நாட்டுக் கோழி வளர்ப்பில் நஷ்டத்தைத் தவிர்க்க 4 வழிகள்..!

விவசாயத்துணைத் தொழில்களில் இன்றைக்குக் கால்நடை வளர்ப்பு, நல்ல லாபம் தரும் தொழிலாக மாறிவருகிறது. அதிலும் குறிப்பாக நாட்டுக்கோழி வளர்ப்பு ப...

விவசாயத்துணைத் தொழில்களில் இன்றைக்குக் கால்நடை வளர்ப்பு, நல்ல லாபம் தரும் தொழிலாக மாறிவருகிறது. அதிலும் குறிப்பாக நாட்டுக்கோழி வளர்ப்பு பிரபலமடைந்து வருகிறது. விவசாயிகள் மட்டுமில்லாமல், அனைத்து தரப்பினரும் நாட்டுக்கோழி வளர்ப்பில் ஆர்வம் காட்டுகின்றனர். முறையாகக் கவனித்தால், குறைந்த செலவில், நல்ல லாபம் ஈட்டக்கூடிய தொழிலாக நாட்டுக்கோழி வளர்ப்பு இருக்கிறது. அதே நேரம், ஆர்வமாக நாட்டுக்கோழி வளர்ப்பில் ஈடுபட்ட பலர், ‘இது சரிப்படாது’ எனப் பண்ணையை இழுத்து மூடிவிட்டு ஓடிவிடுகிறார்கள். ஒருபக்கம் லாபம் எடுக்கும் நபர்கள், மறுபக்கம் நஷ்டத்தைச் சந்திக்கும் நபர்கள்.. எதனால் நிகழ்கிறது இந்த முரண்பாடு? நாட்டுக்கோழி வளர்ப்பில் நஷ்டத்தைத் தவிர்க்கும் வழிகள் என்ன என்பது தொடர்பாக, திண்டுக்கல், தமிழ்நாடு கால்நடை மருத்துவ அறிவியல் பல்கலைக்கழக ஆராய்ச்சி மையத்தின் தலைவர் மற்றும் பேராசியர் டாக்டர். சிவசீவலன் சில ஆலோசனைகளைச் சொல்கிறார்.

