கறிவேப்பிலைத் துவையல் -- துவையல்கள்

தேவையானப்பொருட்கள்:

கறிவேப்பிலை இலைகள் - 1 கப்
தேங்காய்த்துருவல் - 3 ஸ்பூன்
காய்ந்த மிளகாய் - 4
கடலைப்பருப்பு - 1 டேபிள்ஸ்பூன்
உளுத்தம் பருப்பு - 1 டேபிள்ஸ்பூன்
புளி - ஒரு சிறிய நெல்லிக்காய் அளவு
பெருங்காயம் - ஒரு பட்டாணி அளவு
உப்பு -  தேவைக்கேற்ற
எண்ணை - 2 டீஸ்பூன்

செய்முறை:

• கறிவேப்பிலையை சுத்தம் செய்து இலைகளை மட்டும் ஆய்ந்துக் கொள்ளவும்.

• ஒரு வாணலியில் எண்ணை விட்டு, பெருங்காயம், பருப்புகள், மிளகாய் ஆகியவற்றைத் தனித்தனியாகப் போட்டு சிவக்க வறுத்துக் கொள்ளவும்.

• கடைசியில், அடுப்பை தணித்துக் கொண்டு, கறிவேப்பிலையைப் போட்டு வதக்கவும்.

• பின்னர் அதில் புளியையும், தேங்காய்த்துருவலையும் சேர்த்து வதக்கி ஆற விடவும்.

• ஆறியவுடன் எல்லாவற்றையும் ஒன்றாகச் மிக்சியில் போட்டு தேவையான அளவு உப்பு சேர்த்து, சிறிது தண்ணீர் விட்டு கெட்டியாக அரைத்தெடுக்கவும். • இப்போது சுவையான கறிவேப்பிலை துவையல் ரெடி.

குறிப்பு.....

• தேங்காய் சேர்த்து அரைத்தால் சுவை சற்று கூடுதலாக இருக்கும். தேங்காயைத் தவிர்த்தும் இந்த துவையலைச் செய்யலாம். தேங்காய் உபயோகிக்காவிட்டால், பருப்பு வகைகளைச் சற்று கூடுதலாக போடவும்.

• தேங்காய், பருப்பு எதுவுமில்லாமல், வெறும் உப்பு, புளி, மிளகாயுடன் கறிவேப்பிலையைச் சேர்த்து அரைத்தும் செய்யலாம். இந்த வகை சற்று கசப்பு தன்மை உடையதாக இருக்கும். ஆனால் உடலுக்கு மிகவும் நல்லது.