ஆடை பராமரிப்பு... `ஆல் இன் ஆல்...ஒரு டஜன் யோசனைகள்!

ஆடை பராமரிப்பு... `ஆல் இன் ஆல் ஆ டி மாதம் வந்துவிட்டால் தள்ளுபடியில் அள்ளிக்குவித்து விடுகிறோம் ஆடைகளை! விலையைப் பற்றி யோசிக்காமல் வ...

ஆடை பராமரிப்பு... `ஆல் இன் ஆல்

டி மாதம் வந்துவிட்டால் தள்ளுபடியில் அள்ளிக்குவித்து விடுகிறோம் ஆடைகளை! விலையைப் பற்றி யோசிக்காமல் வாங்கும் உடைகளை, வீணாக்காமல் பத்திரமாகப் பராமரிப்பதற்கான ஆலோசனைகளை வழங்குகிறார், சென்னையைச் சேர்ந்த ஃபேஷன் ஸ்டைலிஸ்ட்  அருள்மொழி.

1.தள்ளுபடியில் விழுந்துவிட வேண்டாம்!

தள்ளுபடி என்ற பெயரில், டேமேஜ் பீஸ் ஆடைகளை சில நிறுவனங்கள் விற்கலாம். மேலும், ஆடைகளின் விலையைக்கூட்டி, பிறகு தள்ளுபடி என்ற பெயரில் அதைக் குறைத்து விற்கும் தந்திரங்களும் ஜவுளிச் சந்தையில் சகஜம். எனவே, ‘ஆஃபர்’ என்றாலே வாங்குபவர்களுக்கு ஆதாயம் என்பதில்லை... ஏமாற்று வேலை அதில் ஒளிந்திருக்கலாம் கவனம்.

2.முதல் சலவை!

கடைகளில் வாங்கும் ஆடைகளை பிறர் போட்டுப் பார்த்திருக்கலாம், தூசு படிந்திருக்கலாம் போன்ற சுகாதாரக் காரணங்களால் அவற்றை, எந்தச் சலவைப் பொருளும் இல்லாமல் வெறும் தண்ணீரில் ஒருமுறை அலசிவிட்டே உடுத்தவும். மேலும், ரா சில்க், பனாரஸ், சாஃப்ட் சில்க் என பிரத்யேக மெட்டீரியல்களில் ஆடைகள் வாங்கும்போதே அதன் பராமரிப்பு முறைகளைக் கேட்டறிந்துகொள்ளவும்.

3.உலர்த்தும்போது...

எப்போதும் ஆடைகளை உட்புறத்தை வெளிப்புறமாகத் திருப்பி உலர்த்தவும். நீண்ட நேரம் வெயிலில் காயவிடாமல் உலர்ந்தவுடன் எடுத்துவிடவும். காட்டன் மற்றும் பட்டு ஆடைகளை வெயிலில் காயவைத்தால் விரைவில் பழையதுபோல ஆகிவிடும். துணி உலர்த்தும் கொடியில் துரு இருந்தால் அது ஆடையைப் பாழாக்கிவிடும் என்பதால், கவனித்து நீக்கிவிடவும்.

4.அயர்ன் செய்யும்போது...

அயர்ன் பாக்ஸை எப்போதும் மிதமான சூட்டில் வைத்துத் தேய்ப்பது நல்லது. இதனால் துணி விரைவில் வெளுக்காது. ஜரிகை உள்ள பட்டுப் புடவைகள், வேலைப்பாடுகள் கொண்ட ஆடைகளை அடிக்கடி அதீத சூட்டில் அயர்ன் செய்தால் சூடு தாங்காமல் கறுத்துப்போகும். எனவே, அந்த உடைகள் மீது ஏதேனும் துணி போட்டு அதன் மீது அயர்ன் செய்யவும்.

5.தரமான சலவைத்தூள்!

அதிகளவு pH உள்ள சலவைத்தூள், ஆடைகளை விரைவில் வெளுக்கச்செய்யும் என்பதால் தவிர்க்கவும். வாஷிங் மெஷின் பயன்படுத்துபவர்கள் ஃப்ரன்ட் டோர், டாப் டோர் என அதன் வகையைப் பொறுத்து அதற்கேற்ற சலவைத்தூளை பயன்படுத்துவது சிறந்தது. திரவ வடிவிலான சலவைப்பொருட்கள் பயன்படுத்தும்போது, ஆடைகளில் சோப்பு தூளின் எச்சம் திட்டுத் திட்டாகத் தேங்குவது தவிர்க்கப்படும். அழுக்கை நீக்கும் என்று நினைத்து, துணியின் தேவைக்கும் அதிகமாக சோப்புத்தூளைப் பயன்படுத்தும் மூடநம்பிக்கை வேண்டாம்.

6.தனித்தனி வாஷிங்!

ஜீன்ஸ் போன்ற அதிக எடைகொண்ட ஆடைகள், காட்டன் ஆடைகள், குழந்தைகளின் ஆடைகள், வெள்ளைநிற ஆடைகள் என துணியின் தன்மைக்கு ஏற்ப தனித்தனியே வகைப்படுத்தி சலவை செய்யவும். வாஷிங் மெஷினில் அதற்கென இருக்கும் ஆப்ஷன்களைப் பயன்படுத்தலாம். இதனால் துணியின் தன்மை பாதுகாக்கப்படும். எம்ப்ராய்டரி, ஸ்டோன் வொர்க் போன்ற வேலைப்பாடுகொண்ட ஆடைகளைக் கைகளால் துவைப்பது நல்லது.

