடுத்துக் கொள்ளவும். நீர் ஊற்றி இரண்டாம் பால் எடுத்துக் கொள்ளவும். * மூன்று டீஸ்பூன் எண்ணெயை ஒரு கடாயில் காய வைத்து நறுக்கிய இரண்டு வெங்காயத்தை போட்டு பொன்னிறமாக வதக்கவும். * இப்போது கோழிக்கறி துண்டுகளை சேர்த்து, அரைத்த விழுதுகளையும் போட்டு வதக்கவும். * மிளகாய்த் தூள், தனியாத் தூள், மஞ்சள் தூள் சேர்க்கவும், * புளிக் கரைசலைச் சேர்த்து இரண்டாவது பாலைச் சேர்க்கவும், போதுமான உப்பு சேர்த்து கோழிக்கறி நன்றாக வேகும் வரை சமைக்கவும். * எலுமிச்சம் பழச்சாறு மற்றும் முதலில் எடுத்த கெட்டியான தேங்காய்ப்பால் சேர்க்கவும். பத்து நிமிடங்கள் கொதிக்கவிட்டு இறக்கி சூடான சாதத்துடன் பரிமாறவும். **************************************************