டிஜிட்டல் முறையில் மார்பக (கதிரியக்கமில்லா) பரிசோதனை அறிமுகம் இல்லுமினா 360° (Illumina 360°) என்கிற நவீனக் கருவி!

உ லகில் 28 பெண்களில் ஒருவர் மார்பகப் புற்றுநோய்க்கு உள்ளாகிறார். பாதிக்கப்பட்டவர்களில் இரண்டில் ஒருவர் மிகவும் காலம் தாழ்த்தியே பரிசோதனை...


லகில் 28 பெண்களில் ஒருவர் மார்பகப் புற்றுநோய்க்கு உள்ளாகிறார். பாதிக்கப்பட்டவர்களில் இரண்டில் ஒருவர் மிகவும் காலம் தாழ்த்தியே பரிசோதனை மேற்கொள்வதால் எந்த வகை மருத்துவத்தாலும் அவரைக் காப்பாற்ற முடிவதில்லை. இந்த அச்சமூட்டும் கணக்கு மார்பகப் புற்றுநோயை மிகவும் அபாயகரமான பிரச்னையாக முன் நிறுத்துகிறது.

பரிசோதனைகளுக்கு ஏன் தயங்குகிறார்கள்?

இதற்கு மூன்று முக்கியக் காரணங்கள் அடுக்கப்படுகின்றன. ஒன்று, இதுகுறித்த விழிப்புஉணர்வு அனைவருக்கும் இருப்பதில்லை. இரண்டாவது மார்பகப் பரிசோதனைகள் அனைத்தும் மிகவும் வலி ஏற்படுத்துபவை என்கிற எண்ணம். மூன்றாவதாக, கதிரியக்கம் இருப்பதால், பக்க விளைவுகள் ஏற்படுமோ என்கிற பயம்.

மார்பகப் புற்றுநோய்க்கான பரிசோதனை முறைகளில் அல்ட்ராசவுண்ட் ஸ்கேன் (Ultrasound Scan) தவிர மற்ற இரண்டு முறைகளும் சற்றே வலி மிகுந்தவைதான். மேமோகிராம் (Mammogram) முறை, மார்பில் கதிர்களைச் செலுத்திப் பிரச்னையை மருத்துவர்களுக்குப் படம் பிடித்துக் காட்டுகிறது. பயாப்ஸி (Biopsy) முறை, மனித உடலில் உயிருடன் இருக்கும் திசுக்களைப் பரிசோதிக்கிறது. இந்தப் பரிசோதனைகளில் ஆபத்து ஏதும் இல்லை என மருத்துவர்கள் அறிவுறுத்தினாலும், மக்களிடம் பயம் இருக்கவே செய்கிறது.

இந்த மூன்று பரிசோதனைகளும் நோயைக் கண்டறியவே பயன்படுகின்றன. ஆனால், புற்றுநோய் போன்ற உயிர்க்கொல்லிகளுக்கு அதை முன்கூட்டியே அறியும் தொழில்நுட்பத்தால் மட்டுமே சவால் விட முடியும். அந்தத் தொழில்நுட்பமும் வலி, கதிரியக்கம், பக்க விளைவுகள் போன்ற பயமுறுத்தல்கள் இல்லாமல் இருக்க வேண்டும். அப்படி ஒரு தொழில்நுட்பம் தற்போது அறிமுகப்படுத்தப்பட்டுள்ளது.

கதிரியக்கமில்லா பரிசோதனை அறிமுகம்

இல்லுமினா 360° (Illumina 360°) என்கிற நவீனக் கருவி, இந்தப் பிரச்னைக்குத் தீர்வாக வந்துள்ளது. நடப்பு முறைகளைவிட மேம்பட்ட முறையாக இருக்கும் இதைக்கொண்டு முரண்களை முன்கூட்டியே கண்டறிய முடியும். இளம் வயதிலேயே மார்பகப் பரிசோதனைகள் மேற்கொள்வதில் உள்ள தடைக்கற்களை அகற்றுகிறது. ரோபோட்டிக் தொழில்நுட்பத்துடன் அனைத்து வயதினருக்கும் ஏற்ற வகையில் டிஜிட்டல் முறையில் மார்பகப் புற்றுநோயை அதன் ஆரம்பநிலையிலேயே கண்டறிய உதவுகிறது. இதன் கூடுதல் சிறப்பம்சம், மானுடத் தொடுதல் இன்றிப் பரிசோதனையைச் செய்ய முடியும் என்பதே.

நான்-அயோனைசிங் (Non-ionising) கதிரியக்கம் இன்றி வெப்ப வரைவியல் (Thermography) முறை கொண்டு இந்தக் கருவிச் செயல்படுவதால், எவ்விதப் பக்க விளைவுகளும் ஏற்படாது. அகச்சிவப்புக் கதிர்வீச்சு (infrared radiation) கொண்டு மார்பகப் பரிசோதனை நடத்தப் படுவதால் அச்சம் கொள்ளத் தேவையில்லை என்கின்றனர் இதை வடிவமைத்தவர்கள்.

கருவியின் எளிமையான வடிவமைப்பு


ஒரு படுக்கைபோல வடிவமைக்கப்பட்டிருக்கும் இந்தக் கருவியின் மேடைமீது படுத்துக்கொள்ள வேண்டும். மார்பகங்களை எந்தப் பரிசோதகரிடமும் வெளிப்படுத்த வேண்டியதில்லை. கருவியின் உள்ளே இருக்கும், இன்ஃப்ராரெட் கொண்டு இயங்கும் கேமரா, மார்பகத்தை 360 டிகிரி கோணத்தில் சுழன்று படம்பிடிக்கிறது. இதில் மார்பகத்தின் உள்வெப்பநிலையில், இயல்பு நிலையில் இருந்து ஏதேனும் மாற்றங்கள் தெரிந்தால் மருத்துவர்களால் புரிந்துகொள்ள முடியும். அப்போது மார்பகத்தில் கோளாறு இருப்பதை அவர்கள் உணர்ந்துகொள்வார்கள். வரப்போகும் மார்பகப் பிரச்னைகளை அதன் வெப்பநிலையைக் கொண்டு முன்னரே அறிவிப்பதுதான் இதன் சிறப்பு. ஓர் எம்.ஆர்.ஐ (MRI) செய்வதைக் காட்டிலும், மேமோகிராம் செய்ய ஆகும் செலவை விடவும், குறைவான கட்டணமே இதற்கு ஆகும் என்பது கூடுதல் சிறப்பு.

Related

ஹெல்த் ஸ்பெஷல் 2415640155587256814

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item