7.சாயம் ஒட்டினால் டிரை வாஷா?

ஆடைகளில் சாயம் ஒட்டும்போது, அதை டிரை வாஷுக்குக் கொடுத்து சரிசெய்ய முயற்சிக்க வேண்டாம். டிரை வாஷில்   ஆடையின் சாயம் நீங்காது. பதிலாக மொத்த ஆடையின் நிறமும் மங்கும்படி செய்யப்படும். அதில் கறையும் மங்கிப்போகும். மாற்றாக, சூப்பர் மார்க்கெட்டுகளில் விற்கும் வாஷிங் கலர் டைகளை சாயம் ஒட்டிய ஆடையின் நிறத்தில் வாங்கி தண்ணீரில் கலந்து, அந்தத் துணியை முக்கி எடுத்தால் நல்ல பலன் கிடைக்கும்.

8.பட்டு ஆடைகள் பத்திரம்!

பட்டு ஆடைகளை எப்போதும் முதல்முறை டிரை வாஷுக்குக் கொடுத்து வாங்கவும். அடுத்தடுத்த சலவைக்கு வெறும் தண்ணீரில் முக்கி, நிழலில் காயவைத்து எடுக்கவும்; டிரைவாஷுக்கும் கொடுக்கலாம். சில மணிநேரம்தான் உடுத்திய ஆடை எனில், நிழலில் காயவைத்து மடித்துவைத்து, இன்னொரு முறை உடுத்திவிட்டு பின்னர் சலவை செய்துகொள்ளலாம். பட்டாடைகளை அடிக்கடி சலவை செய்வதைத் தவிர்க்கவும்.

9.பட்டுக்கு வேண்டாம் மடிப்பு!

பட்டாடைகளை அயர்ன் செய்து மடித்துவைக்கும்போது, மாதம், வருடக்கணக்கில் அப்படியே இருக்கும் அந்த ஆடைகளின் மடிப்புகளில் துணி நைந்துபோகலாம் என்பதால் அயர்ன் செய்யாமல் கைகளால் மட்டும் மடித்துவைத்து, உடுத்தும் தருணத்தில் அயர்ன் செய்துகொள்ளலாம். மேலும், மாதம் ஒருமுறை மடிப்பை மாற்றி மடித்தும் வைக்கவும்.

10.கறைகளைப் போக்கலாம்!

ஆடைகளில் படியும் டீ கறை, எண்ணெய்க் கறை, பழச்சாறுகளின் கறை எல்லாம் வெறும் டிடர்ஜென்ட்டுக்கு நீங்காது. பதிலாக வெந்நீரில் டிடர் ஜென்டை கலக்கி துணியை  10 நிமிடம் ஊறவைத்து பின்னர் வினிகர் அல்லது எலுமிச்சைச் சாறு ஊற்றித் தேய்த்தால், கறை காணாமல் போகும்.

11.கிருமிகளிடம் இருந்து பாதுகாப்பு..!

அதிக வியர்வை வெளியேறிய உடைகளை, மறுமுறை உடுத்த நினைக்காமல் சலவை செய்துவிடவும். குழந்தைகளின் ஆடைகளை மிதமான சுடுநீரில் அலசுவது கிருமிகளிடம் இருந்து பாதுகாப்பைத் தரும். மழைக்காலங்களில் துணிகளை அலசிய பிறகு அரோமெட்டிக்  லிக்விட் டிடர்ஜென்ட்டில் ஒருமுறை அலசி காயவைக்க, பூஞ்சை வாடை நீங்கி நறுமணமாக இருக்கும். சாக்ஸ்கள் மற்றும் மாதவிடாய் காலத்தில் பயன்படுத்தும் உள்ளாடைகள் போன்றவற்றை தனியாகத் துவைக்கவும். மேலும் வாஷிங்மெஷினை இரண்டு மாதத்துக்கு ஒருமுறை சுத்தம் செய்யவும்.

12.இறுக்கம் வேண்டாம்!

இறுக்கமான ஆடைகள் அணியும்போது, தையல்கள் பலவீனப்பட்டு விடுபடும் என்பதால் தவிர்க்கவும். பொதுவாக, பாலியஸ்டர் துணிகளைத் தவிர்த்து காட்டன் துணிகளைப் பயன்படுத்துவது சரும நலனுக்குச் சிறந்தது.

Related

வீட்டுக்குறிப்புக்கள் 8812367999891250366

Post a Comment

2 comments

'பரிவை' சே.குமார் said...

நல்ல பகிர்வு.

MohamedAli said...

பரிவை சே.குமார் sir thanks!

Tamil Unicode Converter

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் 30 வகை மருந்து குழம்பு E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அசோலா ஓர் அட்சயப் பாத்திரம் அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் குறைந்த செலவில் அதிக லாபம் தரும் நாட்டு கோழி வளர்ப்பு குறைந்த செலவில் அதிக லாபம் தரும் நாட்டு கோழி வளர்ப்பு!!! கை மருந்துகள் கொரோனா நோய் எதிர்ப்பு சக்தி உணவுகள் கொரோனாவுக்கு மருந்து சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுக் கோழி வளர்ப்பு நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மருத்துவக் குறிப்பு மன நலம்! மாடித்தோட்டம் முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item