எண்ணெய் கத்திரிக்காய் குழம்பு--சமையல் குறிப்புகள்

எண்ணெய் கத்திரிக்காய் குழம்பு தேவையான பொருட்கள் சிறிய கத்திரிக்காய் - 10 சின்ன வெங்காயம் - 100 கி தேங்காய்த்துறுவல் - 1/ 2 கப் கசகசா - 1/2 டீஸ்பூன் பூண்டுப்பல் - 5 சீரகம் - 1/2 டீஸ்பூன் காய்ந்த மிளகாய் - 6 தனியாத்தூள் - 1/2 டீஸ்பூன் மஞ்சள்தூள் - 1 டீஸ்பூன் புளிகரைசல் - 1 கப் உப்பு -தேவையான அளவு எண்ணெய் -தேவையான அளவு தாளிக்க: கடுகு - தாளிக்க கறிவேப்பில்லை - சிறிதளவு கொத்தமல்லி தழை - சிறிதளவு செய்முறை எண்ணெய் கத்திரிக்காய் குழம்பு கத்திரிக்காயை காம்போடு உடையாமல் 4ஆக பிளந்து வைத்து கொள்ள வேண்டும்.கடாயில் எண்ணெய் விட்டு காய்ந்த மிளகாய்,சீரகம்,வெங்காயம் சேர்த்து சிறிது வதக்கி ஆறவைத்து அதனுடன் தேங்காய்த்துறுவல்,கசகசா,தனியாத்தூள் சேர்த்து நன்கு நைசாக அரைத்து கொள்ளவும்.அரைத்த விழுதை எடுத்து நறுக்கி வைத்திருக்கும் கத்திரிக்காயின் நடுவில் நிரப்ப வேண்டும்.மீதமுள்ள விழுதை புளிகரைசலில் உப்பு சேர்த்து கரைத்து வைத்து கொள்ள வேண்டும்.கடாயில்எண்ணெய் விட்டு கடுகு,கறிவேப்பிலை,பூண்டு சேர்த்து தாளித்து கத்திரிக்காயை சேர்த்து வதக்க வேண்டும்.நன்கு வதங்கியதும் புளிகரைசலை ஊற்றி கொதிக்க விடவேண்டும்.கத்திரிக்காய் வெந்து கெட்டியானதும் கொத்தமல்லி தழை சேர்த்து இறக்கவும்.