இஃப்தார் நோன்பு ஸ்பெஷல்! நுங்கு - இளநீர் பானம் !

இஸ்லாமிய மாதங்களில் ஒன்றான ரம்ஜான் மாதத்தில் 30 நாள்கள் நோன்பிருப்பது கடமையாக்கப்பட்டுள்ளது. ஒழுக்கம், நல்ல பண்புகள், தர்மம், ஆன்மிக ஈர்ப்பு... இவையே நோன்பு வைப்பதன் முக்கிய நோக்கம். சூரிய உதயத்துக்கு முன்பாகவே (காலை 5 மணி வாக்கில்) நோன்பு தொடங்கிவிடும்.

சூரியன் அஸ்தமனமான பிறகு (மாலை 6 மணி வாக்கில்) நோன்பை முடித்துக்கொள்வது வழக்கம். நோன்பு முடிப்பதற்கு ‘இப்தார்’ என பெயர். இஃப்தாரில் உண்ணுவதற்கான சிறப்பு உணவுகளின் ரெசிப்பிகளை அளிக்கிறார் திருநெல்வேலியைச் சேர்ந்த சமையல் கலைஞர் ஹசீனா செய்யது.


------------------------------------------------------------------------------------------------------------------------ 

நுங்கு - இளநீர் பானம்

தேவையானவை:

இளம் நுங்கு - 6 (தோல் உரித்துப் பிசையவும்)

இளநீர் - ஒன்று (வழுக்கையுடன்)

பனங்கற்கண்டு - தேவையான அளவு

செய்முறை:

இளநீருடன் பனங்கற்கண்டு சேர்த்துக் கரைத்து வடிகட்டவும். இதனுடன் பிசைந்த நுங்கு, இளநீர் வழுக்கைச் சேர்த்துக் கலக்கவும். ஃப்ரிட்ஜில் வைத்து எடுத்துப் பரிமாறவும்.