அரசுப் பணி தேர்வுகள்... அசத்தலாம்... திட்டமிட்டால்!

வேலைவாய்ப்பு ஸ்பெஷல்! க ல்லூரியில் படித்துக்கொண் டிருக்கும்போதே அரசுப் போட்டித் தேர்வுகளுக்குத் தயாராவதன் முக்கியத்துவத்தையும், அதற...

வேலைவாய்ப்பு ஸ்பெஷல்!


ல்லூரியில் படித்துக்கொண் டிருக்கும்போதே அரசுப் போட்டித் தேர்வுகளுக்குத் தயாராவதன் முக்கியத்துவத்தையும், அதற்கான அறிவுரைகளையும் வழங்குகிறார்... சென்னை ‘இந்தியன் ஐ.ஏ.எஸ் அகாடமி’யின் இயக்குநர், சுஜாதா ரமேஷ்.

‘‘ப்ளஸ் டூ முடித்ததுமே, அரசுத்துறை, பொதுத்துறை, தனியார் துறை என்று எந்தத் துறைப் பணியில் விருப்பம் என்று முடிவு செய்து, அதற்கேற்ப கல்லூரிப் படிப்பைத் தேர்வு செய்ய வேண்டும். போட்டித் தேர்வுகளுக்குத் தயாராகும் நோக்கம் உள்ள மாணவர்கள், மத்திய அரசுப் பணியா, மாநில அரசுப் பணியா என்பதை முடிவு செய்துவிட்டு, தாங்கள் தேர்ந்தெடுத்த போட்டித் தேர்வில் வெற்றி பெற்று தங்கள் பகுதியில் பணியாற்றிக்கொண்டிருக்கும் அதிகாரிகளை நேரடியாகச் சந்தித்து ஆலோசனைகள் பெறலாம். உடனடியாக, அந்தந்தப் போட்டித் தேர்வுக்கான பாடத்திட்டத்தை (Syllabus) இணையத்தின் வாயிலாகத் தெரிந்துகொண்டு, அதற்கான பாடப் புத்தகங்களை வாங்கி, படிக்க ஆரம்பிக்கலாம்.

பட்டம் பெறும் முன்னரே பயிற்சி!

கல்லூரிப் படிப்பை முடித்த பின் வேலை கிடைக்க வில்லை, கிடைத்த வேலை பிடிக்கவில்லை என்பது போன்ற காரணங்களால் அடுத்த சாய்ஸாக போட்டித் தேர்வுக்குத் தயாராகும்போது... வேலையின்மை, அது குறித்த சுற்றத்தின் விமர்சனம் போன்றவற்றைச் சுமந்தே தேர்வை எதிர்கொள்ள வேண்டியிருக்கும். அது படிப்பின் மீதான கவனத்தை தொந்தரவு செய்யும். ஆனால், கல்லூரியில் முதல் ஆண்டு அல்லது இரண்டாம் ஆண்டில் இருந்தே பயிற்சி எடுத்தால், கல்லூரி முடிப்பதற்குள் போட்டித் தேர்வுக்கான சிலபஸ் அனைத்தையும் கவர் செய்துவிடலாம்; விரைவாகவும் நம்பிக்கையுடனும் தேர்வை எதிர்கொள்ளலாம்.

கோச்சிங் சென்டர் கட்டாயமில்லை!

போட்டித் தேர்வுகளுக்கு கோச்சிங் சென்டர் சென்று படிக்க வேண்டும் என்பது கட்டாயம் இல்லை. தேவையும் விருப்பமும் இருந்தால் அங்கு சேரலாம். வீட்டில் இருந்தபடியே தயார் செய்யலாம். போட்டித் தேர்வுக்குத் தயாராகும்போது, எல்லா பரீட்சைகளையும் போட்டுக் குழப்பிக்கொண்டு... தேவைக்கும் அதிகமான பாடங்களைப் படித்து நேரத்தை விரயமாக்கினால், வாய்ப்பும் தள்ளிக்கொண்டே போகும். எனவே, எந்தத் தேர்வு எழுதவிருக்கிறீர்களோ அதற்கான பாடங்களை மட்டும் படித்தால் போதும். முக்கியமான விஷயம், முந்தைய தேர்வுகளின் கேள்வித்தாள்களில் இருந்து அதிக அளவிலான கேள்விகள் கேட்கப்படுவதால், அவற்றுக்கு முக்கியத்துவம் கொடுக்கவும்.

ஆன்லைன் பொழுதுபோக்குகள்... அவாய்ட்!பொதுவாக, மாணவர்களுக்கு கல்லூரி சென்று வரும் நேரம் போக, ஒவ்வொரு நாளும் 10-12 மணிநேரம் மீதம் இருக்கும். இதில் தூங்கு வதற்கு என 6-7 மணி நேரத்தையும், ஓய்வுக்காக இரண்டு மணி நேரத்தைக் கழித்தாலும், 3-4 மணி நேரம் இருக்கும். மேலும், விடுமுறை நாட்களில் கூடுதலான நேரம் கிடைக்கும். எனவே, கிடைக்கும் நேரத்தை போட்டித் தேர்வுகளுக்கு செலவழித்தாலே எளிதாக வெற்றி பெறலாம். ஆனால் நடப்பது என்ன..? இன்றைய இளைஞர்கள் பெரும்பாலும் சமூக வலைதளங் களிலேயே தங்கள் நேரத்தை வீணாக்குகிறார்கள். இரவு நேரத்தில் வாட்ஸ்அப், டிவிட்டர் மற்றும் ஃபேஸ்புக்கில் நுழைந்து இரண்டு மணி நேரத்துக்கும் அதிகமாகச் செலவழிக்கின்றனர். அதையெல்லாம் தவிர்த்து சரியாகத் திட்டமிட்டு ஒவ்வொரு நாளும் படித்து வந்தால், ஒரே வருடத்தில் மொத்த சிலபஸையும் கவர் செய்துவிடலாம். மேலும், அடுத்தடுத்த ஆண்டுகளில் படித்த பாடங்களை ரிவைஸ் செய்தால், அனைத்துப் பாடங்களும் மனதில் பதிந்துவிடும். குறைந்தபட்சம் இரண்டாண்டு களுக்கு ஆன்லைன் பொழுதுபோக்குகளைத் தவிர்த்தால், அரசு வேலைக்கு மிக அருகில் சென்றுவிடலாம்.

