தோசை வகைகள் 1 ....சமையல் குறிப்புகள்-சைவம்!

தோசை வகைகள் 1

தினமும் இட்லி , தோசை என்று போர் அடிக்கிறதா....

வீட்டில் இட்லி மாவு இருந்தால் போதும், தினமும் வகை வகையாக சத்தான தோசை மிக எளிமையான முறையில் செய்யலாம்.

 

வெள்ளை சோளம், கேழ்வரகு, கம்பு, கோதுமை  இவற்றை தலா 1 கிலோ வாங்கி, மாவு மெசினில் கொடுத்து தனித்தனியாக அரைத்து வைத்து கொள்ளவும்.

தேவைப்படும் பொழுது இட்லி மாவில் கலக்கி சுடலாம்.

அணைத்து மாவுகளிலும் தலா ¼ கப் எடுத்து, இட்லி மாவுடன் கலந்தால் சத்துமாவு தோசை ரெடி.

இங்கே நாம் சுவையான தோசைகளை ,எளிமையான செய்முறையை பார்க்கலாமா......

சோள தோசை

தேவையான பொருட்கள்

இட்லி மாவு – ½ லிட்டர்

வெள்ளை சோள மாவு – (200 மி.லி கப்பில்) 1 ½ கப்

உப்பு

சின்ன வெங்காயம் – 10

கறிவேப்பிலை – சிறிது

சீரகம் – ¼ டீ.ஸ்பூன்

செய்முறை

புளித்த இட்லி மாவுடன் , சோள மாவை உப்பு சேர்த்து கரைக்கவும்.

குறிப்பு:

இரவு தோசை செய்ய வேண்டும் என்றால், 2 மணி நேரத்திற்கு முன் கரைத்து வைத்தால் போதும்.

மாவை கரைத்த உடனேயும் செய்யலாம், ஆனால் சிறிது ஊறவைத்து செய்தால் சுவை கூடும்.

கலக்கி வைத்த மாவில் சின்ன வெங்காயம் ,கறிவேப்பிலை, சீரகத்தை மிக்சியில் அரைத்து சேர்க்கவும்.

பின் லேசாகவோ , மெத்தெனவோ தோசை சுட்டு, தக்காளி கடைசல் மற்றும் தேங்காய் சட்னியுடன் பறிமாறவும்.

விருப்பப்பட்டால் பொடியாக நறுக்கிய வெங்காயம் சேர்த்து செய்யலாம்.

இதே மாவை பணியாரமாகவும் செய்யலாம்.

==================================================================================

ராகி ( கேழ்வரகு ) தோசை

தேவையான பொருட்கள்

இட்லி மாவு – ½ லிட்டர்

ராகி மாவு – (200 மி.லி கப்பில்) 1 ½ கப்

உப்பு

செய்முறை

புளித்த இட்லி மாவுடன் , ராகி மாவை உப்பு சேர்த்து கரைக்கவும்.

குறிப்பு:

இரவு தோசை செய்ய வேண்டும் என்றால், 2 மணி நேரத்திற்கு முன் கரைத்து வைத்தால் போதும்.

மாவை கரைத்த உடனேயும் செய்யலாம், ஆனால் சிறிது ஊறவைத்து செய்தால் சுவை கூடும்.

கலக்கி வைத்த மாவில் விருப்பப்பட்டால், சின்ன வெங்காயம், கறிவேப்பிலை, சீரகத்தை மிக்சியில் அரைத்து சேர்க்கவும்.

பின் லேசாகவோ , மெத்தெனவோ தோசை சுட்டு, தக்காளி கடைசல் மற்றும் தேங்காய் சட்னியுடன் பறிமாறவும்.

விருப்பப்பட்டால் பொடியாக நறுக்கிய வெங்காயம் சேர்த்து செய்யலாம்.

இதே மாவை பணியாரமாகவும் செய்யலாம்.

===================================================================================

கோதுமை தோசை

செய்முறை

கோதுமை மாவுடன் உப்பு, தண்ணீர் சேர்த்து கரைத்து, தோசை சுடவும்.

லேசாகவோ , மெத்தெனவோ தோசை சுட்டு, தக்காளி கடைசல் மற்றும் தேங்காய் சட்னியுடன் பறிமாறவும்.

விருப்பப்பட்டால் பொடியாக நறுக்கிய வெங்காயம் , பச்சை மிளகாய், கறிவேப்பிலை, கொத்தமல்லி தழை சேர்த்து செய்யலாம்.

இதே முறையில் கம்பு மாவிலும் செய்யலாம்.