ஸ்டஃப்டு புடலை ரோல் --- சமையல் குறிப்புகள்,

ஸ்டஃப்டு புடலை ரோல்

தேவையானவை: பிஞ்சுப் புடலை - கால் கிலோ, வேர்க்கடலை - 50 கிராம், தேங்காய் துருவல் - 5 டீஸ்பூன், முந்திரிப் பருப்பு - 50 கிராம், மிளகுத்தூள், சீரகத்தூள், கொத்தமல்லி - சிறிதளவு, உப்பு - தேவையான அளவு.
செய்முறை: பிஞ்சுப் புடலங்காயை நன்றாகக் கழுவி, ஒன்று முதல் இரண்டு இஞ்ச் நீளம் வரையிலான அளவில் சிறுசிறு வளையங்களாக, வட்ட  வடிவமாக நறுக்கவும். வளையங்களின் உள்ளிருக்கும் விதைகளை எடுத்து விடவும்.

முந்திரிப் பருப்பை ஊற வைத்து... வேர்க்கடலை, தேங்காய் துருவல், மிளகுத்தூள், சீரகத்தூள், உப்பு சேர்த்து தேவையான நீர் விட்டு கெட்டியாக மிக்ஸியில் அரைக்கவும். அரைத்த விழுதை விதைகள் நீக்கிய புடலை வளையத்துக்குள் அடைக்கவும். இந்த ஸ்டஃப்டு புடலை ரோலை ஆவியில் வேக வைத்து... கொத்தமல்லி தூவி பரிமாறவும்.

ஸ்டஃப்டு புடலை ரோல்: ஸ்டஃப் செய்யும்போது சிறிதளவு துருவிய பனீர் சேர்த்தால், குழந்தைகள் விரும்பி சாப்பிடுவார்கள்.