டிப்ஸ்... டிப்ஸ்...டிப்ஸ்... டிப்ஸ்...!

ப ரங்கிக்காயில் அருமை யான பஜ்ஜி செய்யலாம். பஜ்ஜி தித்திக்குமே என்று தயங்குகிறீர்களா? ஒரு பாத்திரத்தில் அரை ஸ்பூன் உப்பு, அரை ஸ்பூன் மிளகாய்ப் பொடி போட்டுத் தேவையான நீர் விட்டு, அந்தக் கரைசலில் பூசணித் துண்டுகளை ஊற வையுங்கள். பஜ்ஜி மாவு கரைத்துக் கொண்டதும் தண்ணீரை, வடித்துவிட்டு பரங்கித் துண்டுகளை மாவில் தோய்த்து பஜ்ஜி செய்தால், அபாரமான ருசியுடன் இருக்கும்!
உள்ளே இருக்கும் காய் என்னவென்று எளிதில் கண்டுபிடிக்க இயலாது என்பது இதில் ஒரு விசேஷம்!
-----------------------------------------------------------------------------------------------------------------------------

சு ண்டல் முதலிய அயிட்டங்கள் செய்ய பட்டாணி, கொண்டக்கடலை, மொச்சை போன்றவற்றை ஊறவைக்க மறந்து விட்டீர்களா? கவலை வேண்டாம். ஒரு வாணலியில், எண்ணெய் ஊற்றாமல் கடலை வகைகளை நன்கு வறுத்துக் கொள்ளுங்கள். மற்றொரு பக்கத்தில் இரு மடங்கு தண்ணீரைக் கொதிக்க வையுங்கள். வறுத்த கடலையில் கொதிக்கும் நீரை விட்டு வழக்கம்போல குக்கரில் வேக வைத்தால், நன்கு வெந்துவிடும்.
----------------------------------------------------------------------------------------------------------------------------

மு றுக்கு, தட்டை போன்ற பலகாரங்கள், பொரி, கடலை உருண்டைகள் முதலியன செய்தால், எல்லாவற்றையும் மொத்தமாக ஒரே டப்பாவில் போட்டு வைத்தால் அடிக்கடி திறக்கும்போது, நமுத்து விடக்கூடும். சிறிய சிறிய பிளாஸ்டிக் பைகளில் ஏழெட்டாகப் போட்டு பைகளின் வாய் பாகத்தை மூடி வைத்து விடுங்கள். அவ்வப்போது ஒவ்வொரு கவராகப் பிரித்து உபயோகித்துக் கொள்ளலாம். இதனால் பண்டங்கள் ஃப்ரெஷ்ஷாக இருக்கும்.