“நாட்டுக்கோழி வளர்ப்புல ஈடுபடுறவங்க, முதல்ல ஒன்றை தெளிவா புரிஞ்சுக்கணும். ‘கோழி வளர்க்கறது என்ன பெரிய சூத்திரமா? கிராமத்துல தன்னால அலையுற நாட்டுக்கோழிங்கள நாங்க சின்ன வயசுலயே பார்த்துட்டோம்‘னு நினைச்சுகிட்டு இதுல இறங்கக்கூடாது. முறையா பயிற்சி எடுத்துகிட்டு, அதுக்குப் பிறகுதான் நாட்டுக்கோழி வளர்ப்புல இறங்கணும். இதுக்கான பயிற்சி, ஒவ்வொரு மாவட்டத்திலும் இருக்க, தமிழ்நாடு கால்நடை மருத்துவ அறிவியல் பல்கலைக்கழக ஆராய்ச்சி மையங்கள்ல இலவமாக கிடைக்கிது. அதுல கலந்துகிட்டு, பிறகு கோழிவளர்ப்புல இறங்கணும். நாட்டுக்கோழிகளைப் பொறுத்தவரை அதைக் கூண்டுல அடைச்சு வெச்சு வளர்த்தா பெருசா லாபம் கிடைக்காது. அதுகளை மேய்ச்சல் முறையில வளர்க்கும்போதுதான், லாபமும் கிடைக்கும், கோழியும் நாட்டுக்கோழிக்கான ஒரிஜினல் குணங்களோட இருக்கும். நாட்டுக்கோழி வளர்ப்பு அருமையான வருமானம் தரக்கூடியத் தொழில்தான் அதுல எந்தச் சந்தேகமும் இல்லை. ஆனா, அதை நாம முறையா செய்யணும்.
நாட்டுக்கோழி வளர்ப்புல நஷ்டத்தைத் தவிர்க்கணும்னா நாலு விஷயத்துல கவனமா இருந்தாப்போதும். வளர்ப்புக்காக நாட்டுக்கோழிகளை வாங்கும்போது, தரமான ஒரிஜினல் நாட்டுக்கோழிகளைப் பார்த்து வாங்கணும். ரொம்பப் பேர் இந்த இடத்துல தடுமாறிடுறாங்க. முதல் கோணல் முற்றும் கோணல்னு சொல்ற மாதிரி, இதுல தப்பு நடந்தா, தொடர்ந்து எல்லாமே தவறாகிடும். அதுனால, தரம், ரகம் பார்த்து வாங்குறதுல கவனமா இருக்கணும். இது முதல் விஷயம்.
ரெண்டாவது, நாட்டுக்கோழிகளுக்கு பெருசா நோய்கள் தாக்காதுன்னாலும், முறையா அந்தந்த நேரத்துல கொடுக்குற தடுப்பு மருந்துகளைக் கொடுக்கணும். எந்த எந்த நாள்ல, என்னென்ன தடுப்பூசி போடணும்ங்கிற பட்டியல் எங்க மையங்கள்ல இருக்கு. அதை முறையா கடைபிடிச்சா, நோய் தாக்குதல்ல இருந்து கோழிங்களைக் காப்பாத்திடலாம். பெரும்பாலான பண்ணைகள், நோய் தடுப்பு முறைகளை முறையா செய்யாததாலதான், கோழிகள் இறப்பு அதிகமாகி நஷ்டத்தைச் சந்திக்குது. கோழிகளைப் பொறுத்தவரைக்கும், வருமுன் காப்போம்தான் சிறந்த வழி. அதனால, நோய் வருதோ இல்லையோ, அந்தந்த சீசன்ல, அதுக்கு போட வேண்டிய தடுப்பூசிகளை முறையா போடணும்.

மூணாவது, தீவன மேலாண்மை. பொருளாதாரரீதியா பலர் நஷ்டத்தைச் சந்திக்கிறது இதுலதான். நாட்டுக்கோழிகளைப் பிராய்லர் மாதிரி வளர்க்கக்கூடாது. அதுகளை மேய்ச்சல் முறையில விட்டுட்டா, அதுங்களுக்குத் தேவையான பாதி தீவனத்தை அதுங்களே தேடிக்கும். மீதியை நாமக் கொடுத்தாப் போதும். அதுலயும் மனுசங்களால பயன்படுத்த முடியாத கழிவுகளைத்தான் கோழிகளுக்கு கொடுக்கணும். அழுகிய காய்கறிகள், முட்டைகோஸ், காலிஃபிளவர் இலைகள்னு கொடுத்தாப் போதும்.


