கேள்வி பதில் ! ஆயுள் காப்பீட்டு ஏஜென்ட்டாவதற்கு அடிப்படைத் தகுதிகள் என்னென்ன?

ஆயுள் காப்பீட்டு ஏஜென்ட்டாவதற்கு அடிப்படைத் தகுதிகள் என்னென்ன? சுரேஷ், திருச்சி ப.லோகநாதன், இன்ஷூரன்ஸ் ஏஜென்ட் “ஆயுள் காப்பீட்டு ...

ஆயுள் காப்பீட்டு ஏஜென்ட்டாவதற்கு அடிப்படைத் தகுதிகள் என்னென்ன?

சுரேஷ், திருச்சி

ப.லோகநாதன், இன்ஷூரன்ஸ் ஏஜென்ட்

“ஆயுள் காப்பீட்டு ஏஜென்ட்டாவதற்கு, கிராமப் பகுதிகளில் வசிப்பவர்கள் 18 வயதுக்கு மேற்பட்டவராகவும், எஸ்.எஸ்.எல்.சி மற்றும் ஐ.ஆர்.டி.ஏ தேர்வுகளில் வெற்றி பெற்றவராகவும் இருக்க வேண்டும்.இதுவே நகர்ப்புறங்களில் வசிப்பவர்கள் எனில், பன்னிரண்டாம் வகுப்பில் தேர்ச்சி பெற்றிருக்க வேண்டும் என்பது அடிப்படைத் தகுதிகள் ஆகும். ஆனால், ஒருவர் ஏஜென்ட்டாக வெற்றி பெறுவதற்கு நல்ல மொழி ஆளுமை, சகிப்புத்தன்மை, பாலிசிதாரர்களைப் புரிந்துகொள்வதற்கான திறன் மற்றும் நிலைத்தன்மையுடன் இருக்க வேண்டும்.”
--------------------------------------------------------------------------------------------------------------------------
சென்னை மாநகராட்சியில், அப்ரூவல் இல்லாமல் தரை தளம் மற்றும் முதல் தளம் (வணிகரீதியில் செயல்படும் கடை) கட்டிக் கொள்ளலாமா?

இஸ்மாயில், பள்ளிக்கரணை


பார்த்தசாரதி, சொத்து ஆலோசகர்

“சென்னை மாநகராட்சி அல்லது சி.எம்.டி.ஏ-வின் முன்அனுமதி இல்லாமல் கட்டடம் கட்டக் கூடாது. சென்னை மாநகராட்சியில் மண்டலம் வாரியாக உள்ள உதவி ஆணையரிடம் குடியிருப்பு மற்றும் வணிகக் கட்டடங்களுக்கு விண்ணப்பிக்க வேண்டும். 9 மீட்டர் வரை உயரமுடைய கட்டடங்கள் எனில் தரை தளம் + முதல் மாடி கட்டலாம்.அல்லது கார் பார்க்கிங் வசதியுடன் தரை தளம் மற்றும் அதற்கு மேல் 2 மாடிகள் கட்டலாம். வணிக பகுதி எனில், 300 சதுர மீட்டர் பரப்பளவுக்குள் இருக்க வேண்டும். குடியிருப்புப் பகுதி எனில், ஆறு சமையலறைகளுக்கு அதிகமாக இருக்கக் கூடாது. இந்த வரம்புக்கு உள்பட்ட கட்டட அனுமதியை உதவி ஆணையர் நிலையில் வழங்குவார்கள். இதற்குமேல் எனில் சி.எம்.டி.ஏ-விடம் விண்ணப்பிக்க வேண்டும்.”
---------------------------------------------------------------------------------------------------------------------------
2014-ம் ஆண்டு நவம்பர் மாதம் ஐசிஐசிஐ வெல்த் பில்டர் 2 பாலிசியில் 1,01,000 ரூபாய் முதலீடு செய்தேன். இது ஐந்து ஆண்டுகளுக்கான பாலிசி. ஆனால், ஒரு வருடம் மட்டுமே நான் பணத்தை செலுத்தினேன். இப்போது இந்தப் பணத்தை ஐந்து ஆண்டுகள் கழித்து என்னால் எடுக்க முடியுமா?

