மாற்றுத்திறனாளி மாணவர்களுக்கு... இலவச வாகனம்! --- உபயோகமான தகவல்கள்,

''மா ற்றுத்திறனாளியான என் மகள், தொலைவிலிருக்கும் கல்லூரிக்கு சென்றுவர சிரமப்படுகிறாள். மாற்றுத்திறனா...

''மாற்றுத்திறனாளியான என் மகள், தொலைவிலிருக்கும் கல்லூரிக்கு சென்றுவர சிரமப்படுகிறாள். மாற்றுத்திறனாளிகளுக்காக அரசு இலவசமாக வழங்கும் பிரத்யேக மூன்று சக்கர மோட்டார் வாகனத்தைப் பெற எப்படி விண்ணப்பிக்க வேண்டும்? அரசு தவிர்த்து வேறு ஏதேனும் உதவிகள் நடைமுறைக்கு உதவுமா? பேட்டரி அல்லது பெட்ரோல் இதில் எந்த வகை வாகனம், மாற்றுத்திறனாளிகளுக்கு உதவக்கூடியது?''
- கார்த்திகா, திருச்சி
சூர்ய.நாகப்பன், தலைவர், 'காலிபர்’ - மாற்றுத்திறனாளிகளுக்கான ஆலோசனை மையம், கோவை:
''18 வயது பூர்த்தியான, மேற்கல்வி பயிலும் மாற்றுத்திறனாளி மாண வர்கள், அரசின் மூன்று சக்கர மோட்டார் வாகனம் பெற விண்ணப்பிக்க முடியும். டிப்ளமா மற்றும் பள்ளி மாணவர்களும் 18 வயது பூர்த்தியாகியிருப்பின் விண்ணப்பிக்கலாம். சுயதொழில் புரியும் மாற்றுத்திறனாளிகளுக்கும் இது பொருந்தும்.
பயிலும் கல்லூரி அல்லது கல்வி நிறுவன முதல்வரிடம் இருந்து, மாணவர் என்பதற்கான அத்தாட்சியுடன், கைவசமிருக்கும் மாற்றுத்திறனாளிகளுக்கான தேசிய அடையாள அட்டை நகல் இவற்றை இணைத்து, தாங்கள் வசிக்கும் மாவட்டத்தின் மாற்றுத்திறனாளிகள் நல அலுவலருக்கு உரிய படிவத்தில் விண்ணப்பிக்க வேண்டும். பதிவுத் தபாலில் அனுப்பி அத்தாட்சியை பத்திரப்படுத்திக் கொள்வது நல்லது.
இதைத் தொடர்ந்து விண்ணப்பதாரர் நேரடியாக அழைக்கப்பட்டு, சான்றிதழ்களின் உண்மைத்தன்மை உறுதி செய்யப்படும். பிறகு, அவர்கள் தனியாக மருத்துவ பரிசோதனைக்கு உட்படுத்தப்படுவார்கள். இந்த முடிவைப்பொறுத்து முன்னுரிமை முடிவு செய்யப்படும். அதாவது உடற்குறைபாட்டின் தீவிரம் கணக்கில் எடுத்துக் கொள்ளப்படும் அதேசமயம், வாகனம் ஓட்டும் அளவுக்கு அவர்களின் கரங்களுக்கு வலு உள்ளதா என்பதும் உறுதி செய்யப்படும்.
விண்ணப்பதாரரில் தொழில்முனைவோரை விட, மாணவர்களுக்கு முன்னுரிமை அளிக்கப்படும். இந்த வகையில்,  ஒவ்வொரு ஆண்டும், மாநிலம் முழுக்க தேர்வு செய்யப்படும் சுமார் 1,000 பயனாளிகளுக்கு சுதந்திர, குடியரசு தினங்கள் மற்றும் மாற்றுத்திறனாளிகள் சர்வதேச தினமான டிசம்பர் 3 போன்ற நாட்களில் மேற்படி வாகனம் அளிக்கப்படுகிறது. உங்களது விண்ணப்பம் பரிசீலிக்கப்பட்டும் வாகனம் வழங்கப்படுவது தாமதமாக உணர்ந்தால், மாவட்ட ஆட்சித்தலைவரிடம் மனு அளிக்கலாம். அடுத்த கட்டமாக முதல்வரின் தனிப்பிரிவுக்கும் (சி.எம்.செல்) மனு அளித்து உங்கள் உரிமையை விரைவாகப் பெறலாம்.
