சமையல் குறிப்புகள்! களிப்பூட்டும் `மோர்க் களி'

மோர்க்களி. தேவையான பொருட்கள் அரிசி மாவு - 1 கப் புளித்த மோர் - 1 கப் எண்ணை - 12 டேபிள் ஸ்பூன் கடுகு - 1/4 டீஸ்பூன் உளுத்தம்பருப்பு - 1/2 டீஸ்பூன் கடலைப்பருப்பு - 1/2 டீஸ்பூன் மோர் மிளகாய் - 4 இஞ்சி விழுது - 1/2 டீஸ்பூன் உப்பு - 1 டீஸ்பூன் செய்முறை * அரிசி மாவில் புளித்த மோரை கொட்டி, உப்பை போட்டு நன்கு கலந்து வைத்துக் கொள்ளவும். * அடிகனமான வாணலி அல்லது நான்-ஸ்டிக் தவாவில் 6 டேபிள் ஸ்பூன் எண்ணை ஊற்றி கடுகு வெடிக்கவிட்டு, உளுத்தம் பருப்பு, கடலைப் பருப்பு சிவக்க வறுக்கவும். * இப்போது இஞ்சி விழுது, மோர் மிளகாய் சேர்த்து சிறிது வதக்கவும். * தொடர்ந்து மோரில் கரைத்து வைத்துள்ள அரிசி மாவை ஊற்றி, நன்கு கிளறி மாவு வெந்து பளபளவென வருகையில் மேலும் மீதமுள்ள எண்ணை விட்டு நன்கு கிளறவும். * ஒரு தட்டில் சிறிது எண்ணை தடவி கிரீஸ் செய்து, அதில் வெந்த மோர்க்களியைப் போட்டு எண்ணை தடவிய கத்தியினால் துண்டுகள் போட்டுப் பரிமாறவும். குறிப்பு * எண்ணை பூசிய சிறிய கோப்பைகளில் மோர்க்களியை போட்டு கூம்பாகக் கவிழ்த்தால் அழகிய கப் வடிவுடன் மோர்க்களி பார்ப்பவரை ஈர்த்து சாப்பிட வைக்கும். * தினம் மீந்து போகும் சிறிதளவு மோரை 4 அல்லது 5 நாட்கள் சேர்த்து வைத்து அந்த புளித்த மோரை உபயோகித்தும் மோர்க்களி செய்யலாம். -------------------------------------------------------------------------------------------------