மூட்டுவலியை விரட்டும் முடக்கத்தான்..!

மூட்டுவலியை விரட்டும் முடக்கத்தான்..! ம னிதனுக்கு ஏற்படும் பிணிகளை நீக்கும் அருமருந்துகளான மூலிகைகள் இயற்கையின் ஏற்பாட்டில், தேவையுள்ள...

மூட்டுவலியை விரட்டும் முடக்கத்தான்..!

னிதனுக்கு ஏற்படும் பிணிகளை நீக்கும் அருமருந்துகளான மூலிகைகள் இயற்கையின் ஏற்பாட்டில், தேவையுள்ள பகுதிகளில், தேவையான மூலிகை என்ற வகையில் தானாகவே விளைந்து கொண்டிருக்கின்றன. இதையெல்லாம் சரியாகக் கண்டுபிடித்து உண்டு, தங்களுக்கு ஏற்படும் நோய்களை தீர்த்துக் கொள்ளும் வித்தையை ஒவ்வொரு உயிரினத்துக்கும் இயற்கை கடத்தியே வைத்திருக்கிறது. ஆனால், வியாபார நோக்கோடு இதையெல்லாம் திட்டமிட்டு மறக்கடித்து விட்டனர் கடந்த இருபது, முப்பது ஆண்டுகளில்! அத்தகைய மூலிகைகளை மீண்டும் கையில் எடுக்கவும், அவை பற்றிய புரிதலை உண்டாக்கவுமே 'மூலிகை வனம்’ எனும் இப்பகுதி இங்கே விரிகிறது.
 இன்றைக்கு நீரழிவுக்கு நிகராக மனித இனத்தை வாட்டிக் கொண்டிருக்கும் மற் றொரு நோய், 'ருமாட்டாயிட் ஆர்த்ரைடீஸ்’ (rheumatoid arthritis) எனப்படும் மூட்டு நோய். இதற்கு, அறுவை சிகிச்சை வரை ஆலோசனை வழங்குகிறது நவீன மருத்துவம். ஆனால், ஈராயிரம் ஆண்டுகளுக்கு முன்னரே மூலிகை மூலமான தீர்வை அறிமுகப்படுத்தியிருக்கின்றனர் முன்னோர்கள். 

'முடக்கத்தான்’ என அழைக்கப்படும் அதி அற்புதமான மூலிகை தான் அது. 'முடக்கு வலியை அற்றான்’ என்கிற அர்த்தத்தில் இந்த பெயர் ஏற்பட்டுள்ளது. மனிதர்களின் வேதனைகளைப் போக்க, வேலியெங்கும் இந்தக் கொடியைப் படரவிட்டுள்ளது இயற்கை. தற்போதும் நகரம், கிராமம் வித்தியாசமில்லாமல் கிடைத்த இடங்களிலெல்லாம் விளைந்து கிடக்கிறது முடக்கத்தான். சிறிய கொடியாக இருந்தாலும் இதன் தண்டுகள் கம்பிகளைப் போல வலிமையானவை. நீண்ட இலைக் காம்புகளைக் கொண்டிருக்கும் இது, 

ஒன்பது கூட்டிலைகளைக் கொண்டிருக்கும். வெள்ளைப் பூக்கள், முப்பட்டை வடிவ பலூன் போன்ற காய்களை உடையது. காயினுள் மூன்று அறைகளும், அவற்றில் தலா ஒரு விதையும் இருக்கும். விதை முற்றியதும் பலூன் வெடித்து, விதைகள் பரவுவது மூலமாக இனப்பெருக்கம் நடக்கிறது. இதன் தண்டு, இலை அனைத்தும் மருந்துகளாகப் பயன்படுகின்றன.
இத்தனை சிறிய செடி, மூட்டுவலியைத் தீர்க்கும் என்பதை எப்படி ஏற்றுக்கொள்வது... அறிவியல் ஆதாரம் இருக்கிறதா? எனக் கேட்பவர்களுக்கு, தனது ஆராய்ச்சிகள் மூலமாக பதில் சொல்லியுள்ளது ஆஸ்திரேலி யாவில் உள்ள குயின்ஸ் பல்கலைக்கழகம்.

