'அழகின் ரகசியம் ஆயில் புல்லிங்!''--மருத்துவ டிப்ஸ்,

'அழகின் ரகசியம் ஆயில் புல்லிங்!'' விஜயலட்சுமியின் வியூகம் ''அ டுத்த படத்துக...

'அழகின் ரகசியம் ஆயில் புல்லிங்!''
விஜயலட்சுமியின் வியூகம்
''அடுத்த படத்துக்காக இப்போ கொஞ்சம் வெயிட் போட்டிருக்கேன்!'' - பொய் சொல்கிறார் விஜயலட்சுமி. ''ஐயோ, சத்தியமா இப்போ வெயிட் போட்டிருக்கேன். இயல்பாவே நான் ரொம்ப ஸ்லிம். கொஞ்சமா வெயிட் போட்டா நல்லா இருக்கும்னு சொன்னாங்க. சும்மாவே பிரியாணின்னா, நான் வெளுத்துக் கட்டுவேன். வெயிட் போடணும்னு சொன்னதும் கேட்கவா வேணும்? தினமும் பிரியாணியா பிரிச்சு மேயுறேன். ஐஸ்க்ரீம், மில்க் சாக்லேட்னு ஆசைப் பட்டதை எல்லாம் வெளுத்துக் கட்டுறேன். ஆனாலும், வெறும் மூணு கிலோதான் ஏறி இருக்கு!'' - அளவெடுத்த அழகு, தெற்றுப் பல் சிரிப்பில் இரட்டிப்பாகிறது.

''என்னைப்போன்ற ஸ்லிம் உடல்வாகுக்குப் பெரிய அளவில் பயிற்சிகள் தேவை இல்லைன்னு சொல்வாங்க. ஆனாலும், நான் வாரத்துக்கு மூணு நாள் ஜிம்முக்குப் போயிடுவேன். ஒருநாள் உடலின் மேற்பகுதிகளுக்காகப் பயிற்சி எடுத்தால், மறுநாள் இடுப்புக்குக் கீழே உள்ள பகுதிகளுக்குப் பயிற்சி எடுப்பேன். இதனால் உடலுக்குப் பெரிய அசதி இருக்காது. அதே நேரம் ஃபிட்னெஸுக்கும் பிரச்னை இருக்காது. ஜிம்முக்குச் செல்லும் நாட்களில் டயட்ல இருக்க மாட்டேன். ஜிம்முக்குப் போகாத நாட்களில் ரொம்ப கச்சிதமா டயட்ல இருப்பேன். கை, கால்களை உறுதி ஆக்குற மாதிரி ரொம்ப நேரம் பயிற்சி எடுப்பேன். உடலை வருத்திச் செய்கிற பயிற்சிகளைவிட, மனசு லயிச்சு செய்ற பயிற்சிகள்தான் நம்மை உற்சாகமா வெச்சிருக்கும். நேரம் கிடைக்கிறபோது எல்லாம் சைக்கிள்ல ரவுண்ட் அடிப்பேன். நான் சைக்ளிங் பண்ற ஏரியா முழுக்க மரங்கள்தான். அதனால செம ஃப்ரெஷ் காத்து போனஸ் பலன்.
அதே மாதிரி, எனக்கு ரொம்பப் பிடிச்ச விஷயம் யோகா. ஆனா, இப்போ வரை என்னால முழுமையா யோகா கத்துக்க முடியலை. எந்தப் பயிற்சிகளிலும் கிடைக்காத மன நிம்மதி யோகாவில் கிடைக்குமாம். அதனால சீக்கிரமே முழுமையா யோகா கத்துக்குவேன்!'' நம்பினால் நம்புங்கள்... 'களுக்’ என்று சத்தம் வருமாறே சிரிக்கிறார் விஜயலட்சுமி.
அழகின் ரகசியம் கேட்டால், ''ஆயில் புல்லிங்!'' என்கிறார் அசத்தல் புன்னகையோடு.
''ஒவ்வொரு நாளும் ஆயில் புல்லிங் பண்ணாமத் தொடங்காது எனக்கு. நம்ம வாய்தான் எல்லா நோய்க் கிருமிகளுக்கும் வாசல்னு சொல்வாங்க. அதனால், தினமும் ஆயில் புல்லிங் பண்ணுவேன். தூய்மையான நல்லெண்ணெய் இரண்டு ஸ்பூன் வாயில் ஊற்றி, கொஞ்ச நேரம் வெச்சிருந்து, பற்களின் இடுக்குகளில் எல்லாம் படியுற மாதிரி கொப்பளிக்கணும். வாயில் இருந்து வெளியேறும் எண்ணெய் வெள்ளையா இருந்தால், அதற்கு மேல கொப்பளிக்க வேண்டியது இல்லை. மஞ்சள் நிறமா இருந்தா... இன்னும் கூடுதலாக் கொப்பளிக் கணும். கொஞ்ச நேரம் வாய் முழுக்க எண்ணெய்ப் பசையா இருக்கும். ஆனா, போகப் போகப் பழகிடும். ரொம்ப சிம்பிளான பயிற்சி இது. உடம்புக்கு ஏகப்பட்ட நன்மை அளிக்கும் பயிற்சி இது! ரத்த அழுத்தம் தொடங்கி, முகப்பரு வரை அத்தனை வித சிக்கல்களுக் கும் ஆயில் புல்லிங் தீர்வு கொடுக்கும். இது நம்ம முன்னோர்கள் 'எண்ணெய் வைத்தியம்’னு ஏற்கெனவே கையாண்ட மருத்துவ முறைதான். இடையில நாமதான் மறந்துட்டோம். அதனால், என் நண்பர்கள் எல்லா ருக்கும் ஆயில் புல்லிங்கை அக்கறையா வலியுறுத்துறேன்.
ஆயில் புல்லிங் முடிச்சுட்டு, பாதாம் உள்ளிட்ட சத்துப் பொருட்கள் அடங்கிய மிக்ஸ்டு சூப் குடிப்பேன். எப்பவுமே அதிகமா சாப்பிட மாட்டேன். அதே நேரம், எதையுமே தவிர்க்கவும் மாட்டேன். ஸ்வீட் சாப்பிடுறதுன் னாகூட சின்னதா ஒரு பீஸ் எடுத்துச் சாப்பிடுவேன். எதையுமே அதிகமா சாப்பிடுறப்ப தான் சிக்கலே ஆரம்பிக்குது!'' - ஆரோக்கிய ஃபார்முலாக்களை அள்ளிவைக்கும் விஜயலட்சுமி, தினமும் இளநீர் குடிப்பாராம்.
''உடலை எப்பவுமே குளிர்ச்சியா வெச்சுக்குறதுதான் அழகின் அடிப்படை. அதுக்கு இளநீர்தான் பெஸ்ட் சாய்ஸ்!''

Related

ஹெல்த் ஸ்பெஷல் 1373282717478912018

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item