‘பேலியோ டயட்’ தொடங்கப் போறீங்களா? முதல்ல இந்தப் பரிசோதனைகளைச் செஞ்சுடுங்க!

``இ ளமை மாறாமல், ஃபிட்னெஸுடன் இருக்க வேண்டும் என்பதே பெரும்பாலானோரின் விருப்பம். அதற்காக ‘பேலியோ டயட்’ உணவுப் பழக்கத்துக்குப் பலரும் ம...


``இளமை மாறாமல், ஃபிட்னெஸுடன் இருக்க வேண்டும் என்பதே பெரும்பாலானோரின் விருப்பம். அதற்காக ‘பேலியோ டயட்’ உணவுப் பழக்கத்துக்குப் பலரும் மாறி வருகிறார்கள். ஆறு மாதத்துக்குள் ஒல்லியான உடலுக்கு மாற நினைத்து திடுதிப்பென பேலியோ டயட்டைத் தொடங்கும் முன், சில மருத்துவப் பரிசோதனைகளைச் செய்ய வேண்டியது அவசியம்’’ என்னும் நரம்பியல் நிபுணர் மரியானோ ஆன்டோ ப்ருனோ மஸ்கரணாஸ்...
``பேலியோ டயட்டுக்கு மாறுவதற்கு முன்பாக, கொழுப்புப் பரிசோதனை, கல்லீரல் பரிசோதனை, சிறுநீரகப் பரிசோதனை, தைராய்டு பரிசோனை, இரும்புச்சத்துக் குறைபாடு இருக்கிறதா என்பதை அறியும் பரிசோதனை, ரத்தத்தில் இருக்கும் சர்க்கரையின் அளவு குறித்த பரிசோதனை என ஆறு வகையான பரிசோதனைகளைச் செய்வது நல்லது.

பேலியோ டயட்டை மேற்கொள்ளும்போது நாம் சில பிரச்னைகளைச் சந்திக்க வேண்டியிருக்கும். இத்தனை நாள்களாக நாம் ஏற்றிருந்த உணவுப் பழக்கத்திலிருந்து மாறுபட்ட ஓர் உணவுமுறையைத்் தேர்ந்தெடுப்பதால், சில பக்க விளைவுகளும் ஏற்படலாம்.

ஆரம்பத்தில் தலைவலி, களைப்பு போன்றவை இருக்கும். நீர்ச்சத்துள்ள உணவு வகைகளை அதிகமாக எடுத்துக்கொள்ள வேண்டும். தண்ணீரையும் வழக்கத்தைவிட அதிகமாகப் பருக வேண்டும். சில நாள்களுக்கு உடற்பயிற்சிகளைச் செய்யாமலிருப்பது நல்லது. ஒரு வாரத்துக்குள் இந்தப் பின்விளைவுகள் எல்லாம் மறைந்து இயல்பான நிலைக்கு நம்முடைய உடம்பு மாறிவிடும்.
பேலியோ டயட்டில் இருப்பவர்கள் செய்யும் தவறுகள்...

மிக முக்கியமான தவறு, உடல் எடையைக் குறைக்கிறேன் என்று வயிற்றைப் பட்டினி போடக் கூடாது. வயிறு நிறையச் சாப்பிட வேண்டும்.

குறைந்த கலோரி உள்ள உணவுகளை மட்டும் சாப்பிடுவது நல்லது.

கொழுப்புச் சத்து நிறைந்த உணவு வகைகளைச் சாப்பிட தயங்கக் கூடாது. முட்டையின் மஞ்சள் கரு, இறைச்சி ஆகியவையே இந்த டயட்டில் முக்கியமான உணவு வகைகள்.

மாதம் ஒருநாள் மட்டும் அரிசி உணவு வகைகள், பழங்கள் முதலியவற்றைச் சாப்பிடலாம். ஜங்க் ஃபுட்ஸ் மற்றும் இனிப்பு வகைகளைத் தவிர்க்க வேண்டும்.

உடற்பயிற்சிகள் தேவை இல்லை

சைக்கிளிங், ஓடுதல், ஜாகிங், வெளியில் விளையாடும் விளை யாட்டுகள், பளுதூக்குதல் போன்ற கடும் பயிற்சிகளைச் செய்ய வேண்டிய அவசிய மில்லை. நாம் ஏதாவது உடற் பயிற்சி செய்ய வேண்டுமே என்று நினைப்போம். ஆனால், சோம்பேறித்தனமும் நேரமின்மையும் நம்மை ரொம்பவே குற்ற உணர்வோடு இருக்கச் செய்யும். ஆனால், பேலியோ டயட்டில் இருப்பவர் கள் இதைப்பற்றிக் கவலைப்பட வேண்டியதில்லை. தினசரி நடைப்பயிற்சி மட்டும் செய் தால் போதும்’’ என்கிறார்.

