இன்சுலின் ஊசியைப் போடுவதற்கான நான்கு வழிமுறைகள்--சர்க்கரையை வெல்லலாம்!

சர்க்கரையை வெல்லலாம் ஹெல்த் க.பரணீதரன், சர்க்கரை நோய் சிறப்பு மருத்துவர் க டந்த இதழில், இன்சுலின் வகைகளைப் பற்றியும், அவற்றின் செயல்த...

சர்க்கரையை வெல்லலாம்ஹெல்த்க.பரணீதரன், சர்க்கரை நோய் சிறப்பு மருத்துவர்
டந்த இதழில், இன்சுலின் வகைகளைப் பற்றியும், அவற்றின் செயல்திறன்கள் பற்றியும் பார்த்தோம். ஒருநாளைக்கு, ஒன்றுக்கும் மேற்பட்ட முறை இன்சுலின் ஊசி போட்டுக் கொள்ளக்கூடிய சூழல் பலருக்கும் இருப்பதால், சர்க்கரை நோயாளி தனக்குத்தானேவோ அல்லது அவரது குடும்பத்தினரோ இன்சுலின் ஊசியைப்போடும் வழக்கம் இன்றைக்குப் பரவலாக இருக்கிறது. எனவே, இன்சுலின் ஊசியைப் பற்றிய போதுமான விவரங்களைத் தெரிந்துவைத்திருப்பது, இவர்களின் கடமை. பல மாதங்களாக இன்சுலின் ஊசி போட்டுக் கொள்பவர்களுக்குக் கூட இன்சுலின் ஊசியின் தன்மை, போட்டுக்கொள்ளும் விதம் பற்றிய போதுமான விழிப்பு உணர்வு இருப்பதில்லை. மருத்துவரின் பரிந்துரையின்பேரில், இன்சுலின் ஊசியைச் சுயமாக போட்டுக்கொள்பவர்கள் கவனிக்க வேண்டிய மற்றும் தெரிந்துவைத்திருக்க வேண்டிய அடிப்படை உண்மைகளை இந்த இதழில் விரிவாகக் காண்போம்.

இன்சுலின் போடும் இடம்

இன்சுலின் ஊசியைச் சருமத்துக்கு அடியில், கொழுப்புத் திசுக்கள் (subcutaneous) உள்ள அடுக்கில் போட வேண்டும். நேரடியாகத் தசையிலோ, ரத்தக் குழாயிலோ செலுத்தக் கூடாது.

இன்சுலின் கிரகித்தல் என்பது நாம் போடக்கூடிய இடத்துக்கு ஏற்ப மாறுபடும். வயிற்றுப் பகுதியில் போடும்போது, மிக விரைவாகக் கிரகிக்கப்படும். இந்த முறையைப் பலரும் பின்பற்றுகின்றனர். இருப்பினும், பொதுவாக கை மற்றும் இடுப்புப் பகுதியில்தான் இன்சுலின் ஊசி போடப்படுகிறது. தொடைப் பகுதியிலும் இன்சுலின் ஊசியைப் போட்டுக்கொள்ளலாம்.

இன்சுலின் ஊசியைப் போடுவதற்கான நான்கு வழிமுறைகள்:

இன்சுலின் செலுத்துவதற்கென்றே கிடைக்கும் மெல்லிய சிரிஞ்சை கையில் எடுத்து, மருத்துவர் பரிந்துரைத்த அளவு இன்சுலினை நிரப்பி, பென்சிலைப் பிடிப்பதுபோலப் பிடிக்க வேண்டும்.

ஊசி செலுத்தப்படும் தோல் பகுதியை, இரண்டு விரல்களால் மென்மையாகப் பிடித்து, 90 டிகிரி கோணத்தில் ஊசியைச் செலுத்த வேண்டும்.

விரல்களால் பிடித்திருந்த தோல் பகுதியை விடுவிக்க வேண்டும்.

சிரிஞ்சின் அழுத்தும் பகுதியை அழுத்தி இன்சுலினை உடலுக்குள் செலுத்த வேண்டும். இன்சுலினை முழுமையாகச் செலுத்தியதும் ஊசியை வெளியே எடுக்க வேண்டும்.

குறிப்பு:

இப்படிச் செய்யும்போது சில நேரங்களில் துளி ரத்தம் வெளிப்படலாம். அது இயல்பானது தான்; கவலை வேண்டாம்.

ஊசி செலுத்தும் இடத்தில் வீக்கம், காயம், புண், சிராய்ப்பு என ஏதாவது இருந்தால் அந்தப் பகுதியில் இன்சுலின் ஊசியைச் செலுத்த வேண்டாம். வேறு பகுதியில்தான் செலுத்த வேண்டும்.

ஊசி செலுத்துவதற்கு முன்பு, செலுத்தப்படும் இடத்தைக் கிருமி நாசினி அல்லது ஆல்கஹால் உள்ள மருந்தை வைத்து, மென்மையாகச் சுத்தம் செய்ய வேண்டும்.

இன்சுலினைப் பாதுகாப்பாக வைப்பது அவசியம்

இன்சுலின் ஊசி போடும் பலருக்கும் இருக்கும் சந்தேகம் அதை எப்படிப் பராமரிப்பது என்பதுதான். இன்சுலினை அதிகக் குளிர் அல்லது அதிக வெப்பம் உள்ள பகுதியில் வைக்கக் கூடாது.

