சமையல் குறிப்புகள் ! சீனி வாடா--நான ஹத்தா --தம்மடை --தம்ரொட்
சீனி வாடா தேவையான பொருட்கள் அரிசி மாவு - ஒரு படி மைதா - 6 கப் முட்டை - 6 தேங்காய் - 1 சீனி - 2 கப் நெய் - 200 கிராம் ஏலக்காய் - 2 செய்மு...
https://pettagum.blogspot.com/2011/01/blog-post_8998.html
சீனி வாடா
தேவையான பொருட்கள்
அரிசி மாவு - ஒரு படி
மைதா - 6 கப்
முட்டை - 6
தேங்காய் - 1
சீனி - 2 கப்
நெய் - 200 கிராம்
ஏலக்காய் - 2
செய்முறை
தேங்காயைத் துருவி கெட்டியாக பால் எடுத்துக் கொள்ளவும்.
ஒரு பாத்திரத்தில் அரிசிமாவினைப் போட்டு, அதில் மைதாவை சலித்து சேர்த்துக் கொள்ளவும்.
நெய்யை உருக்கி ஊற்றிக் கொள்ளவும். முட்டையையும் உடைத்து நன்கு அடித்து மாவுடன் சேர்த்து கலந்து கொள்ளவும்.
சீனி, பொடித்த ஏலக்காய் மற்றும் தேங்காய் பால் ஆகியவற்றை மாவுடன் சேர்த்து தேவையெனில் சிறிது தண்ணீர் சேர்த்து சப்பாத்தி மாவு பதத்திற்கு பிசைந்து கொள்ளவும்.
பிசைந்த மாவினை ஒரு துணியில் நமக்கு தேவையான அளவு வாடாவாகத் தட்டிக் கொள்ளவும்.
ஒரு வாணலியில் எண்ணெய் விட்டு காய்ந்ததும் மிதமான தீயில் தட்டி வைத்துள்ள வாடாவை எண்ணெய்யில் போட்டுப் பொரித்தெடுக்கவும்.
===================================================================
நான ஹத்தா
தேவையான பொருட்கள்
சீனி - 8 கப்
மைதா - 8 கப்
டால்டா - 700 கிராம்
பசுநெய் - 100 கிராம்
செர்ரி - 100 கிராம்
செய்முறை
சீனியை மிக்ஸியில் போட்டு நன்கு பொடியாக்கிக் கொள்ளவும்.
பிறகு அரைத்த சீனி, மைதா, டால்டா, நெய் அனைத்தையும் ஒரு பாத்திரத்தில் போட்டு நன்கு பிசைந்து அச்சில் போட்டு நமக்கு தேவையான வடிவத்தில் எடுத்துக் கொள்ளவும்.
அச்சில் போட்டு எடுக்கப்பட்ட வடிவங்களின் மீது செர்ரி பழங்களைப் பதித்துக் கொள்ளவும்.
ஒரு தட்டில் மண் போட்டு அடுப்பில் வைத்து நன்கு சூடு வரும்வரை எரித்த பிறகு ஒரு தட்டையான சட்டியை மண்மேல் வைத்து செய்து வைத்துள்ள நானஹத்தாவை அதிலே எடுத்து வைக்கவும்.
சட்டியின் மேல் ஒரு மூடியை வைத்து அதில் நெருப்பு வளர்த்து, விசிறியால் அரைமணி நேரம் விசிறவும்.
பிறகு மூடியைத் திறந்துப் பார்த்து பொன்னிறம் வந்ததும் எடுக்கவும்
====================================================================
தம்மடை
தேவையான பொருட்கள்
ரவா - 5 கப்
சீனி - 8 கப்
டால்டா - 400 கிராம்
பசுநெய் - 100 கிராம்
முந்திரி - 50 கிராம்
திராட்சை - 50 கிராம்
கேசரி பவுடர் - ஒரு சிட்டிகை
முட்டை - 6
பால் - அரை லிட்டர்
ஏலக்காய் - 10
செய்முறை
முதலில் பாலை நன்கு சுண்டக் காய்ச்சி ஆறவைக்கவும்.
