துளித் துளியாய்..குறையில்லா பிரசவம் வேண்டும்! --ஹெல்த் ஸ்பெஷல்

துளித் துளியாய்.. குறையில்லா பிரசவம் வேண்டும்! 'உலக அளவில், குறைப் பிரசவத்தில் பிறக்கும் குழந்தைகளில் நான்கில் ஒன்று இந்த...

துளித் துளியாய்..




குறையில்லா பிரசவம் வேண்டும்!

'உலக அளவில், குறைப் பிரசவத்தில் பிறக்கும் குழந்தைகளில் நான்கில் ஒன்று இந்தியாவில் பிறக்கிறது’ என்கிறது இங்கிலாந்தைச் சேர்ந்த மருத்துவ ஆய்வு இதழான 'லான்செட்’. 2010-ம் ஆண்டில் மட்டும் இந்தியாவில் 35.19 லட்சம் குழந்தைகள் குறைப்பிரசவத்தில் பிறந்துள்ளதாக புள்ளிவிபரமும் தெரிவிக்கப்பட்டுள்ளது. அதிகப்படியானக் குழந்தைகள் மரணத்துக்கு இந்தக் குறைப்பிரசவமும் மிகப் பெரிய காரணியாக உள்ளது. 'மிகச் சிறிய வயதில் திருமணம் மற்றும் குழந்தைப்பேறு, போதுமான ஊட்டச் சத்து மிக்க உணவுகளை எடுத்துக்கொள்ளாமை, உடல் நலம் பற்றி கர்ப்பிணிகளுக்குப் போதிய விழிப்பு உணர்வு இன்மை...’ போன்றவையே இதற்கானக் காரணம் என்றும் எச்சரித்துள்ளது லான்செட்.

அச்சுறுத்தும் அஜினோமோட்டோ!
உணவில் சுவைக்காக சேர்க்கும் பொருட்களில் பஞ்சமே இல்லாமல் கலந்து இருக்கிறது ஆபத்து. 'அஜினோமோட்டோவில் கலந்திருக்கும் மோனோசோடியம்குளுட்டோமேட் (MSG)என்பது ஒற்றைத் தலைவலி, சோர்வில் ஆரம்பித்து பல்வேறு பிரச்னைகளை உண்டாக்கக் கூடியது’ என்று எச்சரிக்கிறார்கள் மருத்துவர்கள்.
இதை உணர்ந்த சீனா தங்கள் நாட்டில், அஜினோமோட்டோவைத் தடை செய்திருக்கிறது. இதில் கவனிக்க வேண்டிய விஷயம், சீனா தன் உபயோகத்தைத் தடை செய்திருக்கிறதே தவிர, உற்பத்தியைத் தடை செய்யவில்லை. அதாவது,  உள்ளூரில் தடை செய்யப்பட்ட அஜினோமோட்டோவைத் தான் இந்தியாவுக்கு அனுப்பிவருகிறது. இந்தியாவில் அஜினோமோட்டோவின் ஆபத்தை உணர்ந்து தடை செய்வது அரசின் கையில் இருக்கலாம். ஆனால், நம் வீட்டுக்குள் அஜினோமோட்டோ வராமல் தடுக்கும் வாய்ப்பு நமது கரங்களில்தான் இருக்கிறது.

அழகு சாதன ஆபத்து!
புதிது புதிதாகச் சந்தைக்கு வரும் அழகு சாதனங்களை வாங்கிக் குவிப்பவரா நீங்கள்? வெயிட் ப்ளீஸ்!
'பாதரசம் கலந்த சோப்பு, க்ரீம், ஐ லைனர், மஸ்கரா, க்ளென்சிங்’ போன்ற அழகு சாதனங்களால் சிறுநீரகம் பழுதடைவதோடு, ஒட்டுமொத்த உடலுமே பாதிக்கப்படும் அபாயம் உள்ளது’ என்று எச்சரிக்கிறது உலக சுகாதார நிறுவனம்.
இந்தியாவில் விற்பனையாகும் அழகு சாதனப் பொருட்களில் சருமத்தை வெண்மையாக்கும் க்ரீம் வகைகளே 61 சதவிகிதம். பாதரசம் சருமத்தில் உள்ள மெலனின் என்கிற நிறமியுடன் சேர்ந்து சருமத்தை மேலும் வெள்ளையாக்க உதவுகிறது. தோல் பளிச்சென ஆனாலும்,  நாளடைவில், சருமம் பாதிக்கப்படும். அழகு சாதனப் பொருட்களின் லேபிளில் பாதரச அயோடைடு, பாதரச குளோரைடு, க்விக் சில்வர், பாதரச சல்பைடு, பாதரச ஆக்சைடு போன்றவை சேர்மானப் பொருட்களாக இருப்பதாகக் குறிப்பிடப்பட்டு இருக்கும். ஆனால், பல அழகு சாதனப் பொருட்களில், பாதரச துணைப் பொருட்கள் சேர்ப்பதுபற்றிய எந்த விவரமும் லேபிளில் இருப்பது இல்லை என்ற அதிர்ச்சித் தகவலையும் வெளியிட்டுள்ளது. பாதரசம் கலந்த சோப் மற்றும் க்ரீம் வகைகளைப் பயன்படுத்துவதால், சுற்றுச்சூழல் மாசுபடுவதோடு பிறக்கும் குழந்தைக்கு நரம்பு தொடர்பான பாதிப்பும் ஏற்படுகிறது என்கிறது இந்த ஆய்வு.