மனப்பாடம் வேண்டாம்!

மனப்பாடம் செய்தால், மறந்து போகும். எனவே, ஒவ்வொரு பாடத்தையும் புரிந்தும், ஆழ்ந்தும் படிக்க வேண்டும். நேற்று நடந்தது இன்றைக்கு வரலாறு; இன்று நடப்பது, நாளைய
வரலாறு. அதனால் வரலாற்று நிகழ்வுகளை கதையாகவும், உண்மையான சூழ்நிலைக்கு ஒன்றியும், புரிந்தும் படித்தால், படித்தது எப்போதும் மறக்காது. தினமும் தமிழ் மற்றும் ஆங்கில செய்தித்தாள்களை தவறாமல் படிப்பதும், தொலைக்காட்சியில் நாட்டு நிகழ்வுகளைத் தெரிந்துகொள்வதும் அவசியம். தற்போது போட்டித் தேர்வுகள் பெரும்பாலும் தமிழ் வழியிலேயும் கேட்கப்படுவதால், தமிழ் வழி மாணவர்களுக்கு சாதகமே. ஆனாலும், டிஜிட்டல் உலகத்தில் ஆங்கில அறிவு அத்தியாவசியம் என்பதால் அதையும் வளர்த்துக்கொள்ள வேண்டும்.

மொத்தத்தில், முயன்றால் கனியும் போட்டித் தேர்வுகள்!’’

- மாணவர்களுக்கு நம்பிக்கை கொடுக்கிறார், சுஜாதா ரமேஷ்.
கு.ஆனந்தராஜ்
தமிழக அரசுப் போட்டித் தேர்வுகளுக்கு!

தமிழக அரசுப் பணியாளர் தேர்வாணையத்தால் (Tamil nadu Public Service Commission) குரூப் 1 முதல் குரூப் 18 வரையிலான தேர்வுகள் நடத்தப்படுகின்றன. இதைத் தவிர, டிரக் இன்ஸ்பெக்டர் (Drug Inspector) போன்ற டிகிரி தகுதியுடைய துறை சார்ந்த தேர்வுகளும், வி.ஏ.ஓ தேர்வும் டி.என்.பி.எஸ்.சி-யால் நடத்தப்படுகின்றன. மேலும், தமிழ்நாடு சீருடை பணியாளர் தேர்வாணையத்தால், காவலர்களுக்கான தேர்வுகளும் நடத்தப்படுகின்றன. தமிழக அரசின் இந்த தேர்வுகளைப் பற்றி தெரிந்துகொள்ளவும், பதிவுசெய்யவும் உதவும் இணையதள முகவரிகள்...

டி.என்.பி.எஸ்.சி தேர்வுகள்: www.tnpsc.gov.in

சீருடைப் பணியாளர் தேர்வுகள்: www.tnusrb.tn.gov.in, www.tnusrbexams.net


மத்திய அரசு போட்டித் தேர்வுகளுக்கு!

மத்திய அரசின் மத்திய அரசுப் பணியாளர் தேர்வாணையத்தால் (Union Public Service Commission) ஐ.ஏ.எஸ்., ஐ.பி.எஸ் உட்பட 21 சிவில் சர்வீஸ் தேர்வுகள் நடத்தப்படுகின்றன. மேலும், இந்திய ரயில்வே நிர்வாகத்தாலும், வங்கி நிர்வாகத்தாலும் ஏராளமான போட்டித் தேர்வுகள் நடத்தப்படுகின்றன. மத்திய அரசின் இந்தத் தேர்வுகளைப் பற்றித் தெரிந்துகொள்ளவும், பதிவு செய்யவும் உதவும் இணையதள முகவரிகள்...

சிவில் சர்வீஸ் தேர்வுகள்: www.upsc.gov.in

ரயில்வே தேர்வுகள்: www.rrbbnc.gov.in

வங்கித் தேர்வுகள்: www.ibps.in, www.sbi.co.in

பணியாளர் தேர்வாணய தேர்வுகளுக்கு: www.ssc.nic.in

Related

வேலை வாய்ப்புகள் 5071066009244783674

Post a Comment

Tamil Unicode Converter

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் 30 வகை மருந்து குழம்பு E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அசோலா ஓர் அட்சயப் பாத்திரம் அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் குறைந்த செலவில் அதிக லாபம் தரும் நாட்டு கோழி வளர்ப்பு குறைந்த செலவில் அதிக லாபம் தரும் நாட்டு கோழி வளர்ப்பு!!! கை மருந்துகள் கொரோனா நோய் எதிர்ப்பு சக்தி உணவுகள் கொரோனாவுக்கு மருந்து சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுக் கோழி வளர்ப்பு நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மருத்துவக் குறிப்பு மன நலம்! மாடித்தோட்டம் முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item