பணம், உங்கள் பலம்! `எஸ்ஐபி'... மூன்று எழுத்து முதலீட்டு மந்திரம்!

பணம், உங்கள் பலம்! `எஸ்ஐபி'... மூன்று எழுத்து முதலீட்டு மந்திரம்! மு தலீட்டில் அதிக லாபம் பெ...

பணம், உங்கள் பலம்!
`எஸ்ஐபி'...
மூன்று எழுத்து முதலீட்டு மந்திரம்!
முதலீட்டில் அதிக லாபம் பெறும் வழிமுறைகளில் ஒன்று, ‘முறையான தொடர் முதலீடு’. இதனை ஆங்கிலத்தில் ‘சிஸ்டமேட்டிக் இன்வெஸ்ட்மென்ட் பிளான்  (Systematic Investment Plan - SIP) என்கிறார்கள். சுருக்கமாக `எஸ்ஐபி'.
வங்கி, தபால் அலுவலகங்களில் மாதா மாதம் சேமித்து வரும் ‘தொடர் சேமிப்பும்' (Recurring Deposit -RD) இந்த எஸ்ஐபி முதலீட்டு முறையின் கீழ்தான் வரும். இருந்தாலும், இது அதிக லாபகரமாக இருப்பது பங்குச் சந்தை மற்றும் மியூச்சுவல் ஃப்ண்ட் முதலீடுகளில்தான். அதாவது, நிறுவனப் பங்குகள், மியூச்சுவல் ஃப்ண்டுகளில் மாதாமாதம் ஒரு குறிப்பிட்ட தொகையை, ஒரு குறிப்பிட்ட காலத்துக்கு முதலீடு செய்து வரும் முறைதான் எஸ்ஐபி.
இந்த முறையில் மாதம்தோறும் முதலீடு செய்து வருவதால் என்ன லாபம் என்கிறீர்களா..?
நம்மில் பலருக்கு மொத்தமாக முதலீடு செய்ய பெரிய தொகை இருக்காது. எஸ்ஐபி முறையில் மியூச்சுவல் ஃபண்டில் மாதம் 500 ரூபாய், 1,000 ரூபாய்கூட முதலீடு செய்ய முடியும். இது முதல் லாபம். அடுத்து, சந்தையின் ஏற்ற இறக்கத்தில் தொடர்ந்து மியூச்சுவல் ஃபண்ட் திட்டங்களில் முதலீடு செய்து வரும்போது, இந்த முறையில் ஒருவருக்கு அதிக லாபம் கிடைக்க வாய்ப்பு இருக்கிறது.
மியூச்சுவல் ஃபண்டில் முதலீடு செய்யும்போது, அதன் மதிப்பை யூனிட்களில்தான் குறிப்பார்கள். ஒரு மியூச்சுவல் ஃபண்ட் புதிதாக வரும்போது, ஒரு யூனிட் மதிப்பு 10 ரூபாயாக இருக்கும். உதாரணமாக, ஒருவர் 10,000 ரூபாயை மியூச்சுவல் ஃபண்ட் ஒன்றில் முதலீடு செய்கிறார் என வைத்துக்கொள்வோம். அந்த நேரத்தில் ஒரு யூனிட் மதிப்பு 10 ரூபாய் என்பதால் அவருக்கு 1,000 யூனிட்கள் கிடைக்கும்.
எஸ்.ஐ.பி முறையில் ஓவ்வொரு மாதமும் ஒருவர் முதலீடு செய்யும்போது அவருக்குக் கிடைக்கக் கூடிய யூனிட்களின் எண்ணிக்கை, முதலீடு செய்யும் நாளில் யூனிட் மதிப்பு அடிப்படையில் இருக்கும். இந்த மதிப்பை `என்ஏவி' (Net Asset Value) என்பார்கள். மியூச்சுவல் ஃபண்ட் திட்டத்தில் திரட்டப்பட்ட நிதி, முதலீடு செய்யப்பட்ட நிறுவனப் பங்குகளின் விலையேற்றம் மற்றும் இறக்கத்துக்கு ஏற்ப இந்த என்ஏவி மதிப்பும் ஏற்ற இறக்கத்துக்கு உட்படும்.
