எதையும் புகார் செய்ய புதிய ஆப்! - எடை குறைவு... விலை அதிகம்...!

ரே ஷன் கடையில் எதை வாங்கினாலும் சரியான எடையில் இருப்பதில்லை. பேருந்து பயணங்களின்போது நெடுஞ்சாலை உணவகங்களில் வாங்கும் எதுவும் நியாயமான வில...

ரேஷன் கடையில் எதை வாங்கினாலும் சரியான எடையில் இருப்பதில்லை. பேருந்து பயணங்களின்போது நெடுஞ்சாலை உணவகங்களில் வாங்கும் எதுவும் நியாயமான விலையில் கிடைப்பதில்லை. இதுதான் எடை, இவ்வளவுதான் விலை என அனைத்துப் பொருள்களுக்கும் சட்டப்படி நிர்ணயம் செய்திருந்தாலும், தரம், விலை, அளவு என ஏதாவதொரு விதத்தில் மக்கள் ஏமாற்றப்படுகின்றனர். இவர்களுக்குக் கைகொடுக்கும் வகையில் வந்திருக்கிறது, தமிழக அரசின் TN-LMCTS மொபைல் ஆப். இந்தியாவிலேயே இது முதல்முறை எனலாம்.

எப்படிப் பயன்படுத்துவது?

தமிழக அரசின் தொழிலாளர் துறையின் கீழ் இயங்கும் ‘சட்டமுறை எடை, அளவு பிரிவு’தான் இந்த மொபைல் ஆப்-ஐ நிர்வகிக்கிறது. இதை மொபைல் போனில் இன்ஸ்டால் செய்துகொள்ள வேண்டும். ஆப் முழுவதுமே ஆங்கிலத்தில்தான் இருக்கிறது. அதேசமயம் பயன்படுத்துவதற்கு மிக எளிமையாகவும், பயனுள்ளதாகவும் அமைந்திருக்கிறது. பெட்ரோல் பங்க்கில் ஒரு லிட்டர் என்று சொல்லிவிட்டுக் குறைவாக பெட்ரோல் போடுகிறார்கள், ஷாப்பிங் மாலில் அதிக விலைக்குப் பொருளை விற்கிறார்கள், நெடுஞ்சாலை ஹோட்டலில் சாப்பாடு தரமாக இல்லை என எதைப் பற்றியும் இதில் புகார் செய்ய முடியும்.

இந்த ஆப்-ஐ டவுன்லோடு செய்வதற்கான லிங்க்: https://play.google.com/store/apps/details?id=com.mslabs.lmctspublic&hl=en. இந்த ஆப் மட்டுமின்றி, இணையம் மூலமாகவும் உங்களுடைய புகார்களைப் பதிவு செய்யமுடியும். http://tnlegalmetrology.in/ என்ற முகவரியில், உங்கள் ஆப்-ல் கொடுத்த மொபைல் எண் மற்றும் பாஸ்வேர்டு ஆகியவற்றைக் கொடுத்து லாக்-இன் செய்யலாம்.

48 மணி நேரத்தில் நடவடிக்கை!

இந்த ஆப்-ஐ உருவாக்கி, செயல்படுத்திவரும் தமிழக தொழிலாளர் துறையின் செயலாளர் அமுதா ஐ.ஏ.எஸ், ‘‘பொதுமக்கள் இதில் புகார் தெரிவித்தால், 48 மணி நேரத்துக்குள் நடவடிக்கை எடுக்கப்படும்” என்கிறார்.

‘‘எடை, அளவு சட்டம் மற்றும் பொட்டலப் பொருள்களுக்கான விதிகள் என இரண்டு சட்டங்கள் இருக்கின்றன. அவற்றின் கீழ் வரும் புகார்கள் இதில் பதிவு செய்யப்படும். கடைகளில் நீங்கள் வாங்கும் பொருள்களின் எடை, அளவு போன்றவற்றில் தவறு இருந்தாலோ அல்லது MRP விலையை விடவும் அதிகமாக விற்றாலோ இதில் புகார் செய்யலாம். பொட்டலப் பொருள்களுக்கான விதிகளைப் பொறுத்தவரை, ஒரு பொருள் பாக்கெட்டில் அடைக்கப்பட்டு விற்பனை செய்யப்பட்டால், யார் அதை பாக்கெட்டில் அடைத்தார், யார் அதைத் தயாரித்தார், யார் அதை இறக்குமதி செய்தார், எப்போது பேக் செய்யப்பட்டது, அதன் எடை எவ்வளவு, அதன் அதிகபட்ச சில்லறை விலை, நுகர்வோர் புகார் செய்வதற்கான எண்கள் என விவரங்கள் அனைத்தும் அந்த பாக்கெட்டின் மீது இருக்க வேண்டும். இதில் ஏதேனும் ஒரு விஷயம் இல்லை என்றாலோ, அல்லது அதில் குறிப்பிட்டுள்ள விஷயங்களுக்கு மாறாக விற்பனை செய்யப்பட்டாலோ, MRP விலையை விடவும் கூடுதலாக விலை வைத்து விற்கப்பட்டாலோ அது சட்டப்படிக் குற்றம். அதுமாதிரியான சமயங்களில் நுகர்வோர் புகார் செய்யலாம்.