பேலியோ மாதிரி டயட் சார்ட்:


மூன்று வேளையும் வீட்டில் சமைத்த உணவை மட்டுமே சாப்பிட வேண்டும். சர்க்கரை, தேன், பேக்கரி பொருள்கள் ஆகியவற்றைத் தவிர்க்க வேண்டும்.

அசைவ டயட் சார்ட்:

மூன்று முட்டை ஆம்லெட் அல்லது முழு முட்டை. கட்டாயமாக மஞ்சள் கருவும் சேர்த்துச் சாப்பிட வேண்டும். தேவைப்பட்டால், நான்கு முட்டைகளைக்கூட உண்ணலாம். நெய் சேர்த்துச் சாப்பிடுவது நல்லது.

100 கிராம் பாதாம் அல்லது பிஸ்தா அல்லது வால்நட்ஸ். நெய்யில் வதக்கியோ ஊறவைத்தோ உண்ணலாம். காலிஃபிளவர் ரைஸ், சிக்கன் அல்லது மட்டன் சூப் பருகலாம்.

வேகவைத்த அல்லது கிரில் செய்த சிக்கன், மட்டன், மீன் ஆகியவற்றைச் சேர்த்துக் கொள்ளலாம்.

ஸ்நாக்ஸ்:
தினமும் ஒரு கப் கொழுப்பு உள்ள பால் அல்லது 50 கிராம் கொழுப்பு உள்ள சீஸ்.

சைவ டயட் சார்ட்:

100 கிராம் பாதாம் அல்லது பிஸ்தா அல்லது வால்நட்ஸ் அல்லது முந்திரி.

காலிஃபிளவர் சாதத்துடன் (அரிசிச் சாதம் அல்ல) காய்கறி. காலிஃபிளவரை சிறு சிறு துண்டுகளாக நறுக்கி இட்லி பாத்திரத்தில் ஸ்டீம் செய்து எடுத்து, அரிசி போல் சாப்பிடலாம். காய்கறி சூப் ஏராளமாகப் பருகலாம். உடன் சிறிது தேங்காய் சேர்த்துக் கொள்ளலாம். வாரத்தில் ஒரு நாள் 40 கிராம் கைக்குத்தல் அல்லது குதிரைவாலி அரிசி எடுத்துக்கொள்ளலாம்.

200 கிராம் பனீர்.

ஸ்நாக்ஸ்:
ஒரு கப் முழுக் கொழுப்பு உள்ள பால் அல்லது தயிர். தினம் 100 கிராம் கீரை சேர்த்துக்கொள்ளவும்.

30 நாள் பேலியோ சவால் (30 Days Paleo Challenge)

இந்த முப்பது நாள்களும் கீழே தரப்பட்டுள்ள பொருள்களை மட்டுமே உணவில் சேர்த்துக் கொள்ள வேண்டும்.

செக்கில் ஆட்டிய தேங்காய் எண்ணெய், நல்லெண்ணெய், வெண் ணெய், நெய், தேங்காய், தயிர், சீஸ், கீரை, காலிஃபிளவர், புரோக்கோலி, பாதாம், பிஸ்தா, அவகேடோ, கொய்யா, பூண்டு, நாட்டுக்கோழி முட்டை, இறைச்சி, மீன், கடல் உணவுகள் மற்றும் கிரீன் டீ, மோர் ஆகியவற்றை மட்டுமே உண்ண வேண்டும். இதைத் தவிர்த்து வேறு எதையும் சாப்பிடவே கூடாது. இந்த டயட்டில், குளுக்கோஸுக்கு மாற்றாக கொழுப்பு அமிலங்கள் பயன்படுத்தப்படுகின்றன.

தவிர்க்க வேண்டிய உணவுகள்:

காபி, டீ அருந்தக் கூடாது.

எந்த வகைப் பழங்களும் பழச்சாறுகளும் உட்கொள்ளக் கூடாது.

வெள்ளைச் சர்க்கரை, தேன், நாட்டுச் சர்க்கரை, வெல்லம், கருப்பட்டி, கரும்பு, மாத்திரைகள் என எந்த வகையிலும் இனிப்பு எடுத்துக்கொள்ளக் கூடாது.

பிஸ்கட், கேக் போன்ற பேக்கரி உணவுகளோ, பரோட்டா, பிரெட், சப்பாத்தி போன்ற உணவுகளோ எடுத்துக்கொள்ளக் கூடாது.

உடலுக்குத் தேவையான அளவு தண்ணீர் குடிக்க வேண்டும்.

