சமையல் குறிப்புகள்! மைசூர்பாகு.

மைசூர்பாகு. தேவையானவை: கடலை மாவு - ஒரு கப், சர்க்கரை (பொடி செய்தது) - 2 கப், நெய் - ஒரு கப், பால் - 2 டீஸ்பூன். செய்முறை: மைக்ரோவேவ் பாத்திரத்தில் பாலைத் தவிர எல்லாவற்றையும் போட்டு, மைக்ரோ ஹையில் 5 நிமிடம் செட் செய்து, அவனை ஸ்டார்ட் செய்யவும். இரண்டரை நிமிடங்கள் ஆனபிறகு, ‘பாஸ்’ பட்டனைத் தட்டி, அவனை நிறுத்தி, பாத்திரத்தை வெளியே எடுத்து, பாலை ஊற்றி, ஒரு கிளறு கிளறி, மறுபடியும் உள்ளே வைத்து, அவனை ‘ஸ்டார்ட்’ செய்யவும்.அடுத்த இரண்டரை நிமிடம் கழித்து, மீண்டும் வெளியே எடுத்து ஒரு கிளறு கிளறி, உடனே தட்டில் கொட்டிப் பரப்பி, சிறிது ஆறியதும் துண்டு போடவும். நெய் மிகவும் குறை வாகவே இதற்கு செலவாகும். ஐந்தே நிமிடத்தில் மைசூர்பாகு ரெடி. குறிப்பு: மைக்ரோவேவ் அவனில் சமைக்க, எப்போதும் ‘மைக்ரோவேவ் ப்ரூஃப்’ வகை பாத்திரங்களை உபயோகிப்பது நல்லது. மாவு குறைவாக எடுத்துக்கொண்டால், ஸெட் பண்ண வேண்டிய நிமிடத்தையும் குறைக்கலாம்.