வாழைப் பூ --வைத்திய' அம்மணியும் 'சொலவடை' வாசம்பாவும்!

மல்லிகைப் பூவை நாரில் தொடுத்தபடியே, அம்மணியின் முகத்தை வாசம்பா பார்க்க, பேச்சு வாழைப் பூ பக்கம் தாவியது.  ...


மல்லிகைப் பூவை நாரில் தொடுத்தபடியே, அம்மணியின் முகத்தை வாசம்பா பார்க்க, பேச்சு வாழைப் பூ பக்கம் தாவியது. 
''புளிப்பு, தித்திப்பு என்றால் நாக்கை சப்புக்கொட்டிச் சாப்பிடறாங்க... வாரத்துக்கு ஒரு தடவையாவது வாழைப் பூ சமைச்சு சாப்பிடற வழக்கமே இன்னிக்கு இல்லாமப்போச்சு. அப்படியே சமைச்சாலும், வாழைப் பூவை அலசி, நெறையத் தண்ணிவிட்டு நல்லாப் பிழிஞ்சிடுறாங்க. துவர்ப்பு இருந்தால் சுவை இருக்காதுன்னு எண்ணம்தான். எல்லா வியாதிகளையும் குணப்படுத்துற தன்மை துவர்ப்புச் சுவையான வாழைப் பூவுக்குத்தான் உண்டு வாசம்பா. குடும்பத்துல ஒருத்தருக்காவது சர்க்கரை நோய் வர்ற அளவுக்கு எண்ணிக்கை அதிகரிச்சிட்டே இருக்கிற இந்தச் சமயத்துல, வாழைப்பூவை சாப்பிடறது ரொம்பவே நல்லது.  
வாழைப் பூவை நல்லா சுத்தம் செஞ்சு, சின்னச் சின்னத் துண்டுகளா நறுக்கி, எண்ணெயில் கடுகு, சின்ன வெங்காயம், பூண்டு, மிளகு தாளிச்சு பொரியல் செஞ்சு சாப்பிடலாம். வாரம் ரெண்டு தடவை வாழைப் பூவை உணவுல சேர்த்துக்கிட்டா, ரத்த மூலம் குணமாயிரும்.'' - வாழைப் பூவின் மருத்துவக் குணத்தைப் பற்றி அம்மணி அடுக்கினார்.
''சரி அம்மணி, விசேஷ நாட்கள்ல ஏன் வாழை மரத்தை வாசல்ல கட்டுறாங்க?''
''நம்ம முன்னோர்கள், வாழையை 'பெண் தெய்வமா’ ஆண்டாண்டு காலமா,  வழிபட்டுட்டு வந்தாங்க. திருமணமாகிப் போற பெண்டுக, புகுந்த வீட்டுக்காரங்க எல்லாரையும் எப்படி அரவணைச்சுப்போறாங்க. அந்தப் பெண்ணால, குடும்பத்துல அத்தனை பேருக்கும் பெருமை சேருது. அதுபோலதான் வாழையும். காய், கனி, இலை, பூ, தண்டு, பட்டைனு எல்லாத்தையும் தந்து, தழைச்சு வளரும்.'  
''ஓஹோ... இதைத்தான் 'வாழையடி வாழை’னு சொல்றாங்களா! வாழையை 'பெண்’ணுன்னு சொல்றியே... அது எந்தவிதத்துல நமக்கு உபயோகமா இருக்கு அம்மணி?''
''மாதவிலக்காகிறப்ப, சில பெண்களுக்கு அதிகமா ரத்தப்போக்கு இருக்கும். வாழைப் பூவுக்கு உள்ள இருக்கிற வெள்ளையான பாகத்தைப் பாதியளவு எடுத்து நசுக்கிச் சாறு எடுத்து, கொஞ்சம் மிளகுத்தூள் சேர்த்துக் கொதிக்கவைச்சு, கூடவே பனங்கற்கண்டும் கலந்து குடிச்சிட்டு வந்தா,  ரத்தப்போக்கு சட்டுனு நிக்கும். அதோட உடல் அசதி, வயித்து வலி, சூதக வலி குறைஞ்சிடும்.
வாழைப் பூவை ரசம் வைச்சுக் குடிச்சா, வெள்ளைப்படுறது கட்டுப்படும். உடம்பு சூடு அதிகமாச்சுன்னா, வாழைப் பூவோட பாசிப்பருப்பு சேர்த்து வேகவெச்சுக் கூட்டு மாதிரி செஞ்சு நெய் சேர்த்து, வாரம் இரண்டு தடவை சாப்பிடணும்.''  
''ஆமா அம்மணி, உனக்கு ஒரு விஷயம் தெரியுமா? 'வேண்டாத மனைவி கைபட்டா குத்தம், கால் பட்டா குத்தம்’னு, வயக்காட்டுல வேலை செய்ற நம்ம அருக்காணியோட மகளை, புகுந்த வீட்டுக்காரங்க ஒதுக்கிவெச்சிட்டாங்களாமே. கல்யாணம் முடிஞ்சு ரெண்டு வருஷமாகியும் குழந்தையில்லையாம். ஆனா, அவ புருஷன் மட்டும் மனைவியை வந்து பார்த்திட்டுப் போறானாம்.''  
'' 'பருவத்தே பயிர் செய்’னு பெரியவங்க சும்மாவா சொன்னாங்க. மவளுக்கு 28 வயசாகியும் கல்யாணம் கட்டாம இழுத்தடிச்சிட்டிருந்தா. இப்ப குழந்தை பாக்கியம் இல்லேன்னா என்ன செய்ய?''  
''வாழையடி வாழையா வம்சத்தைத் தழைக்கவைக்க வாழைப் பூ இருக்கே வாசம்பா. வாரம் ரெண்டு நாள் வாழைப் பூவை சமைச்சுச் சாப்பிட்டா,  குழந்தை இல்லையேங்கிற கவலை போய், பூ மாதிரி புள்ளை பிறக்கும். அவ புருஷனையும் சாப்பிடச் சொல்லலாம். ஆனா ஒண்ணு, குலையிலிருந்து பறிச்ச ரெண்டு நாளுக்குள்ள சமைச்சு சாப்பிட்டுடணும்.''
''வாழைப் பூக் குருத்தை பச்சையாவே சாப்பிடலாம். உடல் சூடு குறையும். குடல் புண் ஆறும். வாழைப்பூவுல உப்பு போட்டு அவிச்சு, அந்தச் சாறைக் குடிச்சா, வயித்துவலி உடனே சரியாயிரும்'' என்றபடியே எழுந்த வாசம்பாவின் கையைப் பிடித்து உட்காரவைத்த அம்மணி, ''என்ன கடுக்காய் கொடுக்கப் பார்க்கற? பூவைக் கட்டிட்டுதான் இந்த இடத்தைவிட்டு நகரணும்'' என்றாள்.

Related

பூக்களின் மருத்துவக் குணங்கள் 8395675921825907510

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement


Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள். சிந்தனை துளிகள். இந்த நாள் இனிய நாள் சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item