சமையல் குறிப்புகள்! தக்காளி பழப் பச்சடி
தக்காளி பழப் பச்சடி தேவையான பொருட்கள் தக்காளிப் பழங்கள் - 4 சர்க்கரை - 4 டேபிள்ஸ்பூன் துண்டுகளாக நறுக்கிய வாழைப்பழம், அன்னாசி, திராட்சை, ஆ...
https://pettagum.blogspot.com/2011/05/blog-post_9052.html
தக்காளி பழப் பச்சடி
தேவையான பொருட்கள்
தக்காளிப் பழங்கள் - 4
சர்க்கரை - 4 டேபிள்ஸ்பூன்
துண்டுகளாக நறுக்கிய வாழைப்பழம், அன்னாசி, திராட்சை, ஆப்பிள், பப்பாளி - 1 கப்
ஏலக்காய்த்தூள் - 1 டீஸ்பூன்
செய்முறை
* தக்காளிப் பழங்களை மிக்சியில் போட்டு அடித்து ஒரு உலோக வடிகட்டியில் போட்டுக் கசக்கி வடிகட்டி சாற்றை எடுக்கவும்.
* தக்காளிச் சாறை அடிகனமான வாணலியில் கொதிக்கவிட்டு சர்க்கரை சேர்த்து கைவிடாமல் சிறிது கிளறி இறக்கி ஆற வைக்கவும்.
* துண்டுகளாக நறுக்கிய பழங்களை ஆறிய தக்காளிச் சாறில் போட்டு ஏலக்காய்த்தூள் சேர்த்து குலுக்கி கலந்து (பழத்துண்டுகள் உருக்குலையாமல் இருக்க குலுக்கிக் கலக்க வேண்டும்) தேவையானால் பிரிஜ்ஜில் 2 மணி நேரம் வைத்து ஜில்லென்று பரிமாறவும்.
* வேறுபட்ட சுவைப்டன் கூடிய ஆரோக்கியம் மிகுந்த தக்காளிப் பழப்பச்சடி ரெடி.
சுவைக்கான குறிப்பு
* சர்க்கரைக்கு பதிலாக கெட்டியாகக் கொதிக்கவிட்ட வெல்ல நீர் சேர்க்கலாம். அல்லது தக்காளிச் சாற்றை நன்கு கொதிக்கவிட்டு பழத்துண்டுகள் ஏலக்காய்த்தூள் சேர்க்கையில் தேன் சேர்க்கலாம்.
Post a Comment