சன்னா பாஸ்தா சூப்---சமையல் குறிப்புகள்

சன்னா  பாஸ்தா சூப்

தேவையானவை:  பாஸ்தா, வேக வைத்த வெள்ளை கொண்டைக்கடலை  - தலா அரை கப், வெஜிடபிள் ஸ்டாக் (டிபார்ட்மென்ட் ஸ்டோர்களில் கிடைக்கும்) - ஒரு கப், கேரட், பீன்ஸ், கோஸ், பீட்ரூட் ஆகியவற்றை வேக வைத்து வடிகட்டிய நீர், நறுக்கிய வெங்காயத்தாள் - தலா அரை கப், இஞ்சி, பூண்டு (பொடியாக நறுக்கியது) - கால் கப், மிளகுத்தூள் - அரை டீஸ்பூன், ஆலிவ் எண்ணெய் - 2 டீஸ்பூன், சில்லி சாஸ், தக்காளி சாஸ், உப்பு - தேவையான அளவு.
செய்முறை: நான்-ஸ்டிக் பிரஷர் பேனில் ஆலிவ் எண்ணெயை விட்டு, நறுக்கிய இஞ்சி - பூண்டு, வெங்காயத்தாள் சேர்த்து, பொன்னிறமாக வரும் வரை வதக்கவும். பிறகு அதனுடன் வெஜிடபிள் ஸ்டாக், பாஸ்தா சேர்த்து வதக்கவும். வாசனை வந்தவுடன் காய்கறி தண்ணீர், உப்பு, மிளகுத்தூள், தக்காளி சாஸ்,  சில்லி சாஸ், வேக வைத்த வெள்ளைக் கொண்டைக்கடலை சேர்த்து நன்றாகக் கொதிக்கவிட்டால்... சன்னா - பாஸ்தா சூப் பரிமாற ரெடி!