கிச்சன் கேள்விகள்... நிபுணர் பதில்கள்! அரிக்காத கருணைக்கிழங்கு... கசக்காத பாகற்காய்!!

வீட்டிலேயே பனீர் செய்யும்போது, பாலைத் திரியவைக்க எலுமிச்சைச் சாற்றுக்குப் பதில் வேறு என்ன பயன்படுத்தலாம்? தண்ணீரில் கரைத்த படிகாரம் (ந...


வீட்டிலேயே பனீர் செய்யும்போது, பாலைத் திரியவைக்க எலுமிச்சைச் சாற்றுக்குப் பதில் வேறு என்ன பயன்படுத்தலாம்?

தண்ணீரில் கரைத்த படிகாரம் (நாட்டுமருந்துக் கடைகளில் கிடைக்கும்) பயன்படுத்தலாம். வினிகர் ஊற்றியும் பாலைத் திரியவைத்து பனீர் தயாரிக்கலாம். வீட்டிலே செய்வதால் குறைந்த செலவில் அதிகம் பனீர் தயார் பண்ணலாம்.

பித்தம், தலைச்சுற்றல், முடக்குவாதத்தை சரிசெய்யும் முடக்கத்தான் கீரையில் தோசை தவிர வேறு என்ன பண்ணலாம்?

முடக்கத்தான் கீரையில் துவையல், ரசம், சூப், வடை, அடை, குழிப்பணியாரம் செய்து அசத்தலாம்.

குருமாவுக்கு மசாலா அரைக்கும்போது கசகசா மட்டும் சரியாக அரைப்படமாட்டேங்குதே... இதற்கு என்ன செய்யலாம்?

எப்போதும் கசகசாவை அரைப்பதாக இருந்தால் சுடுநீரில் பத்து நிமிடங்கள் ஊறவைத்து அரைத்த பிறகு மற்ற பொருள்களைச் சேர்த்து அரைக்க வேண்டும்.

கழுவினாலும்கூட, சமையல் செய்யும்போது மஷ்ரூம் கறுப்பாகிவிடுகிறதே? இதற்குத் தீர்வு என்ன?

ஒரு ஸ்பூன் மைதாவை இரண்டு டம்ளர் நீரில் கரைத்து, மஷ்ரூமை அதில் அலசி உபயோகப்படுத்தினால் நிறம் மாறாது.

சட்னி அரைக்கும்போது சில நேரம் தவறுதலாக நீர் அதிகமாகி தளர்ந்துவிடுகிறதே... எப்படி சரிசெய்வது?

சுத்தமான மெல்லிய துணியில் அல்லது பிளாஸ்டிக் வடிகட்டியில் போட்டு, அதிகப்படியான தண்ணீர் வடிந்ததும் பயன்படுத்துவதைத் தவிர வேறு வழியில்லை.

காலிஃப்ளவர் சமைக்கும்போது சுடுநீரில் அதைப் பிரித்துப் போட்டு கழுவினாலும் புழு ஒட்டிக்கொண்டு விடுகிறது. அந்தப் பூவை வெட்டி வீசவே வேண்டியிருக்கிறது. காலிஃப்ளவர் வீணாகாமல் சமைப்பது எப்படி?

இளஞ்சூடான நீரில் சிறிது வினிகர் ஊற்றி காலிஃப்ளவரை அதில் போட்டு வைத்த பிறகு கழுவ வேண்டும். அல்லது வினிகருக்குப் பதில் கல் உப்பும் பயன்படுத்தலாம் இப்படிச் செய்தால் புழுக்கள் வெளியே வந்துவிடும்.

கருணைக்கிழங்கு சாப்பிட்டால் நாக்கு அரிப்பு ஏற்படாமல் இருக்கவும், பாகற்காயை கசப்பு இல்லாமல் சமைக்கவும் என்ன வழி?

அரிசி கழுவிய தண்ணீரில் கருணைக்கிழங்கை நறுக்கிப்போட்டு எடுத்து, புளி நீரில் வேகவிட்டு சமைத்தால் நாக்கு அரிப்பு ஏற்படாது.

பாகற்காயை நறுக்கி புளித்தண்ணீரில் போட்டு எடுத்து, பிறகு சிறிது தயிர் விட்டு வேகவிட்டு துளி வெல்லம் சேர்த்து சமைத்தால் கசக்காது.

வாயுத்தொக்கை தராத பஜ்ஜி செய்வது எப்படி?

பஜ்ஜி மாவில் சோடா உப்பு சேர்க்காமல், இஞ்சி - பூண்டு விழுது, மிளகுத்தூள் சேர்த்துக் கலந்து தயார் செய்யலாம். வாழைக்காய், உருளைக்கிழங்குக்குப் பதில் பிரெட், கத்திரிக்காய், காலிஃப்ளவர், வெங்காயம், பெரிய பஜ்ஜி மிளகாய் பயன்படுத்தலாம்.

துவரம்பருப்பை குழைவாக வேக சுலபமான வழி இருக்கிறதா?

துவரம்பருப்புடன் அதிக நீர் விட்டு வேகவைத்தால் வேக நீண்ட நேரம் ஆகும்; குறைவாக நீர் விட்டாலும் சரியாக வேகாது. துவரம்பருப்பை வேகவைக்கும்போது அதனுடன் நெய் அல்லது நல்லெண்ணெய் சிறிதளவுவிட்டு வேகவைத்தாலும்... தேங்காய்த் துண்டை நறுக்கிப் போட்டு வேகவைத்தாலும் வெண்ணெய் மாதிரி குழைந்து வரும்.
Thanks to  http://www.vikatan.com/avalkitchen

Related

சமையல் சந்தேகங்கள்-கேள்வி-பதில் 7410607188407292215

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item