சுட்டிகளைச் சுண்டியிழுக்க... சுவையான ரெசிப்பி! சமையல் குறிப்புகள்-சைவம்!

சுட்டிகளைச் சுண்டியிழுக்க... சுவையான ரெசிப்பி!   குழந்தைகளைச் சாப்பிடவைப்பது உலகின் கஷ்டமான விஷயங்களில் ஒன்று.  'என் குழந்தை சரிய...

சுட்டிகளைச் சுண்டியிழுக்க... சுவையான ரெசிப்பி!
 
குழந்தைகளைச் சாப்பிடவைப்பது உலகின் கஷ்டமான விஷயங்களில் ஒன்று.  'என் குழந்தை சரியாவே சாப்பிடவே மாட்டேங்குது’ என்பது உங்கள் ஆதங்கமா? கவலையை விடுங்கள்! டயட்டீஷியன் அம்பிகா சேகர் சொல்லும் இந்த சமையல்களைச் செய்து அசத்துங்கள்.

கத்தரிக்காய் சப்ஜி
தேவையானவை: கத்தரிக்காய்  கால் கிலோ, பச்சைமிளகாய்  3, பூண்டு  10 பல், தக்காளி  2, வெங்காயம்  1, , மஞ்சள் தூள்  கால் டீஸ்பூன், உப்பு  தேவையான அளவு.

தாளிக்க: எண்ணெய்  ஒரு டீஸ்பூன், கறிவேப்பிலை, கடுகு, சீரகம், பெருங்காயம்  தலா கால் டீஸ்பூன், காய்ந்த மிளகாய்  2.
செய்முறை: கத்தரிக்காய், வெங்காயம், தக்காளி, பச்சை மிளகாயைப் பொடியாக நறுக்கவும். பூண்டுப்பல்லை தோல் உரித்துக்கொள்ளவும். இவற்றை மஞ்சள்தூள் சேர்த்து வேகவைக்கவும். ஒரு டீஸ்பூன் எண்ணெயில் தாளிக்கக் கொடுத்துள்ளவற்றைத் தாளித்து, எல்லாவற்றையும் கல் சட்டியில் போட்டு, நன்றாகக் கடையவும்.

சூடான சாதத்தில் ஒரு டீஸ்பூன் நெய் விட்டு, பிசைந்து குழந்தைகளுக்குத் தரலாம். இட்லி, சப்பாத்திக்குக்கூடத் தொட்டுச் சாப்பிடலாம். கத்தரிக்காயில் செய்தது என்பதே தெரியாத அளவுக்குச் சுவையாக இருக்கும்.

பலன்கள்: கத்தரிக்காயில் ஊட்டச்சத்துப் பலன்களைவிட, மருத்துவப் பலன்களே அதிகம், புண்களை ஆற்றும். ரத்தத்தைச் சுத்திகரிக்கும். கத்தரிக்காயில் ஆன்டி ஆக்சிடன்ட் உள்ளது. ஃபோலிக் ஆசிட், பாஸ்பரஸ், வைட்டமின் சி, தாது உப்புக்கள் நிறைந்திருக்கின்றன.
==========================================================================
வாழைப்பூ பக்கோடா
தேவையானவை: வாழைப்பூ, வெங்காயம்  தலா 1, கடலைப்பருப்பு  50 கிராம் (ஊறவைக்கவும்), பச்சரிசி மாவு  ஒரு டேபிள்ஸ்பூன், இஞ்சி  ஒரு துண்டு, பச்சைமிளகாய்  3, கரம் மசாலாத்தூள்  அரை டீஸ்பூன், உப்பு  தேவையான அளவு, கொத்தமல்லி, கறிவேப்பிலை  தலா சிறிதளவு, எண்ணெய்  3 டீஸ்பூன்.
செய்முறை: வாழைப்பூவை ஆய்ந்து எடுத்து சிறு துண்டுகளாக நறுக்கி மோரில் ஊறவைக்கவும். கடலைப்பருப்பை உப்புடன் சேர்த்துக் கரகரப்பாக அரைக்கவும். இதில் வெங்காயம், இஞ்சி, பச்சைமிளகாய், கரம் மசாலாத்தூள், பச்சரிசி மாவு, பொடியாக நறுக்கிய கறிவேப்பிலை, கொத்தமல்லி சேர்த்துப் பக்கோடா பதத்துக்கு வாழைப்பூவுடன் சேர்த்துப் பிசையவும்.  குழிப்பணியாரக் கடாயில் எண்ணெய் விட்டு, சிறு சிறு உருண்டைகளாகப் பொரித்து எடுத்து சூடாகப் பரிமாறவும்.

பலன்கள்: வாழைப்பூ நார்ச்சத்து நிறைந்தது. கால்சியம் மற்றும் பாஸ்பரஸ் சத்தும் உள்ளன. வளர் இளம் பெண் குழந்தைகளுக்கு மிகவும் நல்லது. கர்ப்பப்பையை வலுப்படுத்தும். வயிற்றில் இருக்கும் பூச்சியை அழிக்கும்.
===========================================================================
கொத்தவரங்காய் புட்டு
தேவையானவை: கொத்தவரங்காய்  கால் கிலோ, பொட்டுக்கடலை மாவு 50 கிராம், கடுகு, மிளகாய்் தூள்  தலா அரை டீஸ்பூன், மஞ்சள்தூள்  கால் டீஸ்பூன், உப்பு  தேவையான அளவு, பெருங்காயத் தூள்  ஒரு சிட்டிகை, எண்ணெய்  2 டீஸ்பூன்.