முட்டையை உடைத்து ஊற்றி, அதில் பொடித்த ஏலக்காய் மற்றும் சீனியைச் சேர்த்து ஒரு கிரைண்டர் அல்லது பெரிய மிக்ஸியில் போட்டு நன்கு அரைக்கவும்.
சீனி நன்றாக அரைபட்ட பிறகு ஒரு பாத்திரத்தில் ஊற்றி ரவா, பால் எல்லாவற்றையும் சேர்த்து நன்கு கலக்கவும்.
ஒரு தட்டில் (தாம்பாளம்) மண்போட்டு நன்கு சூடாகும் வரை எரித்து, பின்பு ஒரு தட்டையான பாத்திரம் அல்லது சட்டியை மண் மேல் வைத்து டால்டா, நெய் எல்லாம் ஊற்றி சூடு வந்ததும் நறுக்கிய முந்திரி மற்றும் திராட்சையைப் போட்டுப் பொரித்துக் கொள்ளவும்.
நன்கு பொரிந்ததும், ரவா, சீனி, முட்டை கலவையை ஊற்றி சற்று நேரம் விடாமல் கிளறிக் கொண்டே இருக்கவும்.
கலவை நன்கு திரண்டு வந்ததும் ஒரு மூடியை சட்டியின் மேல் வைத்து மூடி, அதன்மீது நெருப்புத் துண்டங்களைப் போட்டு நெருப்பு அணைந்துவிடாதவாறு விசிறியால் விசிறிக் கொண்டு இருக்கவும்.
கீழே அடுப்பு சீராக எரிந்தவண்ணம் இருக்கவேண்டும். சுமார் அரைமணி நேரம் சென்றபின் திறந்து பார்த்து, பொன்னிறம் வந்திருக்கும் பட்சத்தில் இறக்கி ஆறவைக்கவும்.
நன்கு ஆறிய பிறகு நமக்கு தேவையான வடிவங்களில் நறுக்கிக் கொள்ளலாம்
====================================================================
தம்ரொட்
தேவையான பொருட்கள்
ரவா - 5 கப்
சர்க்கரை - 600 கிராம்
நெய் - 400 கிராம்
பால் - 200 மி.லி.
பன்னீர் - 4 தேக்கரண்டி
முட்டை - 3
முந்திரிபருப்பு - 50 கிராம்
கேசரிப்பவுடர் - ஒரு சிட்டிகை
செய்முறை
ஒரு பாத்திரத்தில் ரவா, சர்க்கரை, நன்கு காய்ச்சிய பால், உடைத்து ஊற்றிய முட்டை ஆகியவற்றைப் போட்டு நன்கு கலந்தகொள்ளவும்.
பிறகு அதிலேயே பன்னீர், நெய், முந்திரிபருப்பு, கேசரிப் பவுடர் சேர்த்து நன்கு கலக்கி ஒரு பதினைந்து நிமிடங்கள் அதனை ஊற வைக்கவும்.
ஒரு தட்டில் மண் போட்டு அடுப்பில் வைத்து நன்கு சூடு வரும்வரை எரித்த பிறகு ஒரு தட்டையான சட்டியை மண்மேல் வைத்து அதில் நெய் தடவி மாவை ஊற்றிக் கொள்ளவும்.
ஒரு தாம்பாளத்தில் மண் போட்டு, நெருப்புத் துண்டங்களைப் பரப்பி அதனை மாவு ஊற்றிய பாத்திரத்தின் மீது மூடி வைக்கவும்.
சுமார் முப்பது நிமிடங்கள் கழிந்ததும் இறக்கி, ஆறவிட்டு துண்டுகளாக்கிக் கொள்ளவும்.
மைக்ரோவேவ் ஓவன் இருந்தால் மாவினை நெய் தடவிய ஒரு ட்ரேயில் ஊற்றி வேகவைத்து எடுத்துக் கொள்ளலாம்.
====================================================================
Post a Comment