சிக்கன் எஸ்காட்டி--சமையல் குறிப்பு
சிக்கன் எஸ்காட்டி தேவையான பொருட்கள் சிக்கன் - 1 (சுத்தம் செய்த முழுக்கோழி) சீரகம் - 1 தேக்கரண்டி வெங்காயம் - 3 (பெரிதாக நறுக்கியது...
https://pettagum.blogspot.com/2011/08/blog-post_3817.html
சிக்கன் எஸ்காட்டி
தேவையான பொருட்கள்
சிக்கன் - 1 (சுத்தம் செய்த முழுக்கோழி)
சீரகம் - 1 தேக்கரண்டி
வெங்காயம் - 3 (பெரிதாக நறுக்கியது)
மிளகு - 10
ஏலக்காய் - 3
பட்டை - சிறிதளவு
இலவங்கம் - 5
ஜாதிக்காய் (நறநறவென அரைத்தது)
- 1/4 தேக்கரண்டி
உப்பு - தேவைக்கேற்ப
வெந்தயம் - 1/2 தேக்கரண்டி
சோம்பு - 1 தேக்கரண்டி
இஞ்சி - சிறு துண்டு
கசகசா - 1
துருவிய தேங்காய் - 1/2 மூடி
மிளகாய்த்தூள் - 2 தேக்கரண்டி
தனியாத்தூள் - 1 தேக்கரண்டி
எலுமிச்சைசாறு - தேக்கரண்டி
எண்ணை - 150 மில்லி
செய்முறை
2தேக்கரண்டி எண்ணையை சூடு செய்து சீரகம்,மிளகு,ஏலக்காய்,பட்டை,இலவங்கம்,ஜாதிக்காய்,சோம்பு,இஞ்சி,வெந்தயம் போட்டு பொன்னிறமாக வறுத்து விழுதாக
அரைக்கவும்.துண்டுகளாக நறுக்கிய ஒரு வெங்காயத்தை சிறிது
எண்ணை விட்டு வதக்கி தேங்காய் துருவல்,கசகசா சேர்த்து வறுக்கவும்.பிறகு அதனையும் விழுதாக்கிக் கொள்ளவும்.
மீதி பாதி தேங்காயில் பால் எடுக்கவும்.ஒரு கப் கெட்டியான தேங்காய்ப்பாலும் எடுத்துக் கொள்ளவும்.3 தேக்கரண்டி எண்ணை சூடு செய்து துண்டுகளாக நறுக்கிய 2 வெங்காயம் போட்டு பொன்னிறமாக வதக்கவும்.சிக்கன் துண்டுகளையும், அரைத்த விழுதுகளையும் போட்டுவதக்கவும்.மிளகாய்,தனியா,மஞ்சள்தூள் சேர்க்கவும். புளித்தண்ணீர் மற்றும் தேங்காய்ப்பாலை சிக்கனில் சேர்க்கவும். நன்றாக கிளறி விடவும்.உப்பு சேர்த்து,சிக்கன் நன்றாக வேகும் வரை சமைக்கவும்.எலுமிச்சை சாறு மற்றும் கெட்டியான தேங்காய் பால் சேர்க்கவும்.பத்து நிமிடம் கொதிக்க விடவும்.சூடான சாதத்துடன் பரிமாறவும்.
Post a Comment