இன்றைய சமையல்! - 3 -மிளகு பொங்கல்-சம்பா ரவை புலாவ்-லட்சா பரோட்டா

இன்றைய சமையல்! - 3 தி ங்கள் முதல், ஞாயிறு வரை தினமும் செய்து மகிழ உதவும் 'இன்றைய சமையல்’ பகுதியில்... இந்த முறை செஃப் தாமு சொன்ன...

இன்றைய சமையல்! - 3
திங்கள் முதல், ஞாயிறு வரை தினமும் செய்து மகிழ உதவும் 'இன்றைய சமையல்’ பகுதியில்...
இந்த முறை செஃப் தாமு சொன்னது புதன்கிழமைக்கான ரெசிபி. சென்னையைச் சேர்ந்த இல்லத்தரசி அஞ்சனா ராவ், பொறுப்பாக நோட்ஸ் எடுத்துக் கொண்டதோடு, அவற்றை அழகாக நமக்கு சமைத்துக் காட்டினார். 
 தேவையானவை: பச்சரிசி - ஒரு டம்ளர், பாசிப்பருப்பு - அரை டம்ளர், பெருங்காயம் - ஒரு டீஸ்பூன், நெய், எண்ணெய் - தலா அரை குழிக்கரண்டி (மொத்தத்தில் இரண்டுமே 50 மில்லிதான் வர வேண்டும்), மிளகு - சீரகம் (சேர்த்து) - 2 டீஸ்பூன், கறிவேப்பிலை - 2 ஆர்க்கு, இஞ்சி - ஒரு சின்ன துண்டு (சுத்தம் செய்து நறுக்கவும்), முந்திரிப் பருப்பு - 6, உப்பு - தேவையான அளவு.
செய்முறை: அரிசி மற்றும் பருப்பைக் கழுவி, குக்கரில் சேர்த்து, கூடவே பெருங்காயத்தையும் சேர்த்து, நாலேகால் டம்ளர் தண்ணீர் ஊற்றிக் கொள்ளுங்கள். இதோடு உப்பு சேர்த்து வேக வைத்து மசித்துவிடுங்கள்.
ஒரு கடாயில் எண்ணெய், நெய் ஊற்றி சூடானதும் மிளகு, சீரகம் இரண்டையும் சேர்த்து, பொரிக்கவும் (இரண்டும் பொரிந்து மேலே வர வேண்டும். சாப்பிடும்போது மிளகு வத்தல் சாப்பிடுவது போல இருக்க வேண்டும்). பிறகு, அடுப்பை 'சிம்’மில் வைத்து... இஞ்சி, கறிவேப்பிலை, முந்திரி சேர்த்துக் கிளறி ... மசித்து வைத்திருக்கும் பொங்கல் மேலே ஊற்றி, கிளறிவிடுங்கள். மணக்கும் பொங்கல் தயார்!
இதற்கு தேங்காய் சட்னி சூப்பரான சைட் டிஷ் (சென்ற முறையே இதற்கான ரெசிபி சொல்லியிருக்கிறேன்).

 
காலையில் ஹெவியான பொங்கல் சாப்பிட்டிருப்பதால், மதியம் அரிசிக்கு பதிலாக, லேசான புலாவ் ரெசிபி சொல்கிறேன்.
தேவையானவை: சம்பா கோதுமை ரவை - ஒரு டம்ளர், பட்டை, லவங்கம், பிரிஞ்சி இலை - தலா 2, பூண்டு - 6 பல், புதினா இலை - 4, நறுக்கிய கேரட், பீன்ஸ், பட்டாணி சேர்த்து - ஒரு கைப்பிடி அளவு, நீளமாக நறுக்கிய பெரிய வெங்காயம் - ஒரு கைப்பிடி அளவு, தக்காளி - பாதியளவு, மஞ்சள்தூள் - கால் டீஸ்பூன், பச்சை மிளகாய் (கீறியது) - 2, எண்ணெய் - அரை குழிக்கரண்டி, உப்பு - தேவையான அளவு.
செய்முறை: அடுப்பில் வாணலியை வைத்து எண்ணெய் ஊற்றிச் சூடானதும், பட்டை, லவங்கம், பிரிஞ்சி இலை, புதினா சேர்த்து தாளித்து... கேரட், பீன்ஸ், பட்டாணி, வெங்காயம், தக்காளி, பூண்டு, பச்சை மிளகாய், மஞ்சள் தூள் சேர்ந்து நன்கு வதக்க வேண்டும். இதில் இரண்டு டம்ளர் தண்ணீர் ஊற்றி, உப்பு சேர்த்து, ஒரு கொதி வந்ததும் சம்பா ரவையை சேர்த்து வேகவிட்டு இறக்கினால், அருமையான சம்பா புலாவ் ரெடி.
இதற்கு, வெண்டைக்காய் மிளகு வறுவல் சூப்பர் சைட் டிஷ்.
வெண்டைக்காய் மிளகு வறுவல்
தேவையானவை: வெண்டைக்காய் - கால் கிலோ, மிளகு - ஒரு டீஸ்பூன், பொடியாக நறுக்கிய சின்ன வெங்காயம் - ஒரு கைப்பிடி அளவு, பச்சை மிளகாய் - 2, கறிவேப்பிலை - ஒரு கொத்து, எண்ணெய் - அரை குழிக்கரண்டி, உப்பு - தேவையான அளவு.
செய்முறை: வெண்டைக்காயை வட்டமாக, மெல்லியதாக நறுக்கிக் கொள்ளுங்கள். கடாயில் எண்ணெய் ஊற்றி சூடானதும், கறிவேப்பிலையை தாளித்து... வெங்காயம், பச்சை மிளகாய் சேர்த்து வதக்கி, வெண்டைக்காயை அதன் மேலே பரப்பினாற்போல தூவிவிடுங்கள். அதன் மேல் உப்பு, மிளகுத்தூள் தூவவும். மூடி போட்டு, அடுப்பை 'சிம்’மில் வைத்து ஐந்து நிமிடம் வேகவிடுங்கள். பிறகு, மூடியைத் திறந்து வெண்டைக்காயைத் திருப்பி போட்டு, மீண்டும் ஐந்து நிமிடம் மூடி போட்டு வேகவிடுங்கள். எண்ணெயில் பொரிந்து மொறுமொறுவென இருக்கும் இந்த வெண்டைக்காய் மிளகு வறுவல்.