செய்முறை: கொத்தவரங்காயைப் பொடியாக நறுக்கவும். கடாயில் எண்ணெய் விட்டுக் காய்ந்ததும் கடுகு தாளித்து, நறுக்கிய கொத்தவரங்காயைப் போட்டு லேசாக வதக்கி, பெருங்காயத்தூள் சேர்த்து 5 நிமிடங்கள் வதக்கவும். இதில், அரை கப் நீர் விட்டு உப்பு, மஞ்சள்தூள், மிளகாய் தூள் சேர்த்து கலந்து மூடி போட்டு வேகவைக்கவும். 10 நிமிடங்கள் கழித்துத் தண்ணீர் வற்றியதும், கடலை மாவு தூவி நன்றாகச் சிவக்கும் வரை கிளறி இறக்கவும்.
பலன்கள்: கொத்தவரங்காயில் வைட்டமின் ஏ மற்றும் இரும்பு, கால்சியம் சத்து, நார்ச்சத்து நிறைந்துள்ளன. அமினோ ஆசிட் நிறைவாக உள்ளதால் கொழுப்பைச் சேரவிடாது. பொட்டுக் கடலை மாவு சேர்த்துச் செய்வதால் குழந்தைகளுக்குத் தேவையான புரதச் சத்தும் கிடைக்கும்.
===========================================================================
கோவைக்காய் ஃப்ரிட்டர்ஸ்
தேவையானவை: கோவைக்காய்  கால் கிலோ, கடலைமாவு  50 கிராம், அரிசி மாவு  25 கிராம், மிளகாய்தூள்  ஒரு டீஸ்பூன், மஞ்சள்தூள், சீரகத்தூள்  கால் டீஸ்பூன், உப்பு  தேவையான அளவு, எண்ணெய்  5 டீஸ்பூன்.
செய்முறை: கோவைக்காயை நீளவாக்கில் மெல்லிய துண்டுகளாக நறுக்கி, ஆவியில் ஐந்து நிமிடங்கள் வேகவைத்து ஆறவிடவும். கடலைமாவு, அரிசிமாவு, மஞ்சள்தூள், சீரகத்தூள், உப்பு இவற்றை ஒன்றாகக் கலந்து, அதில் வெந்த கோவைக்காயை சேர்த்து நன்றாகப் பிரட்டி சிறிது நேரம் ஃப்ரிட்ஜில் வைக்கவும். (ஃப்ரிட்ஜில் வைப்பதால் ஒன்றுடன் ஒன்று ஒட்டாமல் மொறுமொறுப்பாக இருக்கும்). தயாரித்துவைத்துள்ள கோவைக்காயை, நான்ஸ்டிக் கடாயில் பரப்பிச் சுற்றிலும் எண்ணெய் விட்டு சிறு தீயில் வைத்து மொறுமொறுப்பாக வறுத்தெடுக்கவும். குழந்தைகள் ஃபிங்கர் சிப்ஸ் என்று நினைத்துச் சாப்பிடுவார்கள்.

பலன்கள்: கோவைக்காயில் கால்சியம், பாஸ்பரஸ், வைட்டமின் சி உள்ளது. நார்ச்சத்தும் நிறைந்துள்ளன.
===========================================================================
பீரக்கங்காய் பஜ்ஜி
தேவையானவை: பீர்க்கங்காய்  கால் கிலோ, கடலைப் பருப்பு  100 கிராம், காய்ந்த மிளகாய்  5, சோம்பு  ஒரு டீஸ்பூன், உப்பு  தேவையான அளவு, மஞ்சள்தூள்  சிறிதளவு, எண்ணெய்  5 டீஸ்பூன்.

செய்முறை: பீர்க்கங்காயை தோல் சீவி, வட்டமாக வெட்டிக்கொள்ளவும். கடலைப் பருப்பை 30 நிமிடங்கள்் ஊறவைத்து மிளகாய், சோம்பு, உப்பு சேர்த்து நைஸாக அரைக்கவும்.  இதை, பஜ்ஜி மாவை விடச் சற்று நீர்க்க கரைத்துக்கொள்ளவும். பீர்க்கங்காய் வில்லைகளைக் கரைத்த மாவில் தோய்த்து நான்ஸ்டிக் தவாவில் இருபுறமும் திருப்பிப் போட்டு, சுற்றி லேசாக எண்ணெய்விட்டுப் பொரித்து எடுக்கவும்.
பலன்கள்: பீர்க்கங்காயில் வைட்டமின் ஏ மற்றும் சி, தாது உப்புகள் உள்ளன. நார்ச்சத்து நிறைந்தது.

டிப்ஸ்: பருப்பை வேகவைக்கும்போது பருப்புடன் பொடியாக நறுக்கிய பீர்க்கங்காய் சேர்த்து நன்றாகக் குழைய வேகவைத்துக் கடைந்து சாதத்துடன் சேர்த்துப் பிசைந்து குழந்தைகளுக்குக் கொடுக்கலாம். சுவை நன்றாக இருக்கும்.

Related

சமையல் குறிப்புகள்-சைவம்! 2615204811893323375

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement


Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item