பிராய்லர் திரி, நாட்டுக்கோழிகளுக்கும் தீவனம் கொடுத்து வளர்த்தா நிச்சயம் நஷ்டம்தான் வரும். நீங்க எவ்வளவு விலை அதிகமான, சத்தான தீவனம் கொடுத்தாலும், 120 நாள்கள்ல ஒண்ணே கால் கிலோவுல இருந்து ஒன்றரை  கிலோ எடை வரும். இதுதான் அதோட இயல்பு, உங்க சத்தான தீவனம், அதிகபட்சம் 100 கிராம் எடையைக் கூட்டும் அவ்வளவுதான். எனவே, நாட்டுக்கோழிகளுக்கு விலை அதிகமான தீவனம் கொடுக்கக்கூடாது, கடைகள்ல தீவனம் வாங்கிக்கொடுக்கக் கூடாது. கடைகள்ல தீவனம் வாங்கும்போது, கிலோ 25 ரூபாய் வரைக்கும் ஆகிடும்.
அதுனால, தீவனத்தை நாமளே தயாரிச்சுத்தான் கொடுக்கணும். 50% மக்காச்சோளம், 40% தவிடு, 8% பிண்ணாக்கு அல்லது கருவாடு அல்லது சோயா இவற்றில் ஏதாவது ஒன்று, 2% தாது உப்புக்கலவை, 1% உப்பு இவற்றை ஒன்றாகப் போட்டு அரைத்தால் தீவனம் தயார். ஆனா, அதுலயும் சில முறைகளைக் கடைபிடிக்கணும். விலை மலிவான, தரம் குறைஞ்ச தானியங்களைத்தான் வாங்கி பயன்படுத்தணும். உதாரணமா மக்காச்சோளம் வாங்குனா, தரமானதா வாங்கக்கூடாது. உடைஞ்சுப்போன, தரம் குறைஞ்ச மக்காச்சோளத்தை வாங்கணும். நாம தயாரிக்கிற தீவனம் கிலோ பத்து ரூபாயைத் தாண்டக்கூடாது அப்பத்தான் லாபகரமானதா இருக்கும்.

நாலாவது, தீவனம் கொடுக்குற முறை. தீவனம் வெச்சா, காலி பண்ணிகிட்டே இருக்கும். தட்டு காலியா இருக்கேன்னு நாமளும் கொட்டிகிட்டே இருக்கக்கூடாது. ஒரு வார வயதுடைய ஒரு கோழிக்கு 10 கிராம் தீவனம் கொடுத்தாப் போதும். இதை ஒவ்வொரு வாரமும் பத்து பத்து கிராம் கூட்டிகிட்டேப் போகணும். உதாரணமா, முதல் வாரம் 10 கிராம் கொடுத்தா, நாலாவது வாரம் 40 கிராம் கொடுக்கணும். இந்தத் தீவனத்தையும், ஒரு நாளைக்கு மூணு வேளையா பிரிச்சுக்கொடுக்கணும். இந்தத் தீவனம் போதாதுதான். மீதியை ஏற்கெனவே சொன்ன மாதிரி மார்க்கெட் வேஸ்ட் மூலமா சரிகட்டலாம். மேய்ச்சல் முறையில விடும்போது, அதுவே மீதி உணவைத் தேடிக்கும். நாட்டுக்கோழி வளர்ப்புல ஈடுபடுறவங்க, அசோலா வளர்ப்பைக் கட்டாயம் செய்யணும். இது மூலமாகவும் தீவனச்செலவை குறைக்கலாம். ஆக, இந்த நாலு விஷயத்துலயும் கவனமா இருந்துட்டாப் போதும். நாட்டுக்கோழி வளர்ப்பு லாபகரமானதா இருக்கும்ங்கிறதுல எந்தச் சந்தேகமும் இல்லை’’ என்றார்.

எந்த சீசனில் என்ன மருந்து!
குஞ்சுகளிலிருந்து வளர்க்கும்போது, குஞ்சு பொறித்ததிலிருந்து, 7 முதல் 9 நாள்களுக்குள் ஆர்டிவிஎப் 1 என்ற சொட்டுமருந்தைக் கொடுக்க வேண்டும். இதைக் கண்களில் அல்லது மூக்கில் ஒரு குஞ்சுக்கு ஒரு சொட்டு வீதம் ஊற்றவேண்டும். 27 முதல் 29 நாள்களுக்குள் லசோட்டா என்ற சொட்டு மருந்தை இதே முறையில் ஊற்ற வேண்டும். 58 முதல் 60 நாள்களில் ஆர்டிவிகே என்ற ஊசியை இறக்கைகளில் போடவேண்டும். இந்த அனைத்து மருந்துகளையும் சனிக்கிழகைத்தோறும் அரசு கால்நடை மருத்துவமனைகளில் இலவசமாக போட்டுக்கொள்ளலாம்.

Related

வேலை வாய்ப்புகள் 8925451894442288787

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item