ஜன்னல் அருகில், மூடிய காரில், மைக்ரோவேவ் அவன் அருகில், அடுப்பு அருகில் என, வெப்பமான இடங்களின் அருகில் வைக்க வேண்டாம்.

திறக்காத இன்சுலினை ரெஃப்ரிஜிரேட்டரில் வைக்கலாம். அதுவும் 2 - 7 டிகிரி செல்சியஸ் வெப்பநிலையில் இருக்க வேண்டும். எந்தக் காரணம் கொண்டும் இன்சுலினை ஃப்ரீசரில் வைக்க வேண்டாம். இன்சுலின் ஒருமுறை உறைந்துவிட்டால், அதன் செயல்திறன் போய்விடும் என்பதைக் கவனத்தில் கொள்ள வேண்டும். இன்சுலினை ஒருமுறை திறந்துவிட்டால், அறை வெப்ப நிலையிலேயே வைக்கலாம். அதாவது 30 டிகிரி செல்சியசுக்குக் கீழ் இருக்க வேண்டும். ஏற்கெனவே நிரப்பப்பட்ட இன்சுலின் ஊசியாக (Pre-filled insulin syringes) இருந்தால், ஊசி முனை மேலே பார்த்தபடி வைக்க வேண்டும்.

இன்சுலின் பாதுகாப்பு

இன்சுலின் பாட்டிலுக்குள் புகைமூட்டம் போல இருந்தாலோ, கட்டியாகி இருந்தாலோ செதில் செதிலாக இருந்தாலோ பயன்படுத்த வேண்டாம். சில நேரங்களில், இன்சுலின் உள்ளே செதில்செதிலாக இருந்தாலும் அவை சரியாகி விடும். அப்படி மாறாமல் இருந்தால், அதைப் பயன்படுத்த வேண்டாம்.

இன்சுலினை வாங்கும்போது, அதன் காலாவதி தேதியைப் பார்த்து வாங்க வேண்டும். காலாவதி தேதிக்குப் பிறகு, பயன்படுத்தக் கூடாது. இன்சுலின் குப்பியைத் திறந்துவிட்டால், ஒரு மாதத்துக்குள் பயன்படுத்திவிட வேண்டும். உறை நிலைக்குச் சென்ற அல்லது அதிக வெப்பத்துக்கு ஆளான இன்சுலின் மருந்தைப் பாதுகாப்பாக அப்புறப்படுத்த வேண்டும்.

- தொடரும்


ஸ்வீட்டர்

தொடர்ந்து ஒரே இடத்தில் இன்சுலின் இன்ஜெக்‌ஷன் போட வேண்டாம். வலது கை, இடது கை, தொடை, வயிறு, இடுப்பு என்று அடிக்கடி இடத்தை மாற்றிப்போடுவதன் மூலம், இன்சுலின் கிரகித்தல் நன்றாக இருக்கும். சர்க்கரை அளவும் கட்டுக்குள் இருக்கும்.

டயாபடீஸ் டவுட்

“சர்க்கரை அளவைக் கட்டுக்குள் வைக்க, கடந்த ஐந்து ஆண்டுகளாக இன்சுலின் எடுத்துவருகிறேன். இன்சுலினை மிகவும் ஆற்றல் மிக்கதாகப் பயன்படுத்த, உங்கள் ஆலோசனை என்ன?”
“இன்சுலின் ஊசி போடுவதற்கு முன்பு, கைகளைக் கிருமிநாசினி பயன்படுத்திச் சுத்தம் செய்யுங்கள். ஆல்கஹால் உள்ள கிருமிநாசினி பயன்படுத்தி, ஊசி போடப்படும் இடத்தைச் சுத்தம் செய்து உலர விடுங்கள். இது, வலியைக் குறைக்க உதவும். இன்சுலினை ஃபிரிட்ஜில் பத்திரப்படுத்தி வைப்பவராக இருந்தால், ஃபிரிட்ஜில் இருந்து எடுத்த உடன் ஊசி போட வேண்டாம். அது அறை வெப்பநிலைக்கு வரும்வரை காத்திருங்கள். அல்லது இன்சுலின் குப்பியை கைகளுக்குள் வைத்து மெதுவாக உருட்டி, வெப்பப் படுத்துங்கள். ஒவ்வொரு முறையும் புது ஊசியைப் பயன்படுத்துங்கள். ஊசி மிகவும் கூராகத்தான் இருக்கிறது என்று உங்களுக்குத் தோன்றலாம். ஆனால், மீண்டும் மீண்டும் பயன்படுத்தும்போது அதன் முனை மழுங்கிவிடும். பயன்படுத்துவதும் கடினமாக இருக்கும். எனவே, மருத்துவர் பரிந்துரைத்த, மிகவும் மெல்லிய, கூரான, சிறிய சிரிஞ்களையே பயன்படுத்துங்கள். ஊசியைக் குத்தியபிறகு அதைப் பக்கவாட்டில் அசைக்க வேண்டாம். 90 டிகிரி கோணத்தில் வைத்துச் செலுத்துவதுதான் சிறந்தது. இன்சுலினை மெதுவாக அதேநேரம் நிலையாகச் செலுத்துங்கள். அதிக அளவு இன்சுலின் எடுக்க உங்கள் மருத்துவர் பரிந்துரைத்தால், அதை ஒரே நேரமாக எடுக்காமல், பிரித்து எடுத்துக்கொள்ளுங்கள்.

Related

ஹெல்த் ஸ்பெஷல் 1176864354406285841

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item