அதிக செலவின்றி ஐ.ஏ.எஸ்.! --- வேலை வாய்ப்புகள்,

''அடுத்த வருடம் கல்லூரிப் படிப்பை முடிக்கவிருக்கும் நான், ஐ.ஏ.எஸ். தேர்வெழுத விரும்புகிறேன். சி...


''அடுத்த வருடம் கல்லூரிப் படிப்பை முடிக்கவிருக்கும் நான், ஐ.ஏ.எஸ். தேர்வெழுத விரும்புகிறேன். சிவில் சர்வீஸ் தேர்வு நிலைகள் மற்றும் விண்ணப்பித்தலுக்கான அடிப்படைத் தகுதி குறித்து அறிந்துகொள்ள விரும்புகிறேன். மேலும் அதிக செலவின்றி இந்த தேர்வுகளுக்கு தயாராக வழியுண்டா? கல்லூரிப் படிப்பை முடிக்கும் முன்பே இந்த தேர்வுகளுக்கு விண்ணப்பிக்க இயலுமா என்றும் விளக்கம் ப்ளீஸ்..!'' 

எம்.செந்தில்குமார், சென்டர் டைரக்டர்,‘T.I.M.E’ ஐ.ஏ.எஸ். கோச்சிங் சென்டர், அண்ணாநகர், சென்னை:
''ஐ.ஏ.எஸ், ஐ.பி.எஸ் உள்ளிட்ட மத்திய குடிமைப் பணிகளுக்கான (சிவில் சர்வீஸ்) தேர்வுகளை மத்திய அரசுப் பணியாளர் தேர்வாணையமான யு.பி.எஸ்.சி (UPSC)  நடத்துகிறது. முதல்நிலை, முதன்மை, நேர்முகம் (Preliminary, Main, Interview) என மூன்று நிலைகளில் இதற்கான தேர்வுகள் நடைபெறுகின்றன. இந்த மூன்றில் எந்த நிலையில் வெற்றி வாய்ப்பை இழந்தாலும், தேர்வுகளை முதலில் இருந்துதான் தொடங்கியாக வேண்டும்.
ஜெனரல் ஸ்டடீஸ் (General Studies), ஜெனரல் அப்டிட்யூட் டெஸ்ட் (General Aptitude Test) என முதல்நிலைத் தேர்வில் மொத்தம் இரண்டு தாள்கள். முதல் தாளில் தலா 2 மதிப்பெண்கள் என மொத்தம் 100 வினாக்கள் இருக்கும். இரண்டாவது தாளில் தலா 2.5 மதிப்பெண்கள் என மொத்தம் 80 வினாக்கள் உண்டு. அதாவது, முதல்நிலைத் தேர்வின் மொத்த மதிப்பெண்கள் 400. இதில் தவறான விடைகளுக்கு நெகட்டிவ் மதிப்பெண் உண்டு. மூன்று தவறான விடைகளுக்கு ஒரு நெகட்டிவ் மதிப்பெண் என்ற அளவில் அமைந்திருக்கும்.
சிவில் சர்வீஸ் நடப்பு காலிப்பணிஇடங்களை ஒட்டி முதல்நிலைத் தேர்வில்இருந்து அடுத்த கட்டமான முதன்மைத் தேர்வுக்குக் குறிப்பிட்ட எண்ணிக்கையில் தேர்வாளர்கள் அனுமதிக்கப்படுவார்கள். இந்த எண்ணிக்கை பொதுவாக காலிப்பணியிடத்தைப் போல சுமார் 13 மடங்காக இருக்கும். முதன்மைத் தேர்வில் மொத்தம் 9 தாள்கள். முதலிரண்டு தாள்களான ஆங்கிலம் மற்றும் பிராந்திய மொழிக்கான தாள்கள் தகுதி மதிப்பெண்ணுக்குரியது. தலா 250 மதிப்பெண்கள் உடைய இந்த இரண்டு தாள்களில் பெறும் மதிப்பெண்கள், கட் ஆஃப் மதிப்பெண் என்கிற வகையில் சேராது. ஏனைய 7 தாள்களில் முதலில் வருவது Essay Writing; அடுத்ததாக General Studies என்பதில் 4 தாள்களும், Optional Subjects என்பதில் 2 தாள்களுமாய் இருக்கும். தாள் ஒவ்வொன்றும் தலா 250 மதிப்பெண்களுக்கானது. ஆக, இந்த 7 தாள்களுக்கான மொத்த மதிப்பெண்கள் 1750.
காலிப் பணியிடத்தில் 2.3 மடங்காக... தேர்வாளர்கள் முதன்மைத் தேர்விலிருந்து நேர்முகத் தேர்வை எட்டுவார்கள். இதுவரை பாட ரீதியாக சோதிக்கப்பட்ட தேர்வாளர்களின் சிந்தனை, முடிவெடுக்கும் ஆற்றல், அவர்கள் இந்திய குடிமைப்பணிக்கு பொருந்திப்போகும் திறன் உள்ளிட்டவை, பல வல்லுநர்களால் நேரிடையாகவே மதிப்பிடப்படும். நேர்முகத் தேர்வுக்கான மதிப்பெண்கள் 275. இத்துடன் முதன்மைத் தேர்வின் 1750 மதிப்பெண்களையும் சேர்க்கக் கிடைக்கும் 2025 என்ற மொத்த மதிப்பெண்ணிலிருந்து கட் ஆஃப் மதிப்பெண் கணக்கிடப்படும். இதன் அடிப்படையில் முதல் ஆயிரம் பேர்களில் இருந்து, குடிமைப் பணியிடங்களுக்கான காலியிடங்கள் நிரப்பப்படும். பாடங்கள் உள்ளிட்ட கூடுதல் விவரங்களுக்கு மத்திய தேர்வாணையத்தின் தளத்தை - www.upsc.gov.in நாடலாம்.