மத்திய அரசின் நிதியுதவியோடு மாநில அரசு வழங்கும் இந்த உதவி தவிர்த்து, உங்கள் தொகுதி எம்.எல்.ஏ மற்றும் எம்.பி-க்களின் தொகுதி மேம்பாட்டு நிதியிலிருந்தும் குறிப்பிட்ட சதவிகிதம் மாற்றுத்திறனாளிகள் மேம்பாட்டுக்காக ஒதுக்கப்படுகிறது. இந்த வகையில் உதவியைப்பெற மாவட்ட ஆட்சித்தலைவரிடம் விண்ணப்பிக்க வேண்டும்.
உங்கள் பகுதியில் இயங்கும் தனியார் பெரும் நிறுவனங்களையும் அணுகலாம். ஒவ்வொரு கார்ப்பரேட் நிறுவனமும் தாங்கள் இயங்கும் பகுதியின் சமூகநல மேம்பாட்டுக்காக 'கார்ப்பரேட் சோஷியல் ரெஸ்பான்ஸிபிலிட்டி புராஜெக்ட்' (CSR-Corporate Social Responsibility project) என்ற பெயரில் திட்டங்களை செயல்படுத்தி வருகின்றன. இதன் கீழ் பிரதானமாக மாற்றுத்திறனாளிகள் நலனுக்கு முக்கியத்துவம் வழங்கப்படுகிறது. உங்கள் பகுதி கார்ப்பரேட் நிறுவனத்தின் மேற்படி திட்ட இணைப்பாளரை அணுகி, கூடுதல் விவரங்களைப் பெறலாம். மேலும் உங் கள் பகுதியில் இயங்கும் தொண்டு நிறுவனங்கள், லயன்ஸ் கிளப், ரோட்டரி சங்கம் போன்றவற்றையும் அணுகலாம். இந்த அமைப்புகள் தங்களுக்குக் கிடைக்கும் கோரிக்கைகளைப் பொறுத்து நலத்திட்ட உதவிகளில் மாற்றம் செய்து விரைவாக உதவ முன்வருவதுண்டு.
'ராஜீவ் காந்தி மெமோரியல் டிரஸ்ட்' அவரின் பிறந்த நாளை முன்னிட்டு வருடந்தோறும் மாற்றுத்திறனாளிகளுக்கான பிரத்யேக வாகனங்களை 100 என்ற எண்ணிக்கையில் வழங்கி வருகிறது. கல்வி நிறுவனங்களும் தங்களது டிரஸ்ட் மூலம் சமூகத்தில் பின்தங்கிய கல்வி பயில ஆர்வமுள்ள மாற்றுத்திறனாளி மாணவர்களுக்கு மூன்று சக்கர மோட்டார் வாகனம் வழங்குவதுண்டு. உங்கள் மகள் பயிலும் கல்வி நிறுவனத்திலும்கூட இதுகுறித்து விசாரிக்கலாம்.
மேற்கல்வியில் ஆர்வமுள்ள மாற்றுத்திறனாளி மாணவர்களுக்கான உதவியைப் பெற எந்த வகையிலும் தயக்கம் வேண்டாம். சமூகத்தில் உதவிகள் கிடைப்பதில் குறையில்லை. ஆனால், தட்டுகின்ற கதவுகள் மட்டுமே திறக்கப்படுகின்றன. மாற்றுத்திறனாளிகள் உதவிக்கான மேலதிக தகவலுக்கும், ஆலோசனைக்கும் 'காலிபர்’ மையத்தின் ஹெல்ப்லைனை 0422-243555 என்ற எண்ணில் பெறலாம்.
ஒப்பீட்டளவில் பேட்டரி வாகனம் பெட்ரோல் வாகனத்தைவிட விலை அதிகம்; பேட்டரிக்கு கிடைக்கும் வாரன்ட்டி காலம் குறைவு; பேட்டரி வாகனங்களுக்கு சர்வீஸ் போன்ற அவசர உதவிகள் பரவலாக இன்னும் கிடைப்பதில்லை. இதுபோன்ற காரணங்களினால் மாற்றுத்திறனாளிகளைப் பொறுத்தவரை பெட்ரோல் வாகனமே கைகொடுக்கும்.

Related

உபயோகமான தகவல்கள் 558546973472608621

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item