ஈஸியா பேசலாம் இங்கிலிஷ்-3

ஈஸியா பேசலாம் இங்கிலிஷ்!   ‘‘ஹா ய் கோமு! சமையல...

ஈஸியா பேசலாம் இங்கிலிஷ்! 
‘‘ஹா ய் கோமு! சமையல் வேலை முடிஞ்சாச்சா? - மாடிப்படியில் நின்றிருந்த கோமதியிடம் கேட்டபடி வந்தார் உஷா மேம்.
‘‘தினமும் எங்க வீட்டுல எக்ஸ்பிரஸ் சமையல்தான் ஆன்ட்டி... அவரோட ‘கேரியர்’ல ஆபீசுக்கு இதுவரை லேட்டாவே போனதில்லை!’’ என்றாள் கோமதி பெருமையாக.
‘‘ஓஹோ! அவரோட ‘கரீயர்’ ( career ) பத்திச் சொல்றியா! ‘கேரியர்’-ல ( carrier ) டிபன் தான் வச்சுக்கலாம்... ஆபீஸ் எப்படினு குழம்பிப் போயிட்டேன்!’’ என்று உஷா மேம் வேடிக்கையாகக் கூறிக் கொண்டிருந்தபோது, தனக்குத்தானே சிரித்தபடி வந்தாள் வித்யா.
‘‘என்ன வித்யா! உன் முகமெல்லாம் சிரிப்பு?’’
‘‘என் கிளாஸ்ல கடைசி பெஞ்ச் கல்பனா லொடலொடா பார்ட்டி... அலட்டல் பேர்வழி வேற! நேத்து ஸ்பெஷல் க்ளாஸுக்கு வந்த நீங்க அவளை கேள்வி கேட்டு மவுனமா நிக்க வச்சிட்டீங்க... அதை நெனைச்சி சிரிச்சேன்!’’
‘‘ What question you asked aunty? ’’ என்று சந்தர்ப்பத்துக்கு காத்திருந்த மாதிரி இங்கிலீஷிலேயே கேள்வி கேட்ட கோமதியை பாராட்டிய உஷா மேம், வித்யா பக்கம் திரும்பி, ‘‘கல்பனாவை நானும் நோட் பண்ணியிருக்கேன். லெக்சர் நடுவுல have -ஐ எங்கே உபயோகப்படுத்தலாம், எங்கே கூடாதுனு சிம்பிளா கேட்டேன்.. நின்னுட்டா!’’ என்றார்.
‘‘பேசறதுக்கு கத்துத் தர மட்டுமில்ல, ஒருத்தரை பேசாம வைக்கறதுக்கு என்ன பண்ணனும்னும் ஆன்ட்டி தெளிவாவே தெரிஞ்சு வெச்சிருக்காங்க’’ என்று கோமதி கமென்ட் அடிக்க, அந்த இடமே கலகலப்பானது.
‘‘ஆனா, நீங்க அந்த have மேட்டரை விளக்காமலே விட்டுட்டீங்க மேம்!’’ என்று வித்யா சொல்ல, ‘‘அதுக்கு ஒரு தனி கிளாஸே தேவை, வித்யா. அப்ப சொல்றேன்..’’ என்ற உஷா மேமுடன் சென்று அனைவரும் வராந்தாவில் உட்கார்ந்தனர். எதிரில் பளிச்சிட்ட வொயிட் போர்டை பார்த்து வித்யாவும் கோமதியும் ஆச்சர்யம் காட்ட, ‘‘உங்க ளுக்கு எழுதிக் காட்டறதுக்காகவே இதை வாங்கினேன்’’ என்று மார்க்கர் பேனா சகிதம் தயாரானார் மேம்.
‘‘முதல்ல கோமதியைக் கவனிப்போம். Information questions பத்தி பார்க்கலாம். அது வேற ஒண்ணுமில்ல, wh- கேள்விதான்! Yes அல்லது No பதில் வர்ற கேள்வி களால உரையாடல் சீக்கிரமா முடிஞ்சிடும். ஆனா, what, which, where, when, why, who, whom, how, how much, how long -னு ஆரம்பிக்கிற கேள்விகளுக்கு குறைஞ்சது இரண்டு வார்த்தைகளாவது பதில் சொல்லணும். நம்ம உரையாடலை நீட்டிக்க இந்த வகை கேள்விகள் உதவும். இந்த மாதிரி கேள்விகளைக் கேட்க நீங்களும் பழகிக் கணும்’’ என்ற உஷா மேம், வித்யாவிடம், ‘‘ What -க்கும் Which -க்கும் என்ன வித்தியாசம்?’’ என்று கேட்டார்.
‘‘ஒரு கூடையில நிறைய பொம்மைகள் இருக்கறதா வெச்சுக்கிட்டா, What things are inside -னு பொதுவா கேக்க What பயன்படும். Which toy is Indian made- னு குறிப்பிட்டு கேட்க, Which பயன்படும். Am I correct, ma’m? - சரளமாக சொன்னாள் வித்யா.
‘‘ Yes, you’re! நீங்க ஷாப்பிங் போறப்ப இப்படி wh - கேள்வி கேக்கலாம்...’’ என்ற உஷா மேம் போர்டில் ஒரு வாக்கியத்தை எழுதினார்.
I go to Bangalore on Monday.
‘‘கோமு! When- ல ஆரம்பிச்சு இந்த வாக்கியத்துக்கு ஒரு கேள்வி கேளு.’’
கோமதி சிறிது யோசித்துவிட்டு, ‘‘ When are you going to Bangalore? ’’ என்றாள்.
‘‘கோமு சொன்ன கேள்வி பரவாயில்ல. கொஞ்ச நேரம் முன்னாடிகூட ‘ What question you asked aunty ?’னு கேட்டா. வித்யா! இந்த ரெண்டு கேள்விகளையும் இன்னும் பெட்டரா எப்படி கேட்கலாம்?’’
வித்யா சொன்னாள்... ‘‘இப்ப கோமு அக்கா சொன்ன கேள்வி be வரிசையில இருக்கு, மேம். ஆனா, நீங்க போர்டுல எழுதின வாக்கியம் do வரிசையில இருக்கு. அதனால, ‘ When do you go to Banagalore ?’னு கேட்டிருக்கணும். அதேமாதிரி, முன்னே சொன்ன கேள்வி ‘ What question did you ask aunty? ’னு இருக்கணும்.’’
‘‘சபாஷ்!’’ என்று வித்யாவைப் பாராட்டிய உஷா மேம், கோமதியைப் பார்க்க, அவள் ஏதோ சிந்தனையில் இருந்தாள். ‘‘கோமு! என்ன பகல் கனவா?’’ என்று சீண்ட, ‘‘ஐயோ, ஆன்ட்டி, அதெல்லாம் இல்லை. may ங்கிற மோடல் வெர்ப்-க்கு பல பேர் பலியானாங்கனு போன க்ளாஸ்ல சொன்னீங்க. ஆனா, அது எப்படினு சொல்லவே இல்லியே... அதைத்தான் நெனைச்சிட்டு இருந்தேன்!’’ என்றாள். வித்யாவும் அவளோடு சேர்ந்துகொண்டு, ‘‘என்னையும்கூட அந்தத் தகவல் பாதிச்சிடுச்சி மேம்..’’ என்றாள்.
‘‘ஓகே. நம்ம நாட்டோட அரசாங்க மொழி எது?’’
‘‘இங்கிலீஷ§ம், இந்தியும்.’’
‘‘1965-ல இங்கிலீஷ§க்கு ஆபத்து வந்தது! அரசியல் சட்டத்துல ‘ English may continue as an official language as long as non-Hindi speaking people want it ’னு திருத்தம் கொண்டு வந்தாங்க. தமிழ்நாட்டுல அதுக்கு பயங்கர எதிர்ப்பு! முன்னமே சொல்லியிருக்கேன்... May ன்னா ‘இருந்தாலும் இருக்கலாம்’னு பொத்தாம் பொதுவா ஒரு அர்த்தம். இந்த May ஐ மாத்தி shall போடணும்னு போராடினாங்க மக்கள். English -ங்கிறது third person singular . அதுக்கு வழக்கமா may அல்லது will தான் வரும். ஆனா, shall -னு மாத்திப் போட்டா ஒரு கட்டாயத் தன்மை வந்துடும். அதுக்காகத்தான் போராட்டம்!’’
‘‘அப்புறம் மாத்தினாங்களா?’’
‘‘ம்... ம்... பல பேர் பலியான பின்னாலதான்...’’
கொஞ்ச நேரம் மவுனம். பிறகு கோமதி, ‘‘ஆன்ட்டி! do வரிசையில எப்படி கேள்வி கேக்கணும்? அதுக்கு ஏதாவது ஸ்டெப்ஸ் இருக்கா?’’ என்றாள்.
‘‘பாடத்துக்கு வந்துட்டியா! வெரிகுட்..’’ என்றபடி போர்டில் ஸ்டெப்ஸ் போட்டு ஒரு வாக்கியத்தை எழுதினார் உஷா மேம். வாக்கியம்: I go to Bangalore on Monday
Step 1 : I go to Bangalore when
Step 2: You do go to Bangalore when
Step 3: When do you go to Bangalore?
எழுதிமுடித்ததும், ‘‘கோமு! நான் எதையெல்லாம் மாத்தி எழுதியிருக்கேன்?’’ என்று கேட்டார் மேம்.
‘‘ On Monday -ங்கிற காலத்துக்கான வார்த்தையை எடுத்துட்டு when போட்டிருக்கீங்க. மிக்கு பதிலா you. அப்புறம் go- ங்கிற verb- do go னு பிரிச்சிருக்கீங்க. கடைசி ஸ்டெப்ல when ஐ முன்னாடி கொண்டு வந்து கேள்வி வாக்கியமா மாத்தியிருக்கீங்க!’’

‘‘வெரிகுட், வெரிகுட்! அதே வாக்கியத்துக்கு where ல கேள்வி கேக்கறதுக்கான ஸ்டெப்ஸ் சொல்லு. வா, போர்டுலயே எழுது.’’

கோமதி எழுத ஆரம்பித்தாள்.

Step 1 : I go where on Monday.
Step 2: You do go where on Monday.
Step 3: Where do you go on Monday?
‘‘குட். இதேமாதிரி does, did னு பிரிக்க ஹோம் வொர்க் தர்றேன். பண்ணிட்டு வாங்க. அடுத்த க்ளாஸ்ல அது பத்தி சொல்றேன்’’ என்ற மேம் தந்த ஹோம் வொர்க்...
1. I ate two mangoes yesterday (did)
2. Mala writes a letter today (does)’’
- கத்துக்கலாம்

Related

ஈஸியா பேசலாம் இங்கிலிஷ்! 3066169880769081305

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item