Related

பேலியோ டயட் 5417151427572921872

Post a Comment

Find Here

Date & Time

No. of Posts

Follow Pettagum on Twitter

Follow pettagum on Twitter

Counter From Jan 15 2011

Try this

Total Pageviews

Contributors

Popular Posts

Blog Archive

Followers

Cloud Labels

30 நாள் 30 வகை சிறுதானிய உணவுகள் 30 நாள் 30 வகை சமையல் E-BOOKS GOVERNMENT LINKS Greetings WWW-Service Links அக்கு பிரஷர் சிகிச்சை முறைகள். அடை வகைகள். அமுத மொழிகள் அழகு குறிப்புகள். ஆசனம் ஆப்பிள் சிடர் வினிகர் ஆரோக்கியம் காக்கும். ஆயுர்வேத மருத்துவம் ஆறு சுவையும்... அஞ்சறைப் பெட்டியும்... இஃப்தார் நோன்பு ஸ்பெஷல் இந்த நாள் இனிய நாள் இந்தியா நமது தேசம்! தேசத்தின் நேசம் காப்போம்!! இய‌ற்கை மருந்துகளின் ஆயுள்காலம் இய‌ற்கை வைத்தியம் இன்ஷூரன்ஸ் இஸ்லாமிய உணவுகள். ஈஸியா பேசலாம் இங்கிலிஷ்! உங்களுக்கு உதவும் சட்டங்கள் உடலுக்கு வலிவு தரும் சூப்கள் உடற்பயிற்சி உணவே மருந்து உபயோகமான தகவல்கள் ஊறுகாய்கள் ஃபண்ட் முதலீடுகள் கணிணிக்குறிப்புக்கள் கல்வி வழிக்காட்டி கவிதைத்துளிகள் கன்சல்ட்டிங் ரூம் காய்கறிகளின் மருத்துவ குணங்கள் கால்நடை வளர்ப்பு கால்நடைகளுக்கான இயற்கை மருத்துவம் காளான் வளர்ப்பு குழந்தைகள் நலம்! குழம்பு வகைகள் குளிர் பானங்கள் கை மருந்துகள் சட்னிகள் சமையல் அரிச்சுவடி சமையல் குறிப்புகள் சமையல் குறிப்புகள்-அசைவம்! சமையல் குறிப்புகள்-சைவம்! சமையல் சந்தேகங்கள்-கேள்வி-பதில் சர்க்கரை நோயைக் கட்டுப்படுத்தும் உணவுகள் சித்த மருத்துவம் சிறுதானிய உணவுகள் சுற்றுலா சூரணம் சேமிப்பின் சிறப்பு டெங்குக் காய்ச்சல். தமிழகத்தின் சுற்றுலா தளங்கள் தமிழால் இணைவோம் தமிழ்ப் பழமொழிகளும் சொலவடைகளும் தாய் சேய் நலம்! துவையல்கள் நாட்டு மருந்துகளின் பெயர்கள் நாட்டு வைத்தியம் நாட்டுப்புறப் பாடல்கள். நில அளவுகள் அறிவோம் நீங்களும் பிசினஸ்மேன் ஆகலாம் நீதி நூல்கள் பச்சடிகள் பலவிதம் பரீட்சை சுலபமாக பழங்களின் பயன்கள் பாட்டி வைத்தியம் பிசிஓஎஸ் பிரச்னை குணமாகும் பிசினஸ் ஸ்பெஷல் புகைப்படங்கள் பூக்களின் மருத்துவக் குணங்கள் பெட்டகம் சிந்தனை பெண்களுக்கான நோய்களும் இயற்கை மருத்துவமும் பேலியோ டயட் பொடி வகைகள் மசாலா பால் மண்ணில்லாமல் பசுந்தீவனம் வளர்ப்பு மருத்துவ டிப்ஸ் மருத்துவ டிப்ஸ் வீடியோ பதிவுகள் மருத்துவக் குணம் நிரம்பிய உணவுகள் மன நலம்! முகவரிகள். மூலிகை சமையல் மூலிகைகள் கீரைகள் மைக்ரோ கீரைகள் ரிலாக்ஸ் ப்ளீஸ் வங்கியில் பல வகை கடன்கள் வடாம் வகைகள் வத்தல் வகைகள் வரலாற்றில் ஒரு ஏடு வருமான வரி விவசாயக்குறிப்புக்கள் விஷப்பூச்சிகள் கடிக்கு இயற்கை வைத்தியம் வீடியோ பதிவுகள் வீட்டிலிருந்தே சம்பாதிக்க வீட்டுக்குறிப்புக்கள் வேலை வாய்ப்புகள் ஜூஸ் வகைகள் ஷாப்பிங் போகலாமா..? ஹெல்த் ஸ்பெஷல் ஹோமியோபதி மருத்துவம்
item