ஸ்ரீநிவாஸ், திருவானைக்கோயில்

ஆர்.குருராஜன், உதவிப் பொது மேலாளர், இன்டகிரேட்டட் இன்ஷூரன்ஸ்

“பாலிசிதாரர் பிரீமியம் கட்டணத்தைச் செலுத்தவில்லை என்றால், பாலிசியின் நிபந்தனைபடி, அந்தப் பணம் பாலிசி ‘டிஸ்கன்டினுவன்ஸ் ஃபண்டுக்கு (Discontinuance Fund) மாற்றப்படும். இது குறைந்தபட்ச உத்தரவாதமான வருவாயைப் பெற்றுத் தரும். பாலிசிக் காலம் 5 ஆண்டுகள் முடிவடைந்த பிறகு பாலிசியைச் சரண்டர் செய்து, பாலிசி ‘டிஸ்கன்டினுவன்ஸ் ஃபண்டில்’ உள்ள மீதமுள்ள பணத்தை பாலிசிதாரர் எடுத்துக்கொள்ளலாம்.”
---------------------------------------------------------------------------------------------------------------------------
என் வயது 41. மாதம் 15,000 சம்பளம் வாங்குகிறேன். நான் டேர்ம் இன்ஷூரன்ஸ் எடுக்க முடியுமா?

சோமசுந்தரம், கடலூர்


எஸ். ஸ்ரீதரன், இன்ஷூரன்ஸ் ஆலோசகர்

“டேர்ம் இன்ஷூரன்ஸைப் பொறுத்தவரை, வருமானமுள்ள அனைவரும் எடுக்கலாம். நீங்கள் மாதம் ரூ.15,000 சம்பளம் வாங்குவதால், குறைந்தபட்சமாக 18 லட்சம் ரூபாய் முதல் அதிகபட்சமாக 36 லட்சம் ரூபாய் வரை டேர்ம் இன்ஷூரன்ஸ் எடுத்துக்கொள்ளலாம். தனியார் இன்ஷூரன்ஸ் நிறுவனங்களான ஹெச்.டி.எஃப்.சி, ஐ.சி.ஐ.சி.ஐ மற்றும் கோட்டக் போன்றவற்றின் க்ளெய்ம் செட்டில்மென்ட் விகிதம் நன்றாக இருப்பதால், இந்த நிறுவனங்களின் பாலிசி ஒன்றை எடுத்துக்கொள்வது நல்லது.”
----------------------------------------------------------------------------------------------------------------------------
என் அம்மா சமீபத்தில் இறந்துவிட்டார். அவருடைய நாமினியாக இருப்பதால், அவரின் அஞ்சல் அலுவலக வைப்புக் கணக்கில் இருந்த 3 லட்சம் ரூபாயை என் கணக்கில் மாற்றினேன். இதற்கு நான் வரிக் கணக்கு தாக்கல் செய்ய வேண்டுமா?

கண்ணன், ஈரோடு

கே.ஆர்.சத்தியநாராயணன், ஆடிட்டர்

“ஒரு நாமினியாக, அஞ்சல் அலுவலகத்தில் இருந்து பெறுவது மூலதன ரசீது ஆகும். இதற்கு வரி செலுத்தத் தேவையில்லை. அதேநேரம், இந்தத் தொகையை டெபாசிட் செய்தால் எதிர்காலத்தில் கிடைக்கும் வட்டி வருமானத்துக்கு வரி கட்ட வேண்டும். நாமினியின் வருமானம், அடிப்படை வருமான வரி வரம்பைத் தாண்டினால் மட்டுமே அவர் வருமான வரிக் கணக்கு தாக்கல் செய்ய வேண்டும்”

Related

வேலை வாய்ப்புகள் 8172898081067325640

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item