மனம் போல்தான் எல்லாமே. எண்ணம் போல் தான் வாழ்வு. சிரியுங்கள். .!

 

ஆற்றின் நடுவில் கழுத்து அளவு ஆழத்திற்குத் தண்ணீர் ஒடிக் கொண்டிருந்தது.

பணப் பையுடன் ஒருவர் அந்த ஆற்றை கடக்க முயற்சிக்கிறார். 

 

அவர் ஆற்றின் நடுவில் வரும்போது, திடீரென நீரின் வேகம் அதிகரிக்கிறது.

கையிலிருந்த பணப் பையை,ஆற்று நீர் அடித்து செல்ல தொடங்கியது.

ஐயோ என் பணப் பையை தண்ணீர் அடித்துச் செல்கிறதே!

யாராவது அதை காப்பாற்றுங்களேன் என ஓங்கி குரல் கொடுக்கிறார். 

 

கரையில் இருந்த மீனவர் ஒருவர் இந்த குரலை கேட்டுஆற்றில் குதித்து மிகவும் கஷ்டப்பட்டு, உயிரை பணயம் வைத்து தேடிபணப் பையோடு கரை திரும்பினார்.

கரை திரும்பிய மீனவர் அந்த பணப் பையின் உரிமையாளரை தேடினார்.

ஆனால் அங்கு அவர் இல்லை.அவரை தான் ஆற்று வெள்ளம் அடித்து சென்று விட்டதே.அவரை வெள்ளம் அடித்துச் சென்ற விவரத்தை மற்றோர் மூலம் அறிந்து கொண்டார். 

 

அவர் மட்டும் பணப் பையைக் காப்பாற்றுங்கள் என சொல்லாமல்,

என்னை காப்பாற்றுங்கள் என சொல்லி இருந்தால், நான் அவரை காப்பாற்றி இருப்பேனே என மீனவர் மிகவும் வேதனைப் பட்டார். 

 

இறைவனிடம் நம் வேண்டுதல்களும் சில நேரங்களில் இப்படித் தான் அமைந்து விடுகிறது. நம் பிரச்னைனைக்கு நல்ல ஒரு நிரந்தர தீர்வை வேண்டாமல்,

நம் முன் உள்ள அப்போதைய தேவைக்கு,தற்காலிக தீர்வை இறைவனிடம் வேண்டுகிறோம்.அவனும் நம் வேண்டுதலை நிறைவேற்றுகிறான். 

 

ஒரு சிக்கல் எதனால் வந்தது?

 

அதை எப்படி தீர்ப்பது?

 

யாரைக் கொண்டு தீர்வு செய்வது? என்று முழுமையாக ஆழ்ந்து யோசித்துப் பார்க்காமல், அப்போதைக்கு என்ன செய்யலாம் என முடிவெடுப்பதுதான் பெரிய தீர்வில்லாத நிரந்தர சிக்கலை ஏற்படுத்துகிறது. 

 

இதை ஏனோ நம்மில் பலர் அறியாமல் இருக்கிறோம்.வீண் பிடிவாதத்தாலும்,

வரட்டு கெளரவத்தினாலும், தீர்வின் பக்கம் செல்ல மறுக்கிறோம்.

ஆழ்ந்து சிந்தித்தால்,அனைத்து பிரச்னைகளுக்கும் தீர்வு உண்டு. 

 

விட்டுக் கொடுத்தவர், கெட்டுப்போனதாக சரித்திரம் இல்லை.

எவ்வளவு பெரிய பிரச்னையையும், ஒரு சிறு புன்னகை மூலம் தீர்க்கலாம். 

 

யாருக்குத்தான் பிரச்னை இல்லை?

 

அதற்காக, முகத்தை உம்மென்று வைத்து கொண்டு, கோபத்தோடு அலைவதால் என்ன பயன்?

 

மனம் போல்தான் எல்லாமே. எண்ணம் போல் தான் வாழ்வு. சிரியுங்கள். 

 

எப்போதும் சிரித்த முகத்துடனே இருங்கள். 

 

கலகலப்புடன் எல்லோருடனும் பேசுங்கள். 

 

நாமும் உற்சாகத்தோடு, அடுத்தவவர்களையும் உற்சாகப்படுத்துவோம்.