இறால் புதினா தொக்கு--சமையல் குறிப்புகள்

சுவையான இறாலை, மணமிக்க புதினாவுடன் சேர்த்து தொக்கு செய்து சுவைத்தால் ருசியே தனி தான். டிபன் வகைகளுக்கு ஏற்ற சைடு டிஷ்ஷான இறால்புதினா தொக்கு செய்ய கற்றுக்கொள்ளலாமா?

தேவையானவை

இறால் - 1/2 கிலோ
புதினா - ஒரு கையளவு (நறுக்கியது)
வெங்காயம் - 200 கிராம்
தக்காளி - 200 கிராம்
பச்சைமிளகாய் - 4 (கீறியது)
மிளகாய்த்தூள் - 3 டீஸ்பூன்
தனியாத்தூள் - 4 டீஸ்பூன்
மஞ்சள்தூள் - 1 டீஸ்பூன்
உப்பு, எண்ணெய் - தேவைக்கேற்ப
எலுமிச்சம் பழச்சாறு - 2 டீஸ்பூன்

செய்முறை

* வாய் அகலமான கடாயில் எண்ணெய் விட்டு காய்ந்ததும், வெங்காயம், புதினா இவற்றை வதக்கவும்.

* தொடர்ந்து பச்சை மிளகாய், தக்காளி சேர்ந்து வதக்கவும்.

* பின்னர் தனியாத்தூள், மிளகாய்த்தூள், மஞ்சள்தூள் சேர்த்துக் கிளறவும்.

* இப்போது இறாலைச் சேர்த்துக் கிளறி சிறிது நீர் ஊற்றி போதுமான உப்பு சேர்த்து வேக வைக்கவும்.

* குறைந்த தீயில் இறால் வேகும் வரை வைத்திருந்து இறக்கும்போது 2 டீஸ்பூன் எலுமிச்சம் பழச்சாறு விட்டு கிளறிப் பரிமாறவும்.

* சாதம் அல்லது டிபன் வகையறாக்களுக்கு இந்த இறால் புதினா தொக்கு தொட்டுக் கொள்ள சுவையாக இருக்கும்.

***