சிக்கன் காமாட்சி.---சமையல் குறிப்புகள்-அசைவம்!

தேவையான பொருட்கள் :
 கோழிக் கறி - 1 கிலோ
தக்காளி    - கால் கிலோ
சிக்கன் குழம்பு - போதுமான அளவு
எண்ணெய் -  1/2 லிட்டர்
அரைத்த விழுது  - ஒரு மூடி தேங்காய்
முட்டை - 4
மிளகாய்த் தூள் - 2 டீஸ்பூன்
அரைத்த பூண்டு - 2 டீஸ்பூன்
இஞ்சி மசாலா - 2 டீஸ்பூன்
மஞ்சள் தூள் - 1/2 டீஸ்பூன்
இடிச்ச பூண்டு - 10 பல்லு
வறுத்த சீரகத் தூள்- தேவையான அளவு
மிளகுத் தூள் - 1 டீஸ்பூன்
தனியா தூள்- 1 டீஸ்பூன்
செய்முறை :
 '' தேவையான அளவு கோழிக் கறியைச் சின்னச் சின்னத் துண்டுகளாக வெட்டிக்கொள்ள  வேண்டும். கறியைத் தண்ணீரில் அலசிவிட்டு, ஏற்கெனவே தயார் நிலையில் இருக்கும் குழம்பில் போட்டு 10 நிமிடங்களுக்கு வேகவைக்கவேண்டும். எப்போதும் வீட்டில் தயாரிக்கப்படும் நார்மல் குழம்பே போதுமானது. அதே சமயம் குழம்பு தண்ணியாக இருக்கக் கூடாது. சிக்கன் நன்றாக வெந்த பிறகு ஒரு பாத்திரத்தில் நான்கு முட்டைகளை அடித்துவைத்துக்கொண்டு வெந்த கறித் துண்டுகளை முட்டையில்  புரட்டிக்கொள்ள  வேண்டும். அடுத்தாக ஒரு வாணலியில் 1/2 லிட்டர் எண்ணெயை கொதிக்கவைத்து,  முட்டையில் புரட்டப்பட்ட கோழிக் கறியை எண்ணெயில் பொறிக்கவேண்டும். நன்றாகப் பொரிந்த பின்பு அதை வாணலியில் இருந்து எடுத்து வடிசட்டியில் வைக்கவேண்டும். இப்போது சிக்கன் மொறுமொறுப்பாக இருக்கும். மற்றொரு கடாயில் கறிக் குழம்புடன் இஞ்சி, பூண்டு, தக்காளி, தனியா தூள் சேர்த்து நன்றாக வதக்கிக்கொள்ள  வேண்டும். அரைத்த தேங்காயை ஊற்றி கொதிக்கவைக்கவும்.  வறுத்த சீரகத் தூளைத் தூவி பொறித்த சிக்கனை அதில் சேர்க்க வேண்டும். கடாயில் ஊற்றிய கறிக் குழம்பு வற்றும்வரை காத்திருந்து, மிளகுத் தூள், பூண்டு, மஞ்சள் தூள் எல்லாம் சேர்த்து புரட்டி எடுக்கவேண்டும்.  கடாயில் உள்ள குழம்பு காய்ந்து 'செமி கிரேவி’ டைப்பில் சிக்கன் காமாட்சி ரெடி!