யோகா--கால்களை வலுவாக்கும் ஆசனத்தையும், உட்கார்ந்த நிலையில் செய்யும் ஆசனத்தையும் பார்ப்போம்.

யோகா கடந்த இரண்டு இதழ்களில் நின்றபடி செய்யும் ஆசனங்களைப் பார்த்தோம். இந்த இதழில் படுத்த நிலையில், கால்...

யோகா
கடந்த இரண்டு இதழ்களில் நின்றபடி செய்யும் ஆசனங்களைப் பார்த்தோம். இந்த இதழில் படுத்த நிலையில், கால்களை வலுவாக்கும் ஆசனத்தையும், உட்கார்ந்த நிலையில் செய்யும் ஆசனத்தையும் பார்ப்போம். 
எளிமையாகத் தொடங்கி, நன்றாகக் கால்கள் வலுவடையச் செய்யும் ஆசனங்களைத் தேர்வு செய்து, உரிய முறையில் வரிசைப்படுத்தப்பட்டு உள்ளன. ஒவ்வோர் ஆசனமும் அடுத்த ஆசனம் செய்ய உதவும்படி திட்டமிடப்பட்டுள்ளது. எனவே, வரிசையைப் பின்பற்ற வேண்டும். இடைஇடையே மாற்று ஆசனம் மூலம் வலி நீக்கப்படுவதால், பயிற்சியை நன்கு செய்ய முடியும். கால்கள் இரண்டையும் ஒன்றாக வைத்து, ஆசனங்கள் செய்வதைவிட, தனித்தனியாக வைத்து செய்யும்போது, ஒவ்வொரு காலும் நன்கு பலம் பெறுகிறது. நமது உடலையே எடையாக்கிச் செய்கிற இந்த ஆசனங்கள், வேறு பலன்களையும் அள்ளித் தருகின்றன.
இரண்டு கால்களையும் நீட்டி ஓய்வெடுத்தபிறகு, சிலமுறை மூச்சை உள்ளிழுத்து வெளியே விடவும். இது உடல் இறுக்கத்தைத் தவிர்த்து, மனதை ஒருநிலைப்படுத்த உதவும்.
த்துவிபாதபீடம் தழுவல்
கால்களை மடக்கி உடலுக்கு நெருக்கமாக வைத்துக்கொள்ளுங்கள். இரு பாதங்களுக்கும் இடையில் சிறிது இடைவெளி இருக்கட்டும். கைகள் உடலை ஒட்டித் தளர்வாக இருக்கட்டும். இந்த நிலையில் இருந்து, முதலில் இடதுகாலை மேல்நோக்கி நீட்டிக்கொள்ளவும். இப்போது மூச்சை உள்ளிழுத்துக்கொண்டே, இடுப்பை மேல்நோக்கித் தூக்கவும். இடது கால் நீட்டிய நிலையிலேயே மேல் எழும்பும். ஓரிரு விநாடிகளுக்குப்பிறகு, மூச்சை வெளியேவிட்டுக்கொண்டு, உடலைக் கீழே கொண்டுவந்து பழையநிலையை அடையவும்.
இடது காலை உயர்த்தியபடி, ஆறுமுறை செய்துமுடித்ததும், ஓய்வு தேவை எனில் சிறிது  நேரம் எடுக்கலாம். பிறகு வலது காலை மேலே உயர்த்திச் செய்யவேண்டும். இரு கால்களுக்கும் ஆசனம் செய்துமுடித்த பின்பு, கால்களை நீட்டிச் சிறிது நேரம் ஓய்வு எடுக்கலாம். பிறகு அபானாசனத்தை ஆறு முறை செய்ய வேண்டும்.
பலன்கள்: கால்கள் வலுவடையும். கீழ் முதுகு பலமடைகிறது. முதுகெலும்பு நீட்டப்படுகிறது. முழங்கால், கணுக்கால் வலுவடைகின்றன.
 சதூஸ்பாதபீடம் தழுவல்
இரண்டு கால்களையும் நீட்டியபடி உட்காரவும். கைகள் இரண்டும் உடலுக்கு அருகில், பின்புறமாக இருக்கட்டும். விரல்கள் உடலைப் பார்க்க வேண்டும். இப்போது, இரண்டு கால்களையும் மடித்துக்கொள்வும். இந்தநிலையில் இருந்து, முதலில் இடதுகாலை நீட்டிக்கொள்ளவும். மூச்சை உள்ளிழுத்துக் கொண்டே, இடுப்புப் பகுதியை மேல்புறமாகத் தூக்கவும். உடலின் எடை இரு கைகளிலும் ஒரு காலிலும் இருக்கும். ஓரிரு விநாடிகளுக்குப் பிறகு, உடலைக் கீழிறக்கி, பழைய நிலையை அடையவும். இதேபோல் ஆறு முறை, இருகால்களிலும் செய்ய வேண்டும். பிறகு சிறிது நேரம் ஓய்வு எடுக்கலாம்.
பலன்கள்: கால்கள் நன்கு வலுவடையும். கீழ் முதுகு நன்கு வேலை செய்யும். கைகள் பலமடையும். மார்பு விரிவடைந்து, முட்டிகள் - கணுக்கால்கள் பலம் பெறும்.
தேவையைப் பொறுத்து ஓர் ஆசனம் எத்தனை முறை செய்ய வேண்டும் என்பதை முடிவு செய்யலாம். இந்தப் பயிற்சியை வாரத்தில் எத்தனை நாட்கள் செய்ய வேண்டும், எவ்வளவு காலம் செய்ய வேண்டும் என்பதையெல்லாம் பயிற்சிபெற்ற யோகா ஆசிரியரிடம் ஆலோசனை பெறுவது நலம்.

Related

ஆசனம் 1880355781080371351

Post a Comment

Tamil Unicode Converter

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் 30 வகை மருந்து குழம்பு E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அசோலா ஓர் அட்சயப் பாத்திரம் அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் குறைந்த செலவில் அதிக லாபம் தரும் நாட்டு கோழி வளர்ப்பு குறைந்த செலவில் அதிக லாபம் தரும் நாட்டு கோழி வளர்ப்பு!!! கை மருந்துகள் கொரோனா நோய் எதிர்ப்பு சக்தி உணவுகள் கொரோனாவுக்கு மருந்து சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுக் கோழி வளர்ப்பு நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மருத்துவக் குறிப்பு மன நலம்! மாடித்தோட்டம் முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item