தேர்வாளர்களுக்கான அடிப்படை தகுதியாக குறைந்தது 21 வயது அடைந்திருக்க வேண்டும்; அதிகபட்சமாக 30 வயது முடிந்திருக்கக் கூடாது. சமூகப்பிரிவை ஒட்டி அதிகபட்சமாக எத்தனை முறை இந்த தேர்வுகளுக்கான முயற்சிகளை மேற்கொள்ளலாம் என்றும் ஒரு வரையறை இருக்கிறது. OC பிரிவினர் 30 வயதுக்குள் 4 முறை தேர்வெழுதலாம். OBC பிரிவினருக்கு வயதில் கூடுதலாக 3 ஆண்டுகள் அல்லது தேர்வு எழுதும் எண்ணிக்கையில் 7 என சலுகை நீட்டிப்பு உண்டு. SC/ST பிரிவினருக்கு தேர்வு எழுதுவதற்கான எண்ணிக்கையில் வரம்பில்லை. ஆனால், வயது வரம்பு 35. தேர்வு எழுதும் எண்ணிக்கை, அதிகபட்ச வயது இரண்டில் முதலாவதாக எட்டுவதை கணக்கில் சேர்த்துக் கொள்வார்கள்.
இந்தத் தேர்வுக்கு விண்ணப்பிக்க கல்வித் தகுதியாக ஏதேனும் ஒரு பட்டப்படிப்பை முடித்திருக்க வேண்டும். வயது தகுதியோடு, பட்டப்படிப்பு இறுதியாண்டு படிப்பவர்கள்கூட விண்ணப்பிக்கலாம். அதேசமயம், முதன்மைத் தேர்வுக்கு விண்ணப்பிக்கும்போது பட்டப்படிப்பு தேறியதற்கான சான்று இணைத்தாக வேண்டும்.      
சென்னை போன்ற பெரு நகரங்களில் ஏராளமான இலவச பயிற்சி மையங்கள் செயல்படுகின்றன. மனித நேய மன்றம் டிரஸ்ட் நடத்தும் பயிற்சி மையத்தை இதற்கு உதாரணமாகச் சொல்லலாம். ஆனால், சேர்க்கைக்கு நுழைவுத்தேர்வு உண்டு. தமிழக அரசின் சார்பிலும் இலவச பயிற்சி வழங்கப்படுகிறது. அடையாறில் அண்ணா இன்ஸ்டிட்யூட் ஆஃப் மேனேஜ்மென்ட் நிறுவனம் இதற்காக நுழைவுத்தேர்வின் அடிப்படையில் தகுதி உள்ளவர்களுக்கு இலவச பயிற்சியை வழங்குகிறது. முகவரி: 163/1, பி.எஸ் குமாரசாமிராஜா சாலை, ஆர்.ஏ.புரம் (க்ரீன்வேஸ் சாலை), சென்னை-28. தொ.பே: 044 - 24621475, 24621909. இணையதளம்: www.civilservicecoaching.com
மாநில அளவில் பல்வேறு மாவட்டங்களில் பல்கலைக்கழக மானியக்குழுவான யு.ஜி.சி-யின் நிதி உதவியின் கீழ் பாரதியார், பாரதிதாசன் உள்ளிட்ட பல்கலைக்கழகங்கள் இலவசப் பயிற்சியை வழங்குகின்றன. சில வேலைவாய்ப்பு அலுவலகங்களில் தனியார் உதவியுடன் இந்த பயிற்சிகள் வழங்கப்படுகின்றன. அந்தந்த மதம் மற்றும் சமூகப்பிரிவு சார்ந்தும் பல்வேறு சேவை அமைப்புகள் ஆங்காங்கே இலவச பயிற்சிகளை வழங்குகின்றன. ஆன்லைனில் ஏராளமான இலவச பயிற்சிகள் கிடைக்கின்றன. உதாரணத்துக்கு... http://mrunal.org/
ஐ.ஏ.எஸ். கனவில் கல்லூரி மாணவப்பருவத்தில் இருக்கும் உங்களைப் போன்றவர்கள் சி.பி.எஸ்.இ. பாடத்திட்டம் அடிப்படையிலான பள்ளிப் புத்தகங்களில் பயிற்சி, தி ஹிந்து போன்ற ஆங்கில தினசரிகளை சுலபமாகவும் விரைவாகவும் வாசித்துக் குறிப்பெடுக்கும் பயிற்சி, பொது அறிவு தலைப்பிலான புத்தகங்களில் தேர்ச்சி போன்றவற்றில் கவனம் செலுத்தலாம். இந்தப் பயிற்சிகள், பிற்பாடு நீங்கள் முழுநேரமாக குடிமைப்பணி தேர்வுக்குத் தயாராகும்போது மிகவும் கைகொடுக்கும்.''

Related

வேலை வாய்ப்புகள் 5522945620397725639

Post a Comment

Tamil Unicode Converter

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் 30 வகை மருந்து குழம்பு E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அசோலா ஓர் அட்சயப் பாத்திரம் அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் குறைந்த செலவில் அதிக லாபம் தரும் நாட்டு கோழி வளர்ப்பு குறைந்த செலவில் அதிக லாபம் தரும் நாட்டு கோழி வளர்ப்பு!!! கை மருந்துகள் கொரோனா நோய் எதிர்ப்பு சக்தி உணவுகள் கொரோனாவுக்கு மருந்து சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுக் கோழி வளர்ப்பு நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மருத்துவக் குறிப்பு மன நலம்! மாடித்தோட்டம் முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item