மக்கள் பாதிக்கப்படும்போது ஆடியோ, வீடியோ, எழுத்து, ரசீதுகள் என ஏதாவதொரு ஆதாரத்தை இணைத்து, இந்த ஆப் மூலம் புகார் செய்யலாம். ஆதாரங்கள் எதுவும் இல்லை என்றால் கூட பிரச்னை இல்லை. நுகர்வோர் தங்கள் குறைகளைத் தெளிவாகப் பதிவு செய்தால் கூட போதும்; நிச்சயம் நடவடிக்கை எடுக்கப்படும். இந்த ஆப் மூலம் பதிவு செய்யப்படும் அனைத்து புகார்களும் அந்தந்த ஏரியாவின் எடை, அளவு சட்ட அதிகாரிகளுக்குச் சென்று சேர்ந்துவிடும். தமிழகத்தில் எடை, அளவு சட்ட அதிகாரிகள் மொத்தம் 433 பேர் இருக்கிறார்கள். அவர்கள் அடுத்த 48 மணி நேரத்துக்குள் நடவடிக்கை எடுப்பார்கள். புகார் கொடுத்தவரின் விவரங்கள் எதுவுமே அதிகாரிகளுக்குத் தெரியாது. அதே சமயம் புகார் அளித்தவர்களுக்கு, புகார் பதிவான எண், எப்போது நடவடிக்கை எடுப்பார்கள், அதன் மீது எடுக்கப்பட்ட நடவடிக்கைகள் தொடர்பான விவரங்கள் அனைத்தும் எஸ்.எம்.எஸ் மூலம் அனுப்பப்படும்.

வருகின்ற ஒவ்வொரு புகாரையும் தீவிரமாகக் கவனித்து வருகிறோம். உதாரணமாக, ஒரு மார்க்கெட்டில் இருக்கும் ஒரு கடையில், விலை அதிகமாக வைக்கப்பட்டு பொருள்கள் விற்கப்படுகிறது எனப் புகார் வந்தால், அந்த ஒரு கடை மட்டுமின்றி அந்த மார்க்கெட்டில் இருக்கும் மற்ற கடைகளையும் சோதனை செய்கிறோம். சில நாள்களுக்கு முன்பு தேசிய நெடுஞ்சாலைகளில் இருக்கும் மோட்டல்கள் குறித்துப் புகார்கள் வந்தன. உடனே தமிழகம் முழுவதும் இருக்கும் அனைத்து மோட்டல்களும் சோதனை செய்யப்பட்டு, தவறு செய்தவர்களுக்கு நோட்டீஸ் அனுப்பப்பட்டது. ஒரு கடையில் முதலில் தவறு கண்டுபிடிக்கப்பட்டால் உடனே சட்டப்படி அபராதம் விதிக்கப்படும். அடுத்த மூன்று ஆண்டுகளுக்குள் மீண்டும் அதே கடையில் தவறு நடப்பது கண்டறியப்பட்டால், குற்றம் செய்தவர் நீதிமன்றத்தில் ஆஜர்படுத்தப்பட்டுச் சிறைக்கு அனுப்பப்படுவார்.

ஆன்லைனில் பொருள் வாங்கினாலும் கூட புகார் செய்யலாம். சாலையோரக் கடைகள், சூப்பர் மார்க்கெட்கள், மால்கள், ரேஷன் கடைகள், மோட்டல்கள் போன்ற அனைத்துக்கும் இந்த ஆப் மூலம் புகார்களைப் பதிவு செய்யலாம்” என்றார் அமுதா.

ஆரம்ப வேகம் கடைசிவரை இருப்பதை உறுதி செய்தால், நிச்சயம் இது நல்ல மாற்றத்தை ஏற்படுத்தும்.

Related

கணிணிக்குறிப்புக்கள் 5270411961236305542

Post a Comment

Tamil Unicode Converter

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Advertisement

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் 30 வகை மருந்து குழம்பு E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அசோலா ஓர் அட்சயப் பாத்திரம் அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் உலகத்தமிழ் மங்கையர்மலர் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் குறைந்த செலவில் அதிக லாபம் தரும் நாட்டு கோழி வளர்ப்பு குறைந்த செலவில் அதிக லாபம் தரும் நாட்டு கோழி வளர்ப்பு!!! கை மருந்துகள் கொரோனா நோய் எதிர்ப்பு சக்தி உணவுகள் கொரோனாவுக்கு மருந்து சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிந்தனை துளிகள் சிந்தனை துளிகள். சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுக் கோழி வளர்ப்பு நாட்டுப்புறப் பாடல்கள் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பதிவுத்துறை சட்டங்கள் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மரம் வளர்ப்போம் மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மருத்துவக் குறிப்பு மன நலம்! மாடித்தோட்டம் முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item