வெள்ளை காராமணி வடகம்-வாழைத்தண்டு வடகம் -கூழ் வற்றல்!

வாழைத்தண்டு வடகம் தேவையானவை: பச்சரிசி - 5 கப், நல்ல ...

வாழைத்தண்டு வடகம்


தேவையானவை: பச்சரிசி - 5 கப், நல்ல பிஞ்சு வாழைத்தண்டு - சிறிதளவு, உப்பு - ருசிக்கேற்ப, பெருங்காயம் - சிறிது, பச்சை மிளகாய் - 5.
செய்முறை: அரிசியை முந்தின நாளே ஊறவைத்து நன்கு நைஸாக அரைத்துக் கொள்ளவும். மறுநாள் வாழைத்தண்டில் நாரை நீக்கி நறுக்கிக்கொள்ளவும். அத்துடன் மிளகாய், உப்பு, பெருங்காயம் போட்டு மிக்ஸியில் அரைத்து, அரிசிமாவில் கலக்கவும். இக் கலவையை தோசை மாவை விட நீர்க்க கரைத்துக் கொண்டு அடுப்பில் வைத்து கைவிடாமல் கிளறவும்.
அரை மணி நேரம் கிளறிய பிறகு, தொட்டுப்பார்த்தால் மாவு நன்றாக வெந்து இருக்கும். வெந்ததும் அடுப்பில் இருந்து இறக்கி வைக்கவும். ஆறியவுடன் சிறு கரண்டியால் மாவை எடுத்து, பிளாஸ்டிக் பேப்பரில் சிறிய வட்டங்களாக இடவும். நன்கு காய்ந்தவுடன் எடுத்துவைக்கவும். பொரித்து சாப்பிட்டால், இந்த வடகத்தின் சுவை நன்றாக இருக்கும். நீரிழிவு நோய் உள்ளவர்களுக்கும் நல்லது.
வெள்ளை காராமணி வடகம்

தேவையானவை: வெள்ளை காராமணி - ஒரு கப், உப்பு - ருசிக்கேற்ப, காய்ந்த மிளகாய் - 10 அல்லது 12, பெரிய வெங்காயம் - 2, கறிவேப்பிலை - சிறிது.
செய்முறை: காராமணியை முந்தின நாள் இரவே ஊறவைத்து, மறுநாள் காலையில் நீரை வடித்துவிட்டு, உப்பு, மிளகாய், சேர்த்து அரைக்கவும். வெங்காயம், கறிவேப்பிலையை பொடியாக நறுக்கி, காராமணி அரைத்த கலவையுடன் சேர்த்துப் பிசையவும்.
பிசைந்த கலவையை, பிளாஸ்டிக் ஷீட்டில் சின்னச் சின்னதாக கிள்ளிவைத்து, வெயிலில் காய விடவும். நன்கு காய்ந்ததும் டப்பாவில் எடுத்து வைத்துக்கொண்டு பொரித்த குழம்பு, கூட்டு ஆகியவற்றுக்கு தாளித்து சேர்க்கலாம். ருசி அபாரமாக இருக்கும்.
கூழ் வற்றல்

தேவையான பொருட்கள்: பச்சரிசி - 5 கப், பச்சை மிளகாய் - 15, உப்பு - 3 டேபிள்ஸ்பூன், மாவு ஜவ்வரிசி - 1 கப், பெருங்காயப் பொடி - 1 டீஸ்பூன்.
செய்முறை: பச்சரிசியை முந்தின நாள் இரவு ஊற வைத்து, மறுநாள் காலை கிரைண்டரில் நைஸாக அரைத்து, 2 டேபிள்ஸ்பூன் உப்பு போட்டு நன்றாக கரைத்து வைக்கவும். இந்த மாவு இரண்டு நாட்கள் புளிக்க வேண்டும். இந்த இரு நாட்களிலும், இரண்டு வேளையும் மாவை நன்றாக கையினால் கலக்கி வைக்க வேண்டும். கலக்கி வைக்காமல் அப்படியே வைத்தால் ஒரு வாடை வந்து விடும். மூன்றாம் நாள் ஒரு அடிகனமான பாத்திரத்தில் 10 கப் தண்ணீர் எடுத்து அடுப்பில் வைக்கவும். ஒரு டேபிள்ஸ்பூன் உப்பு, பச்சை மிளகாய் சேர்த்து நைஸாக அரைத்து தண்ணீருடன் சேர்க்கவும். அது கொதித்ததும் ஜவ்வரிசியை போடவும். 10 நிமிடத்தில் ஜவ்வரிசி வெந்து மேலே வந்துவிடும்.
பிறகு, அரைத்து வைத்து புளித்த மாவினை நன்றாக தோசைமாவு பக்குவத்திற்கு கரைத்துக்கொண்டு, அந்த மாவை கொதிக்கும் தண்ணீரில் கொட்டி கட்டியில்லாமல் கிளறவேண்டும். மாவு வெந்தவுடன் அடுப்பை அணைத்து மூடிவைக்க வேண்டும். தொட்டால் கையில் ஒட்டாமல் இருக்கவேண்டும். அதுதான் பக்குவம். பின்னர் வத்தல் அச்சில் போட்டு பிளாஸ்டிக் ஷீட்டில் நீள நீளமாகப் பிழிந்து விடவும். நன்கு காய்ந்தபின் பொரித்துப் பாருங்கள். குழந்தைகள் மட்டுமல்ல, பெரியவர்களும் அப்படியே சாப்பிடுவார்கள்.
  கமென்ட்ஸ்...
வாழைத்தண்டு வடகம்: வாழைத்தண்டுக்கு பதில் பூசணிக்காயும் சேர்க்கலாம். பூசணிப் பத்தையை முந்தின நாள் இரவே பொடியாக நறுக்கிப் பிழிந்து, மூட்டையாகக் கட்டிவையுங்கள். அதிலிருக்கும் தன்ணீர் சத்து முழுவதும் போனபின், மறுநாள் மாவுடன் சேர்த்து வேகவிடலாம். அரைக்கத் தேவையில்லை.
வெள்ளை காராமணி வடகம்: காராமணியுடன் ஒரு டேபிள்ஸ்பூன் உளுத்தம்பருப்பையும் ஊறவைத்து அரைத்தால், வடகம் உதிராமல் நன்கு கிள்ளிவைக்க வரும். உளுத்தம்பருப்பை காலையில் ஊறவைத்தால் போதும். இந்த வடகத்தை பொரித்து தனியாகவும் சாப்பிடலாம்.
கூழ் வற்றல்: கலர் கலராக வற்றல் வேண்டும் என நினைப்பவர்கள், சில தக்காளிகளை மிக்ஸியில் அடித்து வடிகட்டி, தண்ணீரில் (10 கப் அளவு வருவது போல) சேர்த்து கொதிக்க வைக்கலாம். பச்சை நிறம் வேண்டுமென்றால் புதினாவை அரைத்து வடிகட்டி சேர்க்கலாம். மணமும் நிறமும் பிரமாதமாக இருக்கும்.

Related

வடாம் வகைகள் 1038541513886450852

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடைகளுக்கான இயற்கை மருத்துவம் குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item