பேரீச்சம்பழம்--மூலிகைகளின் மகத்துவம்

தாவரவியற் பெயர்: Phoenix dactilifera ஆங்கிலப்பெயர்: Date இது எங்கும் பயிராகும் மரவகுப்பைச் சேர்ந்தது. இதுவட ஆபிரிக்கா, எகிப்து, அரேபியா...

தாவரவியற் பெயர்: Phoenix dactilifera
ஆங்கிலப்பெயர்: Date
இது எங்கும் பயிராகும் மரவகுப்பைச் சேர்ந்தது. இதுவட ஆபிரிக்கா, எகிப்து, அரேபியா முதலிய இடங்களில் சாதாரணமாக வளரும் மரம்.இதன் காய்க்குக் கர்ச்சூரங்க்காய் எனப் பெயர் வழங்கப்படுகின்றது. இதன் பழம் பிசின், கொட்டை கள், குருத்து,வெல்லம் என்பன மருத்துவப் பயன்பாட்டுடையன.இதனால் பித்தம், மதுமேகம். நீர்வேட்கை, மலபந்தம், நீர்க்கோவை,குடற்புண் தீரும். இதன் மருத்துவப் பயன்பாடுகளாவன; கர்ச்சூரம்
கர்ச்சூரம் என்னும் பேரீச்சங்காயின் பருப்பை நீக்கி அதை அப்படியே தேனில் ஊறப்போட்டு (40நாட்கள்) தினமும் 1 துண்டு உண்டுவரின் மாரடைப்பு வாய்வு நீங்குதல் மட்டுமல்லாமல்  மேற்குறித்த வியாதிகளும் போகும்.
குருதிக் கழிச்சல் போக
காய்களைப் பிளந்து விதையை நீக்கி அதற்குள் சுக்கு, மாம்பருப்பு, சிறுநாகப்பூ, கசகசா வகைக்கு 30 கி எடுத்து தூள் செய்து சுண்டை அளவு உருட்டி தினம் 23 உருண்டை வீதம் நாளொன்றுக்கு 34 வேளை கொடுக்க குருதிக்கழிச்சல் போகும்.
கழிச்சலை உண்டாக்க
பேரீச்சங்காய், கொட்டை, திராட்சை, சீரகம், ஓமம்,சீந்தில் தண்டு, வெட்டிவேர், நிலாவாரை, அதிமதுரம்  கடுகுரோகினி இவை சம எடை கொண்டு முறைப்படி குடிநீராக்கி 40 மி.லீ. வீதம் சிறிது பனங்கற்கண்டும் உப்பும் சேர்த்து ஒருவேளை காலையில் கொடுக்க கழிச்சல் உண்டாகும்.
இருமலுக்கு
சிற்றரத்தை, பேரீச்சங்காய், சுக்கு, அதிமதுரம், வகைக்கு 7.5 கி நறுக்கி ஒரு சீலையில் தளர்ச்சியாக முடிந்து அதனை 1/4 படி பசுவின் பாலில் போட்டு மீண்டும் 1/4 படி தண்ணீர் விட்டு சிறு தீயில் எரித்து விட்ட தண்ணீர் சுண்டக் கவனித்து வடித்து 15 கி கற்கண்டைப் போட்டுக் கலக்கி காலை, மாலை குடிக்க  7நாட்களில் நாட்பட்ட இருமலும் குணமாகும்.

தேமலுக்கு
பேரீச்சம்பழத்தை அனல்மீது காட்டிச் சுட்டு நீர்விட்டுப் பசைபோல அரைத்துத் தேமல் உள்ள இடத்தில் தேய்த்து வந்தால் தேமல் குணமாகும்.
குடற்புண்ணுக்கு இஞ்சி லேகியம்
இஞ்சி 1 1/2 கிலோ தோல் சீவி 6 படி நீர்விட்டு நீர்சுண்டக் காய்ச்சி நன்றாக வெந்தபின் கீழிறக்கி ஆறவிட்டு அதனை அம்மியிலிட்டு மைபோலரைத்து வைத்துக்கொள்ளவும். பேரீச்சம்பழம் விதை நீக்கி 3 கிலோ எடுத்து சிறிது நெய்விட்டு வதக்கி எடுத்துக் கல்லுரலில் இட்டு நன்றாய் இடித்து எடுத்து வைத்துக் கொள்ளவும் சீனி 3 கிலோ, பசுநெய் 1/2 லீற், ஏலரிசிப் பொடி 20 கி,தேன் 1 1/2 இறா.
இஞ்சி, பேரீச்சம்பழம்,சீனி மூன்றையும் ஒரு சட்டியிலிட்டு நன்றாக கிளறி நன்றாய் உறவாகிய பின் ஏலரிசிப்பொடியை சேர்த்துக் கிளறி அப்பால் நெய்யையும் தேனையும் சேர்த்து நன்றாக கிண்டி ஒரு ஜாடியில் பத்திரப்படுத்தவும் இதில் 510 கி எடை காலை, மாலை தனியாகவேனும் சாப்பிட பசியின்மை, சுவையின்மை, மலச்சிக்கல், வயிற்றுப்பொருமல், வாந்தி, வாய்நீர் ஊறல், கிறுகிறுப்பு இவைகளும் தீரும்(அனுபவமுறை)
விக்கல் போக தாமரை வித்து லேகியம்
பேரீச்சம்பழம் 60 கிராம், திராட்சை 60 கிராம் கற்கண்டு 120 கி, தேன் 100 மி.லி. சாதிக்காய், சாதிப்பத்திரி, ஏலம், கராம்பு வால்மிளகு, கசகசா, திப்பிலி வகைக்கு 10 கிராம், தாமரை வித்துப் பருப்பு 120 கிராம், பசுநெய் 200 மி.லி. பாதாம்பருப்பு 60 கி, பசும்பால் 1 படி
பழங்கள், கசகசா, பருப்பு இவை யாவும் நெய் தெளித்து வறுத்து அரைத்து வைத்துக்கொண்டு மற்ற சரக்குகளை இளவறுப்பாகவறுத்து சூரணித்து  வைத்துக்கொண்டு பா லில்  கற்கண்டைப்போட்டு கரைத்துப் பாகுசெய்து சூரணங்களைத் தூவிக் கிளறி நெய் சேர்த்து வைக்கவும். ஆறிய பின்தேன் சேர்த்துக் கிளறி ஜாடியில் வைக்கவும் நெல்லிக்காயளவு தினம் 2 வேளை சாப்பிட்டு வர எப்படிப்பட்ட கொடிய விக்கலும் குணமாகும்.
நாவரட்சிக்கு
கொட்டை முந்திரிச்சாறு 1/4 படி கொண்டு அதில் உலர்ந்த பேரீந்தும் இலந்தைக் கொட்டைச் சதையும் கூட்டில் பிசைந்து வடித்த நீரை அடிக்கடி பருக உதடு நா வரண்டுபோதல் தணியும்.
ஆண்மைக் குறைவிற்கு
பேரீச்சம்பழத்தை தேனில் ஊறவைத்து இரவில் நாள்தோறும் 2 எடுத்துச் சாப்பிட்டு வரலாம்.
பேரீச்சம்பழம்,பாதாம்பருப்பு, பிஸ்தாப்பருப்பு சம எடை முறைப்படி குடிநீர் செய்து காலை மாலை பருகலாம்.
கொட்டைப்பாக்கையும் பேரீச்சம்பழத்தின் கொட்டையையும் சந்தனக் கல்லின்மீது நீர்விட்டுச் சந்தனம் போலரைத்து சம எடையாகக்கூட்டிக் களிபோல் கிளறி அடை தட்டி நெய்யில் வடைபோல சுட்டு எடுத்து தேனில் ஊறப்போட்டு வேளைக்கு 100 மி.கி.எடை காலை மாலை சாப்பிடலாம்.
காலை உணவுடன் 3பேரீச்சம்பழங்களை சாப்பிட்டு வெந்நீர் அருந்த வேண்டும். இரவு உணவுக்குப்பின் 12 பழங்களை உட்கொண்டு பசும்பால் பருகவேண்டும். இவ்வாறு தொடர்ந்து 60நாட்கள் சாப்பிடவேண்டும். இந்நாட்களில் தயிர்,குளிர்பானம், கடலைவகை, எண்ணெய்ப்பண்டம். பழையசாதம் , உடலுறவு இவற்றைத் தவிர்க்கவேண்டும்.
கண் நோய்கள் போக
பழம் 2 ஐ தினமும் இரவு உணவுக்குப் பின் உண்டு 200 மி.லீ. பசும்பால் குடித்து வந்தால் உடல் உறுதி அடையும். கண்நோய்கட்டு மட்டுமன்றிதோலும்  மென்மை பெறும்.பல் நோய்களும் தீரும்.
இளமையில் நின்றுபோன மாதவிலக்கு ஏற்பட
பாதாம்பருப்பு 40 கி, உலர்ந்த திராட்சை 100 கி, தேங்காய்ப் பருப்பு 70 கி, பேரீச்சம்பழம் 8, இந் நான்கினையும் சேர்த்து நன்றாக அரைத்து வைத்துக்கொண்டு வெறும் வயிற்றிலே அவ்வப்போது அருந்திவந்தால் இளமையிலே நின்றுபோன மாதவிடாய் தோன்றும்.

Related

பழங்களின் பயன்கள் 6896337791150622369

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement


Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள். சிந்தனை துளிகள். இந்த நாள் இனிய நாள் சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item