சாண்ட்விச்--சமையல் குறிப்புகள்

சாண்ட்விச் தேவையான பொருட்கள் கோதுமை பிரட் - 4 துண்டுகள் வெண்ணை - 3 டேபிள் ஸ்பூன் வேக வைத்த உருளைக்கிழங்கு - 3 வெள்ளை மிளகுத்தூள் - கால் டீஸ்பூன் உப்பு - கால் டீஸ்பூன் கேரட் - 2 தக்காளி கெச்சப் - 2 டேபிள் ஸ்பூன் மேயோன்னீன் - 2 டேபிள் ஸ்பூன் சீஸ் துருவல் - 2 டேபிள் ஸ்பூன் புதினா, கொத்தமல்லி, பச்சை மிளகாய் (2), பொடியாக அரிந்தது - 1 கப் உப்பு - கால் டீ ஸ்பூன் சர்க்கரை - 1 சிட்டிகை எலுமிச்சம்பழம் - 1 சிறியது செய்முறை சாண்ட்விச் வேக வைத்த உருளைக் கிழங்கை,உப்பு மற்றும் வெள்ளை மிளகுத்தூள் சேர்த்து நன்கு மசிக்கவும்.மசித்த உருளைக்கிழங்கை 3 பகுதிகளாகப் பிரிக்கவும்.புதினா,கொத்தமல்லி, பச்சைமிளகாய்,உப்பு (ஒரு சிட்டிகை),சர்க்கரை சிறிது தண்ணீர் சேர்த்து மிக்சியில் கெட்டியான பச்சை வண்ண சட்னியாக அரைத்து அதனுடன் எலுமிச்சம் பழத்தின் சாற்றைக் கலக்கவும். ஒரு பகுதி மசித்த உருளைக் கிழங்குடன் கேரட் துருவல், தக்காளி கெச்சப் சேர்த்துக் கலந்து சிவப்பு வண்ணக் கலவை தயாரிக்கவும்.மற்றொரு பகுதி மசித்த உருளைக் கிழங்குடன், மேயோன்னீஸ்,சீஸ் துருவல் சேர்த்துக் கலந்து வெள்ளை வண்ணக் கலவை தயாரிக்கவும்.மூன்றாவது பகுதி மசித்த உருளைக் கிழங்குடன் பச்சை வண்ணச் சட்னியைக் கலந்து பச்சை வண்ணக்கலவை தயாரிக்கவும்.ஒரு பிரட் துண்டின் மேல் வெண்ணை தடவி அதன் மேல் பச்சை வண்ணக் கலவை மற்றொரு பிரட் துண்டின் மீது வெண்ணை தடவி அதன் மேல் வெள்ளை வண்ணக் கலவை,மூன்றாவது பிரட் துண்டின் மேல் வெண்ணை தடவி அதன் மேல் சிவப்பு வண்ணக்கலவையை பரவலாகத் தடவவும்.மூன்று வண்ண அடுக்குகளை ஒன்றன் மீது ஒன்றாக அடுக்கி மேல்புறத்தில் இன்னொரு பிரட் துண்டால் மூடி அதன் மூலைவிட்டப் பகுதி வழியாக நடுவில் வெட்டி மூவர்ண சாண்ட்விச் தயாரிக்கவும்.