சில மாதங்களில், பங்குச் சந்தை உயரும்போது, முதலீட்டு தொகைக்கு குறைந்த எண்ணிக்கையில் யூனிட்கள் கிடைக்கலாம். சில மாதங்களில் பங்குகளின் விலை குறையும்போது, அதே முதலீட்டு தொகைக்கு கூடுதல் எண்ணிக்கையில் யூனிட்கள் கிடைக்கும் (அட்டவணையைப் பார்த்தால் எளிதில் விளங்கும்).
இதேபோல், தொடர்ந்து சில ஆண்டுகள் எஸ்ஐபி முறையில் மாதாமாதம் முதலீடு செய்து வரும்போது அதிக யூனிட்கள் கிடைக்க வாய்ப்பு உள்ளது. அதாவது சராசரியாக கூடுதல் யூனிட்கள் கிடைத்திருக்கும்.
உதாரணத்துக்கு ஒருவர், புதிய ஈக்விட்டி மியூச்சுவல் ஃபண்டில் முதல் மாதத்தில் மொத்தமாக 12,000 ரூபாயை முதலீடு செய்கிறார் என வைத்துக்கொள்வோம். ஒரு யூனிட் மதிப்பு 10 ரூபாய் என்கிற நிலையில் அவருக்கு மொத்தமாக 1,200 யூனிட்கள் கிடைத்திருக்கும். இதுவே வேறு ஒருவர் மாதாமாதம் 1,000 ரூபாயை 10 தேதி வாக்கில் முதலீடு செய்து வருகிறார் என்று வைத்துக்கொள்வோம். அவருக்கு சந்தையின் ஏற்ற இறக்கத்தில் 12 மாத முடிவில் மொத்தம் 1,276.80 யூனிட்கள் கிடைத்திருக்கும் (அட்டவணையில் விவரம் இருக்கிறது).
ஆண்டு இறுதியில் ஒரு யூனிட் மதிப்பு ` 12.25 என்கிறபோது மொத்த முதலீடு செய்திருப்பவரின் முதலீட்டு மதிப்பு ரூ 1200x12.25 = 14,700 ஆகவும், மாதாமாதம் முதலீடு செய்தவரின் யூனிட்களின் மதிப்பு ரூ 1276.80x12.25 = 15,640.80 ஆகவும் அதிகரித்திருக்கும். இங்கே மொத்த முதலீட்டைவிட எஸ்ஐபி முறையில் ` 940.80 கூடுதல் லாபம் கிடைத்திருக்கிறது என்பதோடு, கஷ்டமில்லாமல் மாதம் குறைந்த தொகையை முதலீடு செய்ய முடிந்தது என்பது கூடுதல் வசதி.
சந்தை தொடர் ஏற்றத்தில் இருந்தால் எஸ்ஐபி முறையைவிட மொத்த முதலீடு லாபகரமாக இருக்கும். அப்படி இருப்பது என்பது மிக அரிது. அடுத்து ஒருவர் முதலீடு செய்து வரும் காலகட்டத்தில் யூனிட்களின் என்ஏவி மதிப்பு குறைந்து வருவது லாபகரமாக இருக்கும். எனவே, முதலீடு செய்யும் காலத்தில் யூனிட் மதிப்பு குறைந்தால், பயம் இல்லாமல் முதலீட்டை தொடருங்கள். முடிந்தால், யூனிட் மதிப்பு மிகவும் குறைந்தால், கூடுதலாக 5,000, 10,000 என அந்த ஃபண்டில் முதலீட்டை மேற்கொள்ளுங்கள். இப்படி கூடுதல் முதலீடு செய்வது மிக எளிது. இதற்கான காசோலையுடன் ஒரு சிறிய படிவத்தை நிரப்பி உங்களின் மியூச்சுவல் ஃபண்ட் ஏஜென்ட் அல்லது மியூச்சுவல் ஃபண்ட் நிறுவனத்தின் கிளை அலுவலகத்தில் கொடுத்தால் போதும்.
எஸ்ஐபி... ஏற்றம் தரும் வாழ்வில்!

Related

சேமிப்பின் சிறப்பு 5319601431095355096

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item