'துப்பாக்கி’த் துள்ளல்!
நடிகர் விஜய் நடித்து வரும் 'துப்பாக்கி’ படப்பிடிப்பில், உயரமான இடத்தில் இருந்து கதாநாயகன் குதிப்பதுபோன்ற ஒரு காட்சி. காட்சியமைப்பு தத்ரூபமாக வர வேண்டும் என்ற ஆர்வத்தில் 'டூப்’ போடாமல், தானே ரிஸ்க் எடுத்துக் குதித்தார் விஜய். ஆனால், தரையில் கால் பதிக்கும்போது தடுமாறி, முட்டியில் பலத்த அடிபடவே.... தற்போது லண்டன் மருத்துவமனை ஒன்றில் சேர்க்கப்பட்டு சிகிச்சை பெற்று வருகிறார் விஜய். ''சாதாரண அடிதான்... ரசிகர்கள் பயப்படத் தேவையில்லை... கூடிய சீக்கிரத்தில் நலம் பெற்று, படப்பிடிப்பை முடித்துத் தருவதாகச் சொல்லி இருக்கிறார். முட்டியைப் பாதுகாக்கக்கூடிய 'நீ பேட்’ (Knee Pad) அணிந்திருந்தால் இந்த விபத்தில் இருந்து தப்பித்திருக்க முடியும்'' என்கிறார் படத்தின் இயக்குநரான ஏ.ஆர். முருகதாஸ்.

விஞ்ஞான விஸ்வரூபம்!
விபத்து ஒன்றில் எலும்பு முறிவு ஏற்பட்டு, நடக்கவே முடியாத நிலையில் இருந்தவர் சுந்தர். மூளை பாதிப்பினால் பேசவும் நடக்கவும் முடியாமல் இருந்த களஞ்சியன் என்ற சிறுவனுக்கு வலிப்பு மற்றும் வாயில் இருந்து எச்சில் வடிவது போன்ற பாதிப்புகளும் இருந்தன. இவர்கள் இருவரையும் ஸ்டெம்செல் சிகிச்சை முறை மூலம் பாதிப்பில் இருந்து படிப்படியாக மீட்டுள்ளனர் லக்ஷா மருத்துவமனையைச் சேர்ந்த மருத்துவர்கள். சுந்தர், களஞ்சியன் இருவருடைய இடுப்பு எலும்பில் இருந்தும் எலும்பு மஜ்ஜையை எடுத்து ஸ்மார்ட்பிரெப் அல்ட்ராசென்ட்ரிஃப்யூஜ் (SmartPReP Ultracentrifuge) என்ற கருவியைப் பயன்படுத்தி ஸ்டெம்செல்கள் தயார் செய்யப்பட்டன. இதை முதுகுத்தண்டு வழியாக அவர்களுக்குச் செலுத்தினர். ''தற்போது சுந்தரால் நன்றாக நடக்க முடிகிறது; களஞ்சியனுக்கு வலிப்பு நோயும் எச்சில் வடிவதும் குணமாகி, நல்ல முன்னேற்றம் தெரிகிறது'' என்கிறார்கள்.

Related

ஹெல்த் ஸ்பெஷல் 2819613183842638334

Post a Comment

Tamil Unicode Converter

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் 30 வகை மருந்து குழம்பு E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அசோலா ஓர் அட்சயப் பாத்திரம் அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் குறைந்த செலவில் அதிக லாபம் தரும் நாட்டு கோழி வளர்ப்பு குறைந்த செலவில் அதிக லாபம் தரும் நாட்டு கோழி வளர்ப்பு!!! கை மருந்துகள் கொரோனா நோய் எதிர்ப்பு சக்தி உணவுகள் கொரோனாவுக்கு மருந்து சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுக் கோழி வளர்ப்பு நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மருத்துவக் குறிப்பு மன நலம்! மாடித்தோட்டம் முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item