தேவையானவை: கோதுமை மாவு - ஒரு டம்ளர், எண்ணெய், உப்பு - தேவையான அளவு, தண்ணீர் - அரை டம்ளர்.
செய்முறை: மாவில் உப்பு, தண்ணீர், இரண்டு டீஸ்பூன் எண்ணெய் சேர்த்து நன்கு பிசைந்து பத்து நிமிடம் ஊற வைக்கவும். சின்ன சின்ன உருண்டைகளாக மாவை எடுத்து, சிலிண்டர் போன்ற நீண்ட உருண்டைகளாக உருட்டி கொள்ளுங்கள். சப்பாத்தி உருட்டும் கல்லில் சிறிது மாவு தடவி, உருட்டிய குழலை நேரே நிற்க வைத்து, அதன் மேல் பகுதியில் உள்ளம் கையை வைத்து, அடிபாகம் வரை மெதுவாக அழுத்த வேண்டும். இப்படி செய்வதால் அழுத்திய மாவில் வரிகள் ஏற்படும். இனி, இதை மிதமாக சப்பாத்தி போல் தேய்த்து வைக்கவும். (மாவில் உள்ள வரிகள் மறையாதவாறு மிதமாக தேய்க்க வேண்டும்). அடுப்பில் தவாவை வைத்து சூடு செய்து, தேய்த்த வைத்ததை போட்டு சுற்றிலும் எண்ணெய் விட்டு வேகவிட்டு எடுக்கவும்.
இந்த லட்சா பரோட்டாவுக்கு சால்னா சிறந்த சைட் டிஷ்!
சால்னா
தேவையானவை: உருளைக்கிழங்கு, கேரட், பீன்ஸ், காலிஃப்ளவர் (சேர்த்து) - கால் கிலோ, நறுக்கிய பெரிய வெங்காயம், தக்காளி - தலா இரண்டு கைப்பிடி அளவு,
மஞ்சள்தூள் - அரை டீஸ்பூன், மிளகாய்த்தூள், தனியாத்தூள் - தலா 2 டீஸ்பூன், இஞ்சி - பூண்டு விழுது - ஒரு டீஸ்பூன், பச்சை மிளகாய் - 2, எண்ணெய் - கால் குழிக்கரண்டி, சோம்பு, கறிவேப்பிலை - தாளிக்க தேவையான அளவு.
செய்முறை: உருளைக்கிழங்கு, கேரட், பீன்ஸ், காலிஃப்ளவர் ஆகியவற்றை கழுவி, நறுக்கி குக்கரில் போடவும். இதோடு தக்காளி, வெங்காயம், மஞ்சள்தூள், மிளகாய்த்தூள், உப்பு, தனியாத்தூள், நறுக்கிய பச்சை மிளகாய், இஞ்சி- பூண்டு விழுது சேர்க்கவும். காய்கறி மூழ்கும் அளவுக்கு தண்ணீர் ஊற்றி மூடி போட்டு அடுப்பில் வைத்து, மூன்று விசில் வந்ததும் தீயைக் குறைத்து, ஐந்து நிமிடம் 'சிம்’மில் வைக்கவும். இப்போது காய்கறி நன்றாக வெந்திருக்கும். ஒருவேளை, காய்கறிகளில் தண்ணீர் அதிகமாக இருந்தால்... குக்கரை அடுப்பில் வைத்து கெட்டியாக ஆகும் வரை வேகவிடுங்கள். இனி, அடுப்பில் கடாயை வைத்து எண்ணெய் விட்டு சூடானதும்... சோம்பு, கறிவேப்பிலை தாளித்து, வெந்த காய்கறிகள் மேல் ஊற்றிவிட்டால்... அற்புதமான சால்னா ரெடி.
இதை லட்சா பரோட்டா மீது ஊற்றி ஊற வைத்துச் சாப்பிட்டால், அட்டகாசமான சுவையில் இருக்கும்.

Related

சமையல் குறிப்புகள் 7220155139974615513

Post a Comment

Tamil Unicode Converter

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் 30 வகை மருந்து குழம்பு E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அசோலா ஓர் அட்சயப் பாத்திரம் அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் குறைந்த செலவில் அதிக லாபம் தரும் நாட்டு கோழி வளர்ப்பு குறைந்த செலவில் அதிக லாபம் தரும் நாட்டு கோழி வளர்ப்பு!!! கை மருந்துகள் கொரோனா நோய் எதிர்ப்பு சக்தி உணவுகள் கொரோனாவுக்கு மருந்து சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுக் கோழி வளர்ப்பு நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மருத்துவக் குறிப்பு மன நலம்! மாடித்தோட்டம் முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item