புகுந்த வீட்டைப் புகழ்ந்தால் வாழ்க்கை இனிமையாகும்!

`கணவரிடம் நல்ல குணங்களைப் பார்த்தால், அவருடைய பெற்றோரைப் பாராட்டு'ன்னு பொதுவாக நான் சொல்லுவேன். அந்த ‘கிரெடிட்’டை கணவரின் தாய், தந்தைக்கு கொடுத்திட்டா, புகுந்த வீட்டில் உரசலே ஏற்படாது. நான் வாய்க்கு வாய் என் மாமியாரைப் பாராட்டுவேன், இவரை நல்ல குணங்களோடு வளர்த்து எனக்குத் தந்ததற்காக! என் மாமியார் எனக்கு நல்லதொரு தோழி. அவர் இறந்தபோது, மிக நெருக்கமான தோழியை இழந்ததுபோல உணர்ந்தேன். நாத்தனார்கள்;  அபாரமான பெண்மணிகள். அவங்களும் எனக்கு அருமையான தோழிகள்.ஒரு நல்ல தோழமைக்கு இடையே வயசோ, உறவோ, மொழியோ எதுவுமே வராது.