யூரிக் ஆசிட்டைக் கரைக்கிறது!
'இந்தக் காலத்தில் சிறுநீர் வரும்பொழுது அதற்கு தோதான இடம் கிடைக்காமல், பெரும்பாலும் அடக்கிக் கொள்கிறோம். அந்த நேரங்களில் உடலில் உள்ள ரத்தம் பலபாகங்களுக்கும் அப்படியே செல்கிறது. இதனால் ரத்தத்தில் உள்ள 'யூரிக் ஆசிட்' சிறுசிறு கல்துகள்களாக மூட்டுகளில்... குறிப்பாக, மூட்டுகளை அசைக்க உதவும் தசையான 'சினோரியஸ் மெம்கிரேம’ என்ற இடத்தில் படிந்து விடுகிறது. இந்த நிகழ்வு ஆண்டுக் கணக்கில் தொடரும்போது, 35 வயதுக்கு மேல் மூட்டுவலி எட்டிப் பார்க்கிறது. 

இந்தியாவில் 65 சதவிகிதம் பேருக்கு இந்த நோய் இருக்கிறது. இதில் 85 சதவிகிதம் பேர் பெண்கள். இந்த 'யூரிக் ஆசிட்’டைக் கரைக்கும் ஆற்றல் முடக்கத்தான் கீரையிலுள்ள 'தாலைட்ஸ்’ என்ற பொருளில் இருக்கிறது. இது மூட்டுகளில் படிந்திருக்கும் யூரிக் ஆசிட்டைக் கரைத்து, சிறுநீரகங்களுக்குக் கொண்டு செல்கிறது. அங்கு சிறுநீராக வெளியேறும்போது, சோடியம் மற்றும் பொட்டாசியம் ஆகியவற்றை நமது உடலில் விட்டுச் செல்வதால்... உடல் சோர்வு நீங்குவதுடன், மூட்டுகளில் வலி குறைந்து, வலிமை பெறுகிறது. மூட்டுகளில் படிந்து கிடக்கும் புரதம், சுண்ணாம்பு, பாஸ்பரஸ், கொழுப்புத்திரட்சியையும் நீக்குகிறது’ என்கிறது அந்த ஆராய்ச்சி முடிவு.
முடக்கத்தான் ரெசிப்பிக்கள்!
''முதுகு தண்டுவடத் தேய்மானம், மாதவிடாய் நின்ற பெண்களுக்கு ஏற்படும் எலும்புத் தேய்மானம் உள்ளிட்ட அனைத்து விதமான மூட்டுப் பிரச்னைகளில் இருந்தும் தப்பிக்க முடக்கத்தான் உதவுகிறது. முடக்கத்தான் கீரை துவர்ப்புச் சுவையுடையது. அப்படியே கீரையை மாவில் போட்டு அரைத்து அடையோ, தோசையோ செய்து சாப்பிட்டால் கொஞ்சம் மருந்து வாசனை அடிக்கும். 

அதைப் போக்க, கீரையை மிக்ஸியில் அடித்து, மாவில் கலந்து தோசையோ... அடையோ செய்து சாப்பிட்டால் சுவையாக இருக்கும். கீரையை ஆய்ந்து, எண்ணெயில் வதக்கி, உப்பும், காய்ந்த மிளகாயும் சேர்த்து அரைத்து துவையலாகப் பயன்படுத்தலாம். 

பொடியாக நறுக்கி, மிளகு, சீரகத்துடன் சேர்த்து ரசம் வைக்கலாம். கீரையைப் பொடியாக நறுக்கி வேகவைத்து, பொடியாக நறுக்கிய சின்ன வெங்காயத்துடன் சேர்த்து, சிறிது எண்ணெய் ஊற்றி பொரியல் செய்து சாப்பிடலாம். பருப்புகளுடன் சேர்த்துக் கூட்டு செய்யலாம். இப்படி பலவிதமாக சமைத்துப்  பயன்படுத்தலாம்.

இந்தக் கீரையை விளக்கெண்ணெய் விட்டு வதக்கி சாப்பிட்டால்... கைகால் வலி, மூட்டுவலி, முதுகுவலி, உடல்வலி அனைத்தும் பறந்து போகும். கீரையுடன் வெல்லம் சேர்த்து நெய்யில் வதக்கிச் சாப்பிட்டால்... கண் தொடர்பான நோய்கள் குணமடையும். கட்டிகளின் மீது அரைத்துப் பூசினால், அவை உடைந்து புண் ஆறும். மூலம், மலச்சிக்கல், கரப்பான், பாதவாதம், நரம்பு தொடர்பான நோய்கள் நீங்குவதுடன், தசைநார்களும் வலுப்பெறும். 

