பட்டர் சிக்கன் மசாலா--சமையல் குறிப்பு
பட்டர் சிக்கன் மசாலா தேவையான பொருட்கள் சிக்கன் - 1/2 கிலோ வெங்காயம் - 200 கிராம் தக்காளி - 200 கிராம் இஞ்சி பூண்டு விழுது - 1 டீஸ...
https://pettagum.blogspot.com/2011/08/blog-post_4975.html
பட்டர் சிக்கன் மசாலா
தேவையான பொருட்கள்
சிக்கன் - 1/2 கிலோ
வெங்காயம் - 200 கிராம்
தக்காளி - 200 கிராம்
இஞ்சி பூண்டு விழுது - 1 டீஸ்பூன்
கரம் மசாலா - 1/2 டீஸ்பூன்
சீரகப்பொடி - 1/2 டீஸ்பூன்
தயிர் - 1 ஆழாக்கு
மிளகாய்த்தூள் - 2 டீஸ்பூன்
மஞ்சள்தூள் - 1/4 டீஸ்பூன்
வெண்ணெய் - 4 டீஸ்பூன்
பிரெஷ் கிரீம் - 2 டீஸ்பூன்
முந்திரி விழுது - 2 டீஸ்பூன்
கஸ்தூரி மேத்தி - 1 டீஸ்பூன்
கறுப்பு உப்பு - 1 டீஸ்பூன்
சிவபு கலர் - 1/2 டீஸ்பூன்
பட்டை, லவங்கம், ஏலக்காய் - தலா 2
செய்முறை
* சிக்கன் துண்டுகளை சுத்தம் செய்து கொள்ளவும்.
* தயிர், கறிமசாலா, கறுப்பு உப்பு, கஸ்தூரி மேத்தி, சிவப்பு கலர் இவற்றை நன்கு கலந்து சிக்கனில் தடவி இரண்டு மணி நேரம் ஊற வைக்கவும்.
* கடாயில் வெண்ணையை ஊற்றி காய்ந்ததும் பட்டை, லவங்கம், ஏலக்காய் சேர்த்து தாளிக்கவும்.
* இப்போது நறுக்கிய வெங்காயம், இஞ்சி, பூண்டு விழுது, தக்காளி இவை சேர்த்து வதக்கவும். தொடர்ந்து தனியாத்தூள், மஞ்சள்தூள், மிளகாய்த் தூள், போதுமான அளவு உப்பு சேர்த்து வதக்கவும்.
* சிக்கன் ஊற வைத்த மசாலா கலவை மீதமிருந்தால் அதையும் சேர்த்துக் கொள்ளவும். மசாலா கலவை வேக தேவையான நீர் விடவும்.
* ஊற வைத்த சிக்கனை தந்தூரி அடுப்பில் அல்லது மைக்ரோவேவ் ஓவனில் இருபுறமும் வேக வைத்து எடுக்கவும்.
* தயார் செய்த மசாலா கலவையுடன், வெந்த சிக்கனை சேர்த்து, பிரெஷ் கிரீமையும் சேர்க்கவும்.
* பட்டர் சிக்கன் மசாலாவை இறக்கு முன், அரைத்த முந்திரி விழுதையும் சேர்த்துக் கிளறி இறக்கவும்.
குறிப்பு
* பிரஷ் கிரீம், முந்திரி விழுது சேர்த்தால் சுவை `ரிச்'சாக இருக்கும். இவை இல்லாமலும் செய்யலாம்.
Post a Comment