‘மறுபடி மறுபடி தவறு செய்கிறேனே!’ -- ஹெல்த் ஸ்பெஷல்,

''க ல்லூரியில் இரண்டாம் ஆண்டு படிக்கும் எனக்கு, தீவிரமான மனநல பாதிப்பு இருப்பதாக அறிகிறேன். பிரச்...

''கல்லூரியில் இரண்டாம் ஆண்டு படிக்கும் எனக்கு, தீவிரமான மனநல பாதிப்பு இருப்பதாக அறிகிறேன். பிரச்னைகள் வரும்போது, அதற்கான தீர்வுகள் தெரிந்திருந்தும், தவறான முடிவுகளையே எடுக்கிறேன். ஆற அமர யோசிக்கும்போது தடுமாற்றத்தை உணர முடிகிறது. ஆனால், மறுபடியும் தவறான முடிவுகளையே நாடும் என் சிந்தனையைக் கட்டுப்படுத்த முடியவில்லை. எதிர்காலத்தில் பெரிய இக்கட்டில் மாட்டிக் கொள்வேனோ என்று அஞ்சியே... உங்களிடம் என் பிரச்னைகளை சொல்கிறேன். ஆலோசனைகள் ப்ளீஸ்''
- அடையாளத்தை வெளிப்படுத்த விரும்பாத கடலூர் மாணவி
நவரத்தினா தேவகுமார், மனநல ஆலோசகர், சென்னை:
''எதிர்மறை எண்ணங்கள் ஏற்படாத மனிதரே உலகில் இல்லை. அதற்காக எதிர்மறை எண்ணத்துடனேயே வாழ்வது ஆரோக்கியமல்ல. பொதுவாக, அச்சம் மற்றும் படபடப்பு காரணமாக ஒரு சில நேரங்களில் தவறான முடிவுகளை எடுத்துவிடுவோம். அதனால் ஏற்பட்ட பாதிப்புகளை உணரும்போது, 'நான் ரொம்ப அதிர்ஷ்டக்கட்டை. எனக்கு எப்பவுமே இப்படித்தான் நடக்கும்' என்று தவறான நம்பிக்கைகளை வளர்த்துக் கொள்வார்கள். பிறிதொரு சந்தர்ப்பத்தில் நல்ல மனநிலையில் முடிவுகள் எடுத்து, அதனால் நல்ல பலன்கள் கிடைக்கும்போதுதான் மனம் தெளிவடைவார்கள். ஆரம்ப நிலையிலேயே மனதைத் திடமாக வைத்திருப்பதுதான் இதற்கான எளிய மருந்து.
உங்களைப் பொறுத்தவரை, பிரச்னை எதிர்பட்டாலே நீங்கள் மிரளத் தேவையில்லை. அந்தப் பிரச்னையை முழுமையாகப் புரிந்துகொள்ள முயல்வதே, தீர்வின் பாதிக் கிணற்றைத் தாண்டச் செய்யும். இதற்கு, உண்மையிலேயே நீங்கள் எதிர்கொள்வது பிரச்னைதானா என்பதை நன்றாக யோசியுங்கள். அப்படியென்றால், அவற்றின் முக்கியத்துவம், அதற்கான தீர்வு, அதனால் ஏற்படப்போகும் பலன் மற்றும் இந்த சமூகத்தில் உங்களுக்கு கிடைக்கப்போகும் மரியாதையை எல்லாவற்றையும் எண்ணிப் பார்த்து, பின்பு நிதானமாக முடிவுகளை எடுங்கள். இப்படி பலவிதமாக யோசித்து அணுகினாலே, கிட்டத்தட்ட தீர்வை எட்டிவிடுவோம்.
முதலில் உங்களைப் பற்றிய சுயமதிப்பை அதிகமாக்கிக் கொள்ளுங்கள். சுயமதிப்பில் தொய்வு கண்டவர்களுக்கு மிரட்சியும், எதிர்மறை எண்ணங்களும் சுலபமாக எழும். தினமும் கண்ணாடி முன் நின்று 'நான் தன்னம்பிக்கையானவள். நான் எடுக்கப்போகும் முடிவு என்னை மென்மேலும் உயர்த்தும். அதனால் இந்த நாள் மகிழ்ச்சியாக இருக்கும்' என்று சொல்லிப் பழகுங்கள். தவறே இல்லை. எதிர்மறை எண்ணங்கள் மற்றும் நம்பிக்கைகளில் இருந்து விடுபடுவது, உங்களுடைய பலவீனங்களை உணர்ந்து அவற்றிலிருந்து வெளிவருவது, சுயமதிப்பை உயர்த்திக்கொள்வது, பிரச்னைகளை சரியாக இனங்கண்டு அவற்றின் சரியான தீர்விற்கு முனைவது என தெளிவான மாற்றத்துக்குத் தயாராகுங்கள்.
இந்த முயற்சிகளில் எல்லாம் நீங்கள் பலனடையாதது போல தோன்றினால், அவசியம் மனநல ஆலோசகரை அணுக வேண்டிய நிலையில் இருக்கிறீர்கள் என்பதைத் தெரிந்துகொள்ளுங்கள். அவரிடம் பேசும்போது, உங்களது வளர்ப்பு சூழ்நிலை, நீங்கள் எதிர்கொள்ளும் பிரச்னைகள், என்ன காரணத்துக்காக தடுமாற்றம் வருகிறது என எல்லாவற்றையும் கூச்சமின்றி தெளிவாகப் பகிர்ந்து கொள்ளுங்கள். அவர், உங்களுக்குக் கொடுக்கும் மூன்று முதல் நான்கு கவுன்சலிங் சிட்டிங்குகளில், உங்களுடைய சஞ்சலம் விலகி நம்பிக்கையும், தெளிவும் பிறக்கும்.
இனி நான் சொல்லப்போவது... பொதுவான பெற்றோர்களுக்கானது. பொதுவாக எந்த ஒரு பிரச்னை வந்தாலும், அவற்றுக்கானத் தீர்வை அறிவுப்பூர்வமாகச் சிந்தித்து எடுக்க பழக வேண்டும். 'ஐந்தில் வளையாதது ஐம்பதில் வளையாது’ என்ற பழமொழிக்கேற்ப, தாய்மார் கள் அவர்களுடைய குழந்தைகளுக்கு முன்மாதிரியாக இருக்க வேண்டும். வளரிளம் பருவத்தினருக்கு தங்களுடைய ஆரோக்கியமான குடும்பச் சூழலால் இத்தகைய பலன்கள் சாத்தியமாகின்றன.
உங்கள் குழந்தைக்கு ஓர் இடர்பாடு ஏற்பட்டால், அதற்கான முடிவுகளையும், யோசனைகளையும் நீங்கள் சிந்திக்காமல் அவர்களைச் சிந்திக்கவிடுங்கள். அந்தப் பிரச்னையை எப்படியெல்லாம் அணுகலாம் என்று யோசனை சொல்லுங்கள். அவர்கள் எடுக்கும் முடிவு தவறாக போனால்... குற்றம்சொல்வது, கத்தி ஆர்ப்பாட்டம் பண்ணுவது, குத்திக் காண்பிப்பது போன்ற செயல்களில் ஈடுபடாதீர்கள். அது, அவர்களுடைய எண்ணங்களைப் பாதிக்கும் என்பதை மறந்துவிடாதீர்கள். அதற்குப் பதில், எதனால் அப்படி ஒரு தவறு ஏற்பட்டது என்பதை அவர்களுடன் இருந்து அலசுங்கள். காரணத்தை அவர்களுக்குப் புரிய வைத்து, நீங்கள் பக்கபலமாக மட்டுமே நில்லுங்கள்.
விளையாட்டில் கீழே விழும் குழந்தைக்கு மட்டுமே தெரியும் அடிபட்ட வலியும், இனி அப்படி விழக் கூடாது என்பதும். அதனால் வளர் இளம்பருவத்தில் உங்கள் பிள்ளைகள் இருந்தால்... அவர்களுடைய எதிர்காலம் நன்றாக அமைவதற்கு பெற்றோர்களான நீங்கள் கொடுக்கும் பக்கபலமே அவர்களை சிறந்தவர்களாக, தெளிவானவர்களாக வளரச் செய்யும் என்பதை மறந்துவிடாதீர்கள்.''

Related

ஹெல்த் ஸ்பெஷல் 8166953482994935622

Post a Comment

Tamil Unicode Converter

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் 30 வகை மருந்து குழம்பு E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அசோலா ஓர் அட்சயப் பாத்திரம் அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் குறைந்த செலவில் அதிக லாபம் தரும் நாட்டு கோழி வளர்ப்பு குறைந்த செலவில் அதிக லாபம் தரும் நாட்டு கோழி வளர்ப்பு!!! கை மருந்துகள் கொரோனா நோய் எதிர்ப்பு சக்தி உணவுகள் கொரோனாவுக்கு மருந்து சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுக் கோழி வளர்ப்பு நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மருத்துவக் குறிப்பு மன நலம்! மாடித்தோட்டம் முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item