பஞ்ச கலவை அல்வா ! -- வாசகிகள் கைமணம்!!

பஞ்ச கலவை அல்வா

தேவையானவை: அவல், சேமியா, ஜவ்வரிசி, மைதா, கோதுமை மாவு - தலா 100 கிராம், சர்க்கரை - ஒரு கிலோ, பால் - ஒரு லிட்டர், நெய் - அரை கிலோ, ஏலக்காய்த்தூள் - ஒரு டீஸ்பூன், முந்திரி - 10, வெள்ளரி விதை - ஒரு டீஸ்பூன்.

செய்முறை: அவல், சேமியா, ஜவ்வரிசி மூன்றையும் பாலில் ஊற வைத்து, மிக்ஸியில் அரைக்கவும். அந்தக் கலவையுடன், பால் விட்டுக் கரைத்த மைதா, கோதுமை மாவு கலவையையும் சேர்த்து நன்கு கலக்கவும். ஒரு கனமான பாத்திரத்தில் சர்க்கரையை போட்டு... கம்பிப் பாகு வரும் வரை கிளறி, அதில் மாவுக் கலவையைச் சேர்த்துக் கிளறவும். கிளறும்போதே நெய் சேர்த்து அல்வா பதம் வரும் வரை கிளறி... பாத்திரத்தில் ஒட்டாமல் வரும்போது  இறக்கவும். நெய் தடவிய தட்டில் கொட்டி பரப்பி... வறுத்த முந்திரி, ஏலக்காய்த்தூள், வெள்ளரி விதை தூவி, துண்டுகள் போட்டு பரிமாறவும்.
 பஞ்ச கலவை அல்வா: பாலுடன் சிறிதளவு மில்க்மெய்ட் சேர்த்துக் கிளறினால்... ருசியும், மணமும் கூடும்.