இதை முதன்முதலாக உண்ணும்போது, சிலருக்கு முதல் இரண்டு நாட்களுக்கு பேதியாகும். அதைப் பற்றிக் கவலைப்படத் தேவையில்லை'' என்கிறார்கள் சித்த மருத்துவர்கள்.
முடக்கத்தானை போற்றுவோம்... மூட்டு வலியை விரட்டுவோம்!

லச்சக்கட்டைக் கீரை!
குளிர்காலம் தொடங்கி விட்ட நிலையில்... குழந்தை கள் முதல் பெரியவர்கள் வரை சளித் தொந்தரவில் சிக்கித் தவிக்கிறார்கள். இதைப் போக்க... தேன், துளசி போன்றவை பயன் பாட்டில் இருக்கிறது. ஆனால், பெரும்பாலும் மூலிகை என அறியப்படாத செடி ஒன்றும் இதற்கு உதவத் தயாராக இருக்கிறது. சளி, சுவாசக் கோளாறு, நெஞ்சு வலி ஆகியற்றைப் போக்கும் அந்த அற்புத மூலிகையை பல இடங்களில் அழகுச் செடியாக வளர்க்கிறோம். லச்சக்கட்டைக் கீரை, சண்டிக்கீரை என பல பெயர்களில் இது அழைக்கப்படுகிறது. சிறிய மரவகையைச் சேர்ந்த, வெளுத்த இளம் பச்சை நிறத்தில் உள்ளங்கை அகல இலைகளோடு இது காணப்படும். சளி தொந்தரவுக்கு மட்டுமல்ல... மூட்டுவலி, வாயுவினால் ஏற்படும் வயிற்றுப் பிரச்னைகளுக்குமான தீர்வுகளும் இதில் இருக்கிறது.
இதைப்பற்றி பேசும் திண்டுக்கல், வனவிரி வாக்க மைய வனச்சரகர் ராஜமாரியப்பன், ''கெட்டுப்போன எலும்பு மஞ்ஜையை சரியாக்குவதால், 'மஞ்ஜைக் கெட்ட கீரை’ என அழைக்கப்பட்டு, அது மருவி 'லச்சக்கட்டை கீரை’ என மாறிவிட்டது. கை, கால் மூட்டு சண்டித்தனம் செய்யும்போது செயல்பாடு குறையும். அதை இந்த இலை சரி செய்வதால் 'சண்டிக்கீரை’ எனவும் அழைக்கிறார்கள். போத்துகள் மூலமாக இதை இனப்பெருக்கம் செய்யலாம்'' என்றவர்,
''மற்ற கீரைகளைப் போல இதையும் சமைத்து சாப்பிடலாம். அசைவப் பிரியர்கள், இந்த இலையைச் சின்னதாக அரிந்து, ரத்தப் பொரியலில் போட்டு உண்ணலாம். சைவம் உண்பவர்கள், பாசிப்பருப்பில் போட்டுக் கடைந்தோ, பொரியல் செய்தோ சாப்பிடலாம். இதை உண்டால் கடுமையான நெஞ்சுவலி, சளி அனைத்தும் சரியாகும். இதைத் தினமும் சாப்பிடக் கூடாது. வாரம் ஒருமுறை உணவில் சேர்த்துக் கொள்ளலாம்'' என ஆலோசனைகளும் தந்தார் ராஜமாரியப்பன்.


Related

மூலிகைகள் கீரைகள் 7957312562269948746

Post a Comment

Tamil Unicode Converter

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் 30 வகை மருந்து குழம்பு E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அசோலா ஓர் அட்சயப் பாத்திரம் அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் குறைந்த செலவில் அதிக லாபம் தரும் நாட்டு கோழி வளர்ப்பு குறைந்த செலவில் அதிக லாபம் தரும் நாட்டு கோழி வளர்ப்பு!!! கை மருந்துகள் கொரோனா நோய் எதிர்ப்பு சக்தி உணவுகள் கொரோனாவுக்கு மருந்து சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுக் கோழி வளர்ப்பு நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மருத்துவக் குறிப்பு மன நலம்! மாடித்தோட்டம் முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item