மினி ரெசிபி! - ஜவ்வரிசி ஊத்தப்பம்! -- சமையல் குறிப்புகள்,

தேவையான பொருட்கள்: இட்லி அரிசி - 4 கப், உளுந்து - ஒரு கப், ஜவ்வரிசி - கால் கிலோ, வெங்காயம் - 2, கடுகு, உளுத்தம்பருப்பு - தலா ஒரு தேக்கரண்டி, பச்சை மிளகாய் - 4, எண்ணெய், உப்பு - தேவையான அளவு.
செய்முறை: அரிசி, உளுந்தை ஒன்றாக சேர்த்து ஊற வைத்து, தோசைக்கு அரைப்பது போல அரைத்து, புளிக்க விட்டு, உப்பு சேர்க்கவும். மறுநாள், ஜவ்வரிசியை அரை மணி நேரம் ஊற வைத்து, மாவில் சேர்க்கவும். வாணலியில் எண்ணெயை சூடாக்கி, கடுகு, உளுத்தம்பருப்பு, நறுக்கிய வெங்காயம், பச்சை மிளகாய் தாளித்து, மாவில் சேர்க்கவும். தோசைக் கல்லை சூடாக்கி, மாவை கெட்டியாக ஊற்றி, எண்ணெய் விட்டு, இருபுறமும் வேகவிட்டு எடுத்து, கார சட்னியுடன் பரிமாறவும்.
குறிப்பு: விருப்பப்பட்டால் கேரட் துருவல் சேர்த்